Ephesians 3:2 - ASII LAKDAP Bible (BSI)

² Riita ümchaü ka, namshiq riimin kunli she tai lan sham, Shiikeawe raq apaiq kaphap mangchan wokhong maq, ngi arka namshiq ma, Tsütsa Ahea kra chongke wan miitu shongto. Arka namshiq jonglu wan miitu tiisham tlo.

Hawa Naga Bible 2001

² Tishox rueq vpiq kejux maq nuimshiq vhvlx tvkoc nuex vruex yauk shuimc muex, ngaz muex kuq phuex lvmx kuex nuimshiq rueq vsuing tay wvnc tuit shec rvtueq.

Muklom

² Nim aa Shkewa eshi ráng manchan tung aa raaq utat hun eq tin, eshi ráng manchan wang nim ma jaqhal jaksom somlot kot ma nga raa kot ta.

Ephesians 3:2 Referencias Cruzadas

Acts 13:2

Tsangshiq ka Shiikeawe shomnoq, amang maq achu jaü sitlaq liipan na, “Barnabas nai Saul ka ngi miitu pong na raithü ronglaq. Tsangnai ka i jaq sham miitu, ngi raq ashong kun she,” nguta Asii Wenyi raq tsangshiq ma chongkuqto.

Acts 13:46

Shatmaq, Paul nai Barnabas riika, kra thaq na achat raütiishe, chaqchaq miishe hali akha ngutiishe tra hokuqto: “Shiikeawe bomtsi ka namshiq ma kongkhu chongke chang akhek. Kriikha maq namshiq ma kongkhu chongkuq tiikai. Shatmaq, ümchaü namshiq raq, Shiikeawe bomtsi ka shipoq baiq tlan. Krai mren, namshiq ka pattup pat-sa tsitsü rilung lap wan chang wa, sinchiitsap jamkho tsuq baiq tlaq ikhli she, maiqmii nai maiqmii li she tiitsuq baiq wan tlan. Riita, ija ahea na. Ikhiijiika, ümchaü sanha, namshiq ka baiqthü laitiishe, naishiq raq Shiikeawe bomtsi ka Pongnok phan maiqse miishe michong kuq hai.

Acts 22:21

Shatmaq, Tatiwe raq ngi ka, ‘Tiido laq. Walaq. Ngi raq ümniika maiq mung ahin luhea na siti Pongnok phan maiqse ma tsütsa ahea kra chongke wa she mitiiwa kang,’ ” nguta Tatiwe raq ngi ma bom ka chongkuqto.

Acts 9:15

Kiijiishe Tatiwe raq treto, “Kilaq. Naqhai kiq. Ngi raq apaiq ka i khiiq wi ma nguta atsea wan wishe. Kiimaq, apaiq ka i mang ara, Pongnok phan ma, kiimaq honyung hokhambi ma, kiimaq Israilnok wiitarü ma tiisap wan miitu, tsea wan kang.

Romans 1:5

Apaiq lümaq, Shiikeawe raq ngi ma ara kiimwe jaqsham rahea phan arshe, kiimaq jonghea arshe, kuq wanto. Ara jaqsham arka, aram ari jaqsham. Arka Jesuq Khristo mang tiijong wan miitu. Ara i jaqsham ara lümaq, mangjong maiqse tlotli ka, Shiikeawe ma tiikam wan miitu, ara jaqsham ara kuq wanto. Raüta, apaiq ma kamwanti thun maiqse angu ka, apaiq wokhong na misi wan laq nguta akuq wan.

Romans 11:13

Riita, ümchaü ka, ngi raq namshiq Pongnok phan maiqse miishe bom ka chongkuq pha. Ngi ka Jesuq Kiimwe ma jawan lata ara traho bomtsi chongkuq tiikang arka, namshiq Pongnok phan maiqse miitu shamkuq tiikang. Ngi ka ara kiimwe jaqsham sham tiikang ara miitu kai tiishom ra wan ruq latli misi wan ha.

Romans 12:3

Riita, Shiikeawe raq ngi ma wenyi kongphiq jonghea kuqtaq kriikha maq, ngi raq namshiq tarü loweatek ma, ara tsii chongkuq tiikang ara: Namshiq raq maiqmii ka, ajong ala, phanrap asap atsin hai siisaq nguta, tsan na naq tiima rongkiq. Shatmaq, sobsob bombom maq siwan lili ronglaq. Shiikeawe raq namshiq loweatek ma kamtsantsii ümchuwa kuqtaq kra khan khan, maiqmii thii ka shin wan lili lanta siwan lili ronglaq. Achan ana ka naq bom rongkiq.

1 Corinthians 4:1

Namshiq raq naishiq ka Khristo jaqshisetiim nguta sap chang. Shiikeawe raq naishiq ka apaü raüta athü tengman tlaq bomtsi kra chongke miitu shongto.

Galatians 1:13

Namshiq ma nanok raq chongkuq wanto, ngi riika Jehudinok thungtri maq, Shiikeawe lam phan ka kai tsan tiitsi lata phan wan kang. Kiimaq, ngi raq Shiikeawe sengi phungtuti ka pinthum wesang ralii ma mang lata, ngengseng wan kang. Lata, tsangshiq ka pinthum tiichamchao wan kang. Kiimaq Phungmaiqse ka arang chong maq babaiq tlii riila, nguta hongla wan kang.

Ephesians 1:10

Ara Shiikeawe raq sürii wanto kiimung jonghea jaqsham arka, akhing saüto she angu na, ra nai hiq phansang wantaq thun kunkun ka Khristo wokhong niishe mikiinong kuq wan. Khristo riishe phanrap ka mirüm wan.

Ephesians 3:7

Ngi arka, Tsütsa Ahea kra chongke miitu, Shiikeawe raq akhek pong na, tiitsangdada atsea arwan. Raüta, Shiikeawe raq apaiq ningkun ka, i khum na kuq wantaq kriimaq, Tsütsa Ahea chongke wan jaqsham kra kuqto.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

Ephesians 3:9

Riita, ara jaqsham kuq taq arka, maiqse angu tarü raq, Shiikeawe raq apaü raüta athü bomhuk raükha arka, maiqse rilung na kupi wan tlaq, kra tiichhike miitu riito. Arka, ra nai hiq phansangti Shiikeawe raq, man na richü pat na, maiqpat ümchuwa lea wan taq akhing niika, tiichhikuq mak dea, apaü raütli thü wanto.

Ephesians 4:21

Namshiq raq apaiq rilung ka jamkhiiwa, kriika achhi tai wishe. Namshiq ka apaiq sengi ningkhan, apaiq raq tiichhikuq tlaq, apaiq rilung na tengteng rilung rüm tlaq kra shrinkuq tlo.

Ephesians 4:7

Nashiq wiitarü raq, maiqmii loweatek ma akhek atiitsang kongphiq, Jesuq Khristo raq athiiq raüta akuq kriika, lap kai siisaq she.

Colossians 1:4

Arka naishiq raq namshiq kamtsantsii, Tati Jesuq Khristo ma thü tlan kra nai namshiq raq Shiikeawe setiim tarü rai lungwii tsantsii maq sitlan nguta tsütsa kra tai laita kechutum tiikai.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.

1 Timothy 1:11

Riita, ara chongtiikang tengteng tri raü tu arka, Tsütsa Ahea ara nangnga chongtlo. Ara Tsütsa Ahea raq maiqse ma phanchan kewan miitu arang ka, Shiikeawe raq ngi ma kuqto. Ara Tsütsa Ahea arka, achhai anyii, kiimaq ningkun jonghea, maiqse tiichhii wan chang ningkun tu riito. Kiimaq, arka shiiman bomtsi Shiikeawe nübok maq adong.

1 Timothy 1:4

Ümniiraq arot shrabi kong ma, tsangshiq raq arot akiq manphan chong tlaq, kiimaq richü pat wa maiqwe raü manphan, hit wiilü lam wiilü mangwea raüpot thun kra phanchan kuq tlaq, raüta rashe tiicha tlaq kriika, ümchaü ka atsaq she ronglaq nguta atiiwin riilaq. Kra phanchan tlaq kriika banbokmii, rashe shaphaq chang. Kra manphan thun ka, nashiq raq Shiikeawe lamphan na amet lap chang jam min ahü. Nashiq raq Shiikeawe lamphan tri sap wan ka, nashiq raq kamtsantsii rüm tiikai kra miitiq sap tiikai. Akhnok banbokmii manphan tai laitiika riimak.

1 Timothy 2:7

Ara ningkhan, Shiikeawe raq ngi ka akiimwe ma shongto. Kriika ngi raq ara chongtiikang Tsütsa Ahea ara, Pongnok phan maiqse ma chongke wan miitu shongto. Tsangshiq ma ngi raq tengtlaq Phungmaiqse kamasham rilung lamphan tsütsa kra phanchan kewan miitu, ngi ka shongto. Ngi raq arot chong mang. Ngi raq chongtiikang arka tengteng!

2 Timothy 1:11

Shiikeawe raq, ngi ka Tsütsa Ahea ara chongke wan nai, ara shrinke wan miitu, kiimwe ma shongto.