HAGAI 1:13 - ASII LAKDAP Bible (BSI)

¹³ Kiijiishe Hagai raq Tatiwe bom ka mungmaiqse ma akha tlü chongkuqto: “Ngi ka namshiq rai adam she. Arka ikiqkham.”

Hawa Naga Bible 2001

¹³ Kvruex yimaq Hagai rueq Yehowa bomjungc kuex miq htenc muex vkhoc jungx tueq: “Ngaz kuex nuimshiq rulc vdvmz httax taungx, kvruex kuex ngvy bomkhvmc rvtueq,” ngoz tueq tvlvy jungx kuq tueq.

HAGAI 1:13 Referencias Cruzadas

1 KAÜWA WERAÜ 28:20

Hokhamwe Dawit raq ase Solomon ma akha chongto, “Kamto maq silaq. Kiimaq pharangrang maq silaq. Laüta jaqsham ka phaho liishe. Krai mren jamlai phan miimin ümjaqsham ka naq tiibanbi kiq. Tatiwe Shiikeawe ngi raq shiililii tiikangwe ka ümniirai nongshnong miraq. Apaiq raq ümniika thaqbaiq mak. Ümniiraq ara Shomjam hai ara milot haüshaq wiiwii apaiq ka ümniirai kongshi maq misi wan.

2 KAÜWA WERAÜ 15:2

Kiimaq apaiq ka Hokhamwe Asa rai riihumkito. Raüta apaiq raq akha riimto, “Hokhamwe Asa lei, i bom ara tai laq. Kiimaq namshiq Juda mungti nai Benjamin mungti raq tairong laq! Namshiq ka Tatiwe rai sihan jiila, Tatiwe ka namshiq rai adam misi. Namshiq raq apaiq rit han la apaiq raq namshiq ma apaiq ka mitiihum kuq. Shatmaq namshiq ka apaiq wokhong wa juho han jiila, apaiq raq namshiq ka amiim mirbaiq.

2 KAÜWA WERAÜ 20:17

Namshiq raq ara rekhat ngomin raamak. Namshiq ka khekham chap lantli khe ronglaq. Tatiwe raq namshiq ma re ka mikhat kuq. Raüta mitang kuq kriili liirong laq. Juda mungti nai Jerusalemti lei, namshiq ka naq khaiq kham rongkiq. Kiimaq naqhai rongkiq. Rekhat kai ronglaq. Tatiwe ka namshiq rai miraq!”

2 KAÜWA WERAÜ 32:8

Apaiq jaq niika maiqse ningkun li sitlo. Shatmaq nashiq rai ka Tatiwe, nashiq Shiikeawe asi. Apaiq raq nashiq mikhrum kuq kiimaq nashiq re ka mikhat kuq.” Mung maiqse ka tsang hokhamwe bom kra tai raüta tsaiji kongtam puqshi she jongto.

Tvtsvmc 46:11

Tati Ajong Pinthumwe ka nashiq rai asi; Jakob Shiikeawe ka nashiq tiiwongketi.

Tvtsvmc 46:7

Tati Ajong Pinthumwe ka nashiq rai asi; Jakob Shiikeawe ka nashiq tiiwongti.

ISAIA 41:10

Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.

ISAIA 42:19

Ijaqshise makchuktlaq arthaq niimin makchukti maiq ashi ra asi shea? Nibii thaq niimin biila, Ngi raq atiikiha itsa soqtiwe khan asi shea?

ISAIA 43:2

Ümniiraq kham tsaühea raptlaü na, Ngi ümniirai adam mirha; Ümtinkhan chamchaoli riihum haü min; ümniika tiingathu tiinga mak miraq. Ümniika wa mong maq khumtlaü na, ümniika wa raq khiimak miraq. Maitai henghea saütlaq kriiraq, ümniika tiimitsi mak miraq.

ISAIA 44:26

Shatmaq ümtiikiiwa ijaqshise raq tiithaitlaq; ümtiikiiwa Ngi raq itsa soqtiwe tiikitiikang, lata ikiimung sürii tiikang kra tiichhi kuqtiikang. Ngi raq kra kiimung thun nai riishambom tiithaitlaq thun ka tiikupi tiikang. Ngi raq Jerusalem ma maiq ka kiijaq mishong wan nong nguta chongtiikang, kiimaq Juda mung wa chela thun ka mitiihea hainong nguta. Kra chela thun ka hiqrai ashotbaiq wa midong wan nong.

JEREMIA 15:20

Ngi raq ümniika tsangshiq makki na miiki gam maq ahai khetuk ma mitiija baiqha. Tsangshiq raq ümniika mikhat. Shatmaq tsangshiq raq ümniika tang mak miraq. Ngi ka ümnaq rai adam sishat mirha. Lata ümkhum ka mitiichhiikuqha kiimaq ümniika khusang maq mithüha.

JEREMIA 20:11

Shatmaq, Tatiwe, ümniika ngi rai adam na, ahong ala, kiimaq ningkun ajong, krai mren, ngi tiichamchaoti ka adea miraq. Tsangshiq raq pattup pat-sa miitu jea mingaü, jamkhano ngukla tsangshiq raq tangmak. Tsangshiq raq jea ngaütlaq kra ümtiikiimin laq mak she miraq.

JEREMIA 30:11

Ngi ka namshiq phana mikiha lata namshiq ka mitiichhiiha. Ngi raq namshiq nyinbaiq kang mung thun kra mitiithen baiqha, shatmaq Ngi raq namshiq ka tiithenbaiq mang. Ngi raq namshiq ma mo tiihohü maq tiihang mang; shatmaq ümtiikiiwa Ngi raq namshiq ma mo mitiihokang, Ngi raq riikhaqli tri maq shinlata mo ka mitiihoha. Arka Ngi, Tatiwe raq toqtan tiikang.”

EJEKIEL 3:17

“Maiqse lei, ngi raq ümniika, Israilnok mung khuthaq na kintsongti miishe shong tiikang. Ümniiraq tsangshiq ma ibomtsi honlam bom chongtiikang kra mitlü chongkuq haü.

HAGAI 2:4

Shatmaq namshiq raq kra liilanta tsaiji ka naqtran rongkiq. Shomjam tiihea hai wan jaqsham kriili shiikut ruq ronglaq. Ngi ka namshiq rairai.

MALAKI 2:7

Ramwebi jaqsham ka riikhaqli maq nokmaiqse ma Shiikeawe tiisap wan shrinke wan kra riito. Nokmaiqse tsangshiq phana kitlaq kriika, ngi tiima tsantsii kra sapkai miitu kitlo. Jamkhano ngukla tsangshiq ka Tati Ningkun Ajong Pinthumwe kiimwebi.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

Matthew 1:23

Bomtsi ka akha tiichongto, “Junrii junsang se ashi raq asewok miho. Kiimaq ase ka maiqwe se michii. Kiimaq no mang ka Immanuel nguta mimang (kra liichum ka Shiikeawe nashiq rai nguta ngo.)”

Matthew 18:20

Ara jamkhano chongtiikang ngukla, ümbano i mang na maiq ka wenai lo wetsam lo nga tlaq, kiijaq tsangshiq rai ngi min lom damshat mirha.”

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

2 Corinthians 5:20

Riita ija, ümchaü sanha naishiq arka Khristo kiimwebi ngo kha maq namshiq tarü kra Khristo mang na, phaqthak nithak maq tsii chongkuq tiikai. Shiikeawe raq namshiq tarü ka apaiq ma wesang wa akhi aluwetiim miishe mitiija wan laq!

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.

2 Timothy 4:22

Tatiwe ka ümtsaiji rai misilaq. Shiikeawe kaphap ka namshiq tarü rai misilaq.

PHOWEBI 2:1

Tatiwe rase ka Gilgal chela maq Bochim chela na wawanto. Raüta Israilnok ma nguto, “Ngi raq namshiq ka Ejip mung wa tsuq wan kang. Lata ngi raq namtitiim ma mung ashi mikuq kang nguta kiq khamkuq kang mung na shea wan kang. Ngi raq ngukang, ‘Ngi raq namshiq rai tongshong tri khakuq kang kra ümtiikii jiimin diibaiq mang she.