Hosea 9:13 - ASII LAKDAP Bible (BSI)

¹³ Man na akhing ashi na, Israil ka hiqwin ba na achhi taitsichong ikha, ajaq nümwa heala. Tsangsetiim akong ada riito. Shatmaq ümchaü re ma, wiita tiitsatbaiqto.

Hawa Naga Bible 2001

¹³ Yehowa lex, tsuingshiq sahez kuex tvkot tvrot thuiyx vtueq thvt gay tueq kuex ngaz rueq khiz tauk.

Hosea 9:13 Referencias Cruzadas

2 HOKHVMX 15:16

Manahem ka Tirja chela maq awa lam niili Tappua chela ka tiibunlak hiqrai shottlii tiithenbaiq wanto. Kra chelati thun, kiimaq kra chela tro wa maiqhiq shong thun ka wiita tiithenbaiqto. Jamkhano ngukla kra chelati ka apaiq puk na nyap mak riito. Apaiq raq jechakre wiisewokti thun puk kiimin kholam kholiiq riipbaiqto.

YOBA 27:14

Tsangsetiim maiqwesere ka pahea purai raü min, wiita re na mitsai; tsangsetiim ma ümtiikiimin wok pheli phaqsea chang ahü.

JEREMIA 7:15

Ngi raq namshiq ma namphu namno Israilnok jamkho imakki wa jobaiq kang, kiikhiisiihali namshiq min imakki wa ajo she mirbaiqha. Arka Ngi Tatiwe raq ngutiikang.”

JEREMIA 9:21

Tsailam ka nashiq kitanpu thun maq nyap wato raüta nashiq hokham jamthun na nyap wato. Tsailam raq nosere kong chiiheawea lamthun wa jiipbaiqto kiimaq jerobi thun ka kejat thung wa tsatbaiqto.

AJONJÜ 2:22

Ümniiraq ijaqtinok ka heawan laüta, tsangshiq ngi tro na nga raüta, phiiptsi jiiptsi chiqdong redong she, tiiwiinum siq wan laü. Krai mren ümtsankhiq walüwa, tiichhikuq laü matdong ranaiq, jumin tiichhii lot mak riito. Ngi raq mangchan lata atiichhanchhi wan wa, isetiim wiita tsangshiq raq tsatbaiqto.

EJEKIEL 27:3

Kra chela ka khamjong chumkii na chaptlo. Raüta khamjong chumkii binjü na siti maiq mung thun wiita rai piikiitlo. Apaiq ma Tati Rakaü Hiqwe raq jamlai wa ngutlaq kra chongkuqlaq: Tajar lei, ümshamhea ka minhap nguta shiikong siq laü.

Hosea 10:14

Kriikha na chiqdong redong misaü wan. Kiitelong maq aruk namchela thun mikhat wan. Botkhulai rai mishot wan. Hokham Shalman raq Beth-arbel chela khattaq kiikha, anyungre nai noshiisetiim hihut re raq mijiip wan.

Hosea 13:16

Samaria chela shiithen baiqraa. Tsangshiq iwokhong na simak riito. Tsangshiq raq ngi ngeng wanto. Rewe jaq na tsangmung mitsai. Noshiisetiim ka longpo ikha ra na mitiithuk. Raüta piqkhupo na mitsom. Anyungre asewok horaqraq, kholam kholiiq miriip,” nguta Tatiwe raq ngutlo.

Hosea 13:8

Ngi ka ase noshii atsatbaiq chapbi kaü ma mijaha, Lata tsangshiq ka kholam kholiiq michai phaqha. Tsangshiq ka hangsikaü raq kaq tlaq ikha, chiimshi niili mirum phaqha. Ngamthaiqkaü raq kaqphaq tlaq ikha, kholam kholiiq mikaq phaqha.

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

Hosea 9:16

Israilnok ka arangchong maq atsaiki pechong ikha, arang thun ka ashinkaiwi she, atso ango min ahüshe. Tsangshiq ka tsihüshe. Tsangsetiim li hum raü min, Tsangtsan ranchang jaqpaq ka, ngi raq michumbaiqha.

AMO LUIK DVP (AMOS) 7:17

Riita ara ngutlaü arkha na, Tatiwe bomtsi ara tailaq. Tatiwe raq akha ngutlo: ‘Ümjamti nyung ka chela na mephe-nyung miishe mija wan. Ümsetiim maiqwesere nai jechaksere ka, re raq mitsat baiq wan. Ümhiq thung ümram bin ka, nammung jiiwantinok riishe mirchum wan, raüta tsangshiq riishe mishamsiq wan. Kiimaq ümniika pongmung niishe mitsai haü. Kiimaq Israil mung ka pongmung na, rewa munglu shumwi miishe, mitsuq wan,’” nguta Tatiwe raq ngutlo.