Hebrews 4:3 - ASII LAKDAP Bible (BSI)

³ Riita nashiq ümchuro kam tiikaiti thun riika, Shiikeawe raq kiqkham kuq taq nii atsak rilung kra lap wan kai she. Riita arka Shiikeawe apaiq nü maq, jamkho chongkuq taq, kra phanphan she kuwanto. Apaiq raq nguto, “Ngi ka tsangshiq ma tsankhiq riikang. Kriikha maq, ‘Tsangshiq Ka niitiitsak chang hiqshong ashi tiije kuq tiikang kiijaq ümtiikiimin siwa lumaq she miraq!’” nguta tumkham kongphiq khakuq kang. Apaiq raq ara nii atsak rilung siwan chongtlaq arka, apaiq raq ra nai hiq tiiq wan jaqsham ka alot wishe shatmaq chong tlo.

Hawa Naga Bible 2001

³ Kvmluimx jix naungshiq kuex, Tishox bomkhvmc kuq shec tueq nyec tvkuiyq juing kuex lvp wvnc tiq. Kvruex kuex vpiq rueq jungx tueq rulc rv-ngvlc, “Ngaz khaq vtueq bomkhvmc maq tuemc kuq tauk kuex: ‘Tsuingshiq muex ngaz rueq kuq shaungx ngoz tauk nyec tvkuiyq juing mungx kuex mkaq muinz kuq shaungx rvmuq!’” ngoz tueq. Mungkawx kuex vpiq rueq tvdung sung tueq vkhing maq raz tueq, vpiq rueq shuimc juing yauk shuimc htenc tvlot laz shuimx tueq, yuq muinz vruex kvjaz kuex vpiq rueq jungx ruq dvyx rvtueq.

Muklom

³ Hiqtang wang barey han aa, ning sha hun eshi nángtong náng nop aa; Shkewa batta thimal, “Nga tinqhat eq miqtang ma bat táng, ‘Ning i nángtong náng jin nop moq angna.’” Irimal ang jo tho mingkang phanghun rangham wang piq aa ujaksom thum som sey ta.

Hebrews 4:3 Referencias Cruzadas

RAPHA HIQWA LAK 1:31

Raütiishe Shiikeawe raq apaiq raq ümchuwa phansangtaq thun tlotli ka liito, kiimaq apaiq ka kai khoqriiqkhiq riito. Raji ka lea wanto kiimaq rashe wüwanto, kriika ratrok ngoja she riito.

Tvtsvmc 95:11

Ngi ka itsan khiqhea kriikha na atiitum lata akha kiqkham kang: ‘Namshiq ka Ngi raq nii mitiitsak kuqha ngukang mung kriijaq ümkha riita jiimin saülu man mirhan.’”

DUNGWVNC 20:11

Ratrok na saüli Ngi, Tatiwe raq, mangjong hiq ara, ra ara, kiimaq khamjong chum kra kiimaq arthun na siti phanrap sitlaq kra phansang kang. Shatmaq ramiishi ngo ranaiq na Ngi ka niitiitsak ahai riikang. Kra ningkhan na, Ngi, Tatiwe raq Asii Niitiitsak Ranaiq ka shiiman kuq kang. Lata kra ranaiq ka asii tiijakang.

ISAIA 28:12

Apaiq raq namshiq tlotli ma nü tiitsak kuqto kiimaq aheawiq boq pumto. Shatmaq namshiq raq apaiq bom chong ka tairo man tlealan.

JEREMIA 6:16

Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

EJEKIEL 20:38

Ngi raq namshiq liipan wa jurwa ibom taimak, lanlaqlaq ikiq khiitibi kiimaq ngaraibu sitlaqti thun ka alam mirbaiqha. Ngi raq tsangshiq ka ümchaü ümbano shongatlaq kra mung thun kiiwa akhot she mirbaiqha. Shatmaq Ngi raq tsangshiq ka Israil mung niika tiijang shea wan mang she. Kiijiishetiq namshiq raq Ngi ardea Tatiwe nguta misap han.”

Matthew 13:35

Apaiq raq chongkuq wantaq arka, shammi we bomchong kra tiikupi ma nguta chongkuqto. Shammi we raq akha nguta tiithai chongthüto, “Ngi raq tsangshiq ma shiiton bomtsi maq michong kuq ha; ngi raq tsangshiq ma rapha hiqwa miiphü, apaü raüta athü wan bomtsi kra michong kuq ha.”

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Ephesians 1:4

Shiikeawe raq, nashiq ka, ara ra nai hiq armin miphan sang wan shaq niiphü dongdii, Jesuq Khristo pum na, apaiq riishe dongdii nguta, atsea wan wishe riito. Riita, ara nashiq tsea wantaq arka, nashiq arka, apaiq man na kechu maiqsetiim she, kiimaq ashut aphit jam min ahü she, siirairai maq siwan miitu tsea wanto. Riita, nashiq ma apaiq lungwiitsii jonghea rümtlaq kriikha maq,

Hebrews 3:11

Ngi ka tsangshiq ma tsankhiq hea riikang. Kriikha maq, ‘Tsangshiq ka niitiitsak chang hiqshong ashi tiije kuq tiikang kiijaq ümtiikiimin siwan lumakshe miraq!’ ” nguta tumkham kongphiq khakuq kang.

Hebrews 3:14

Ara chongtiikai akha, Shiikeawe ma apha na jamkho kamwan kai, kra tiimeshi mai phan maq atiisup na saüli kam hai jiila, nashiq armin Jesuq rai reraüshi maq, Shiikeawe jaqshamtibi ma mija rong i.

Hebrews 9:26

Kra ngu raü jiika, apaiq kiimin, ra nai hiq tiiq wan li miiphat ka, tiithongkiki chamchao wan chang midongki wa. Kra rii na, apaiq ka, ara maiqpat pahea lea wan jai she, ümchaü ara phangthum wan pat saüho tlo angu niishetiq, pattup pat-sa miitu maiqse ngarai homa thun kra klang maq lakshi wa niili hutjok tiisii rai, apaiq khum ka honglu na tiitaa wantaq kra lümaq tiikhoi kuqto.

1 Peter 1:20

Jesuq Khristo ka Shiikeawe raq man na, ara rapha hiqwa min mishaq niiphü dongdii, namshiq chhiike wan miitu atsea arwan. Kra tsea wantaq kriishe ümchaü pat na, ara phangthum wan pat niishe namshiq ka tiichhii kuq wan tlo. Riita ara pat arka ümchaü athum wan nini she.