Ephesians 3:3 - ASII LAKDAP Bible (BSI)

³ Shiikeawe raq ngarai maiqse ka, Tsütsa Ahea kra lümaq tiichhii wan chang nguta, apaiq raq man niiphü thimi wanto. Shatmaq, arka apaiq raq apaü raütli thüto. Ümchaü, apaiq raq ara ngi ma tiichhi kuqto she. Ngi raq, ara ngi ma tiichhi kuqtaq tsütsa ka, namshiq ma atoqse maq waiq lata tiitai kuq wankang.

Hawa Naga Bible 2001

³ Tishox rueq vpiq vthuiuz vsungx kvmungx lvmx kuex ngaz muex tvkhic kuq phuex. (Vruex lvmz nuex seng vtueq vtut maq ngaz rueq wuiyq wvnc tauk,

Muklom

³ Shkewa apu asum raaq tha piq aa nga ma takhi ta etho esha usam eq ma kot ta. Eshi tung aa raaq nga jakho athol eq wit táng.

Ephesians 3:3 Referencias Cruzadas

Acts 22:17

“Krai mren she, ngi ka Jerusalem na hali jangho nong kang. Kiimaq ngi ka Shomjam mong na achu jaü kai nguta kikang. Ngi ka achu jaürea akhing na,

Acts 22:21

Shatmaq, Tatiwe raq ngi ka, ‘Tiido laq. Walaq. Ngi raq ümniika maiq mung ahin luhea na siti Pongnok phan maiqse ma tsütsa ahea kra chongke wa she mitiiwa kang,’ ” nguta Tatiwe raq ngi ma bom ka chongkuqto.

Acts 23:9

Krai mren she, tsangshiq riikhii tatso gisii trang wan tlaq kriika henghea riiwan wan she heng wanto. Kiimaq Thungtri shrinketibi phong wa, maiq welabi wiijamti Phorisinok phungti ka chap raütiishe, achaq awaq maq latlat she, tri ka akha ngutiishe riikhii wanto: “Naishiq raq lii kai jaq arwe dü na kha ka jam min ahü chhi mai! Jursap, apaiq ma ngohea dea wenyi riilo, riimak la, rase riidea wa bom asa ka chongkuqla riila!”

Romans 11:25

Phunainotiim lei, ngi raq ara apaü raüta athü wan, tengteng bomtsi ara namshiq ma chongke wan rotiikang. Arka namshiq raq sap wan chang akhek sitlo. Kra sap wan han jiila, namshiq tsan na, “Naishiq Pongnok phan maiqse dea taksu maiqse,” nguta tiishom ra man mirhan. Riita, ara chong tiikang tengteng bomtsi ka ara. Ümchaü Israilnok tsantsii wanshakshak rüm tlaq arka, pattup akhli ka wanwan mak miraq. Arka, Pongnok phan maiqse ka Shiikeawe puk na ümtinkhan shang wan chang wa siwan tlaq, kra thun kra kunli she shang wan akhing ranaiq na saüli niili Israilnok tsantsii ka mitsin wan.

Romans 16:25

Shiikeawe khushü kli tiijong rong i! Apaiq raq namshiq ka kamasham na pharangrang maq mitiishong nga lot. Kriika ngi raq Jesuq Khristo bomtsi, Asii Tsütsa namshiq ma chongkuq tiikang kra phanphan miraq. Kiimaq aka rapha hiq wa niiphü, apaü raüta athü tengteng bomtsi riisham mak maq atiichhikuq kra phan miraq.

2 Corinthians 12:1

Ngi riika jamkha riita jiimin tiishomra rai chang li she dongdii riishatshat. Tiishomra rai lata ngi ma jamlai liip rai chang riiwe kla ahüli jiimin, tiishomra rai chang ka sikito. Shatmaq, ümchaü riiwe tiina, ngi ma, riisham raq jamlai wa tiichhikuq taq, kiimaq ngi ma Tati Jesuq Khristo raq jamlai wa tiichhikuqtaq, kriishe chongkuq pha.

Galatians 1:12

Arka ngi raq maiq bomtho alap wan ha min riimak. Kiimaq ngi ma maiq raq ashrinkuq min riimak. Arka ngi ma Jesuq Khristo apaiq raq atiichhi arkuq. Kiimaq tiitsangdada achong arkuq.

Ephesians 1:17

Kiimaq nashiq Tati Jesuq Khristo ma Awejong Shiikeawe, achhai anyii khushü ajong rümti we jaq wa, namshiq miitu achu jaü tiikang, apaiq raq namshiq ma, Asii Wenyi ka asho awo mikuq laq nguta. Raüta namshiq ka, wenyi rilung na taksu maiqse ma mitiija laq. Kiimaq, Asii Wenyi raq namshiq ma Shiikeawe rai atsaü maq mang mitriisap kuq wan laq. Krai mren, namshiq ka apaiq ma tsanwa wetiim ma mitiija laq.

Ephesians 3:4

Kiimaq, ngi raq waiq kang kra, namshiq raq phat han jiila, namshiq riimin, Jesuq Khristo raq jaqsham ka apaü raüta athü wan wa, ümchaü she sürii wan taq kriika, ngi raq jamkho tak wankang, kiikha namshiq riimin mitak lot han.

Ephesians 3:6

Riita, ara chong tiikai apaü raüta athü Shiikeawe jaqsham jaqthiq arka, Tsütsa Ahea lümaq Pongnok phan maiqse riimin, Jehudinok phan rai adam maq, Shiikeawe achu shiiman kriika lap wan damtlo she, nguta Shiikeawe raq tiichhi kuqto. Kra bomchong tiichhi kuqtaq kra, nangnga chong tlo. Tsangshiq noknai ri ka, ümchaü tashi wiishi miishe tiija wanto. Raüta, Shiikeawe raq, Jesuq Khristo lümaq, achu shiiman ümchuwa kuq tlaq kra, tsangshiq noknai ri raq, mren mra she lap tlo.

Ephesians 3:9

Riita, ara jaqsham kuq taq arka, maiqse angu tarü raq, Shiikeawe raq apaü raüta athü bomhuk raükha arka, maiqse rilung na kupi wan tlaq, kra tiichhike miitu riito. Arka, ra nai hiq phansangti Shiikeawe raq, man na richü pat na, maiqpat ümchuwa lea wan taq akhing niika, tiichhikuq mak dea, apaü raütli thü wanto.

Ephesians 6:19

Kiimaq ngi raq Shiikeawe bomtsi apaü raüta athü kra, nanok ma ningkun ajong maq, kholam kholiiq chongke wan miitu, achu jaükuq rong laq.

Colossians 2:2

Ngi raq ara minshiiq wan tiikang arka, namshiq kiimaq tsangshiq ka kamasham na srea laqkong ma mija laq nguta sham tiikang. Kiimaq tsangshiq liipan na atsaü maq riimang riichan raüta misi laq nguta sham tiikang. Raüta tsangshiq tsan atsii na, Shiikeawe ma jamlai miitu wa kam wantaq, kra poimak maq milap wan rong i dongdii nguta, tsankhun maq si miitu sham tiikang. Arka tengtlaq bomtsi kra atsaü maq sap raütiitiq, tsangshiq tsan mong na akha mitak wan lot. Ara tak wan tlaq bomtsi ka, atsaü maq sap wan tlaq kra lü miishetiq, tsangshiq raq maiqse ma phaqchi tum ka Khristoli dea nguta misap wanlot.

Colossians 4:3

Kiimaq namshiq raq naishiq miitu min, nong nong maq achu jaü ronglaq. Kra achu jaükuq tlan krai mren, Shiikeawe raq naishiq ma Jesuq Khristo tsütsa ahea, man na apaü raüta athü kra phanchan kewan miitu akhing ahea mikuq. Ngi ka ara Tsütsa Ahea ara chongke kha na, ümchaü phaqtek mong na sitiikang.

Hebrews 13:22

Phunainotiim lei, ngi raq ara namshiq ma, tsaido jido kewan tsii chongke bomtsi waiq kang ara, tsan achhii maq tiitsang tai han jaq ahea miraq nguta, tiitai tiikang. Ngi raq namshiq ma, ara lak waiq kang arka, atoqse miili waiq kang.

1 Peter 5:12

Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.

2 Peter 3:15

Tatiwe raq kai nin wan raüta namshiq khewan tlo. Apaiq raq ümtinkhan nin raüto khebom tlaq arka, namshiq ka awokhong na tiikhup wong shat maq sihan jaq nguta akhing kuq tlo. Nashiq ma lungwii phuno we Paul riimin, Shiikeawe raq apaiq ma akuq anyan phaqchi ningkun maq ara chongtiikai Tatiwe saükai tsütsa bomtsi arsii li namshiq ma waiqto.