Ephesians 4:6 - ASII LAKDAP Bible (BSI)

⁶ Shiikeawe ka ashi li. Kiimaq apaiq ka maiqse angu tarü ma Awejong. Apaiq ka maiqse tarü ma Tati. Apaiq raq ajaq sham ka, maiqse angu tarü lümaq sham tlo. Kiimaq apaiq ka maiqse angu tarü khum na sitlo.

Hawa Naga Bible 2001

⁶ miqphvnx lotlaz muex Vwaz ngoz yaq Tishox muinz vshiz dvyx rvtueq, vpiq kuex lotlaz muex Taungjix, lotlaz mungx nuex yauk shuimx yaq.

Muklom

⁶ Thaji ma ashey hun Shkewa etho Wa, bara thaji wang aluk etho thaji jaktung na etho thaji jamna tong aa.

Ephesians 4:6 Referencias Cruzadas

RAPHA HIQWA LAK 14:19

Raüta apaiq ma shiiman kuqto. Raüta akha ramkuqto, “Ratsan Ramong Nyang Na Siti Shiikeawe, ra nai hiq klotiwe raq Abram ka mishmanlaq!

Tvtsvmc 95:3

Jamkhano ngukla Tatiwe ka ajong pinthum Shiikeawe, apaiq ka tisho kong tarü thaq na ajong pinthum hokhamwe.

ISAIA 63:16

Ümniika naishiq ma awe jong. Naititiim Abraham nai Jakob raq naishiq mang ka sap mak. Shatmaq, ümniika naishiq Tatiwe ka, naishiq ma awe, naishiq ka wranaiqshe tiikhup wongke wantiwe.

MALAKI 2:10

Nashiq tarü ka weshise li riimak shea? Nashiq phansang wanti Shiikeawe ka ashili riimak shea?. Ikhiijiika, nashiq liipan kiqkham raütu khatiikai ka jaram wa jintiikai, kiimaq Shiikeawe raq natitiim ma tongshong jaqkhaq raü tiipakuq wantaq kra jam nguto diibaiq tiikai?

WEAWEA 16:22

Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

Matthew 6:9

Namshiq raq achu jaü ka akhli jaü wan lili ronglaq: ‘Ramungtan na siti na We: Ümmang asii kli mishreng laq;

John 14:23

Kiijiishe, Jesuq raq apaiq bom ka treto, “Jurwa ngi lungwii tlaq, kriiti ka i wokhong na, i bom chong ka phaqchii nichii maq tai raüta misi. I We raq apaiq ka kai milungwii. Kiimaq, i We nainai ka kilaita, apaiq rai adam na misi hai.

John 17:26

Ngi raq tsangshiq ma, ümmang ka triisap kuq wan kang she. Kiimaq, arthaq niimin ngi raq ümmang ka tsangshiq ma, atsaü maq triisap kuq wan ruq li mirha. Krai mren, ümniiraq ngi lungwii tlaü, ümmang chan tsantsii ka tsangshiq tsan mong na misi wan. Krai mren, ngi min tsangshiq rai tsanshi mongshi maq misi wan dam ha.”

John 20:17

Kiijiishe, “I dü niika naq tiipaq jaqkiq,” nguta Jesuq raq apaiq ka tiiwinto. “Ara jamkhano chong tiikang ngukla, ngi ka i We phana mijang wan ha shaqli. Shatmaq, ümniika i notiim phana walaüta bom ka chong wakiq. Ngi ka i We, kiimaq tsangshiq We, i Shiikeawe kiimaq tsangshiq Shiikeawe phana jang wan nong she,” nguta chong wakiq.

Romans 11:36

Ara jamkhano wai wan tiikai ngukla, phanrap phanrii ka, apaiq raq siisaq phansang kuq wanto. Kiimaq, phanrap siwan tlaq kriika, apaiq lümaq li atra siwan tlo. Kiimaq, apaiq miitu li phanrap ka siwan tlo. Riita, ija pattup pat-sa, Shiikeawe khushü kli dea mijong wan laq! Amen!

1 Corinthians 12:6

Jaqsham kewan ningkun kiimin phan phan asi. Ara ningkun thun phea nyin kewanti ka Shiikeawe raq siisaq li kuq tlo. Maiq loweatek ma maiqmii maiqmii atiitsang jaqsham pheakuq wantaq kra phan phan, ningkun kongphiq kriimin pheakuq tlo.

1 Corinthians 8:6

Riikaq nang li jiimin, nashiq miika Shiikeawe ka Ashili, Shiikeawe Awejong sitlaq kriili. Apaiq ka phanrap sitlaq thun kra Tiiqloti we. Kiimaq, nashiq ka apaiq miituli sitiikai. Kiimaq Ttatiwe kiimin ashi li. Tati Jesuq Khristo sitlaq kli. Apaiq lümaq ra nai hiq ka tiiqto. Kiimaq apaiq lü miili nashiq ara atra sitiikai.

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

Ephesians 1:21

Kiimaq, ümchaü Khristo ka kiijaq Ramungtan na nga raütiishe, ra na siti winji mungtubi, arang hotibi winji, ningkun rümtibi, winji welabi, kiimaq winji tuwebi ümchuwa sitlaq kra thun khuthaq na, Khristo apaiq riishe, mung ka lang tlo. Khristo raq, apaiq jaqsham arang mang ho tlaq kriika, ümchaü pat wa nai jai na saüho tlaq pat na siwan tlaq thun tarü thaq na, ajong pinthum mang ho raütiishe sitlo.

Ephesians 2:22

Riita, ümchaü sanha, namshiq ka, apaiq rai pumshi hanshi she siwan lan krai mren, namshiq kiimin nanok ahinti wiitarü sitlaq kra rai, adam na rom raüta, Shiikeawe apaiq si miitu, jamjong kaü ashi she hai tlo. Apaiq ka namshiq rai, Asii Wenyi lümaq sitlo.

Ephesians 3:17

Kiimaq, Jesuq Khristo raq namshiq kamtsantsii rüm tlan kra lümaq, namshiq tsan nai mongjii ka, apaiq sichang jam ma mitiija laq nguta, ngi raq achuli jaü kuq tiikang. Namshiq rilung na, phanrap jaqsham kaiwa ka, Shiikeawe ma nai maiqse ma lungwiitsii rüm tlan kra thaq na, arang tiicham tlii maq sham ronglaq.

Ephesians 6:23

Shiikeawe Awe raq, kiimaq Tati Jesuq Khristo raq, phungmaiqse phunainotiim tarü ma khusang kiimaq lungwii kra kamtsantsii rai mikuqlaq.

TRI CHONGKE 6:4

“Israil lei, ara tsan na tiitsang laq! Tatiwe kli dongdii nashiq Shiikeawe ka.

1 John 3:24

Juwa Shiikeawe wokhong na sitlaq, kriiti ka Shiikeawe rai pumshi hanshi maq sitlo ngushat. Kiimaq Shiikeawe min apaiq rai pumshi hanshi maq sitlo ngushat. Kiimaq Shiikeawe raq nashiq ma Asii Wenyi ka kuqto. Kiimaq Asii Wenyi ka nashiq khum na sitlo. Krai mren, nashiq raq Shiikeawe ka nashiq rai adam dea sitlo nguta, kamto maq asap i she.