Hosea 10:14 - ASII LAKDAP Bible (BSI)

¹⁴ Kriikha na chiqdong redong misaü wan. Kiitelong maq aruk namchela thun mikhat wan. Botkhulai rai mishot wan. Hokham Shalman raq Beth-arbel chela khattaq kiikha, anyungre nai noshiisetiim hihut re raq mijiip wan.

Hawa Naga Bible 2001

¹⁴ ralx rvlungc kuex nuimshiq miqsaz nuex httuiuc vtueq nuimshiq nolaungx ghaqshungc htenc bac wvnc tuex. Kvruex raungnuiyq kuex ralx rvkhvt nuex Hokhvmx Shalman rueq Bethabela ghaqyungx kuex tvbac gay raungnuiyq ikhoc yaungx tuex, kvmaq vnyuiuz tamx nuiyc tsuingshiq sahez muinz nyet thvy gay rvhumc tuex.

Hosea 10:14 Referencias Cruzadas

RAPHA HIQWA LAK 32:11

Ngi ka tiichhiilaq, iphu Esau jaq wa. Ngi ka haitiikang. Haitiikang apaiq watlaq ka naishiq khat wa watlo. Raüta naishiq ka wiita jiipbaiq wa watlo sham. Jechakre nai nosere thun kriimin nong nong maq jiipbaiq wa watlo sham.

2 HOKHVMX 17:16

Tsangshiq raq tsangshiq Tatiwe tsangshiq Shiikeawe thungtri thun ka wiita jinbaiq wanto. Raüta tsangshiq raq minsaü pongwenai anai sumla ka miiki ngam maq ashomnoq ma nguta loto. Kriithaq niimin tsangshiq raq jechak nyung phra kaü Ashera sumla kra tiiqto. Kiimaq ra wa raiqsaiq thun kra shomnoq wanto. Kiimaq Baal phrakaü ka shomnoq wanto.

2 HOKHVMX 17:3

Asiria mung Ajong Hokhamwe Shalmanesar raq apaiq rai riikhatto. Kiimaq Hoshea ka Shalmanesar puk na nyapto. Raüta apaiq ma wiitek tijong tsiiq kuqto.

2 HOKHVMX 18:33

Riita maiq mung thun ahinti phrakong raq tsang mungti asenginok ka Asiria mung riimti ajong hokhamwe jaq khon mong wa tiikhup wongkuq wanlot tiisha?

ISAIA 17:3

Israil mung ka atiiwongketi jumin ahü miraq. Kiimaq Damaskas chela ka wase riimak she miraq. Siria mungti re jaq song atiichongkiti thun ka Israilnok kiikha munjuk mijukli she miraq. Arka Ngi Ajong Pinthum Tatiwe raq ngutiikang.”

ISAIA 33:14

Ngaraibuli sitlaq Jajon chelati ka haisitsi ma atiikhairokrok she sitlo. Tsangshiq raq ngutlo, “Shiikeawe raq khapho ka pattup pat-sa walü nyai raitlaq raüta khiimtlaq ikha. Nashiq phong wa maiq weshi ra ka ara wamong wa milun lot rong i shea?”

JEREMIA 13:14

Latiishe ngi raq hamlii che tsabum thun ka triibuk lata tsabum thun ka wiita mitiibun baiqha. Nyungwe re tikiibi, kiimaq jerobi wiita adam na romshaq mibukbaiqha. Jumin tiihang mang; jumin mangchan mang, kiimaq ju miimin mangchan ka tiitsi mang maq, ngi raq tsangshiq ka kun kun mijiipbaiqha.”

JEREMIA 48:41

Raüta Mob mung wa chela thun nai chela kiitelong ruk thun ka wiita khat raüta mijii wan. Kra ranaiq akhing na Mob mungti phenlabi thun ka jechak nyung asechii nowüchhi tsi dongho raüjaq kiinyii phephiiq tlaq ikha mihaisiq.

Hosea 10:15

Bethel chelati min akhiisii re raq mijiip wan. Namshiq raq abi ngarai klo wan lan. Israilnok hokhamwe re jaq na mitsai,” nguta Tatiwe raq ngutlo.

Hosea 13:16

Samaria chela shiithen baiqraa. Tsangshiq iwokhong na simak riito. Tsangshiq raq ngi ngeng wanto. Rewe jaq na tsangmung mitsai. Noshiisetiim ka longpo ikha ra na mitiithuk. Raüta piqkhupo na mitsom. Anyungre asewok horaqraq, kholam kholiiq miriip,” nguta Tatiwe raq ngutlo.

AMO LUIK DVP (AMOS) 3:14

“Ümra akhing niiwa ngi raq Israilnok, tsangshiq ngarai kha, tiichamchao wan tiikang, kra akhing na, Bethel chela wa berong-wacha mirunbaiqha. Lata berong-wacha rongthun kiimin, wiita mingoqbaiqha.

AMO LUIK DVP (AMOS) 3:8

Hangsi kaü giraüjaq, haimak misi shea? Ajong Thaq Na Ajong Tatiwe she bom haü jaq, shammi bom chongmak juwa misi?

AMO LUIK DVP (AMOS) 9:5

Jamkhano nguraüla, Ajong Thaq Na Ajong Pinthum Tatiwe raq mangjong hiqraikhü ka, ajaq maq sham raüta naüshaüshaü baitlo. Krai mren mangjong hiq ka atiikhai banban she muwanto. Mangjong maiqse kunli hoqsiitrang wantlo. Mangjong hiq raikhü tlotli ka Ejip mung wa, Nail jürai kham chhang wan tlaq ikha, ra ma hiq ma she mawantlo. Raüta tiishin riiq hali tiisii baiqto.

Mikha 5:11

Nammung wa chela thun ka run lata, retiip thun kiimin mishthen baiqha

NAHUM 3:10

Kiitinkhan jong taü maq, Thebes chelati ka shumwi ma tsuq wanto. Noseretiim kiidea min chiiheawea wa na, wiita nyattiiq baiq wan. Tsangwela thun jin raü maq khato, kiimaq langlii raüta riiphea wanto.

NAHUM 3:12

Ümperuk weshaü thun ka, phupmup chongtsi aman manngok ikha, re raq mirun baiq wan. Achong ji maq bai raüla, atsi thun ka hiq na, atsunseati nü na, khaq khaq mirok wan!

HABAKUK 1:10

Tsangshiq raq nokhinti ka, shummii shaqshaq riitlo. Tsangshiq raq munghin hokhambi nai welabi ka, ji maq nishishi li riitlo. Tsangshiq raq chela peruk ka, weahü wiqhü miili watlo. Peruk jai na hiqphong raüta, chela mong na nyap wan raüta, chela kra jii wantlo.