Ephesians 2:3 - ASII LAKDAP Bible (BSI)

³ Riikhaqli maq liiwan raüka, nashiq wiitarü ka, ara ümchaü mangjong maiqse jamkho sitlaq akha siisaq li dea siwankai. Laita, nashiq han-ngam phara ramho raq shunshea tlaq kra phan phan li dea sikai. Ngarai han-ngam raq jamlai wa jaü tlaq kra, sham laitli dea sikai. Nashiq han-ngam rilung niika, nashiq ka nanok jamkho sitlaq kiikha ngarai bu hoti siisaq li dea sikai. Krai mren, nashiq ka Shiikeawe tsankhiq walü na khiim wanti siisaq li sikai.

Hawa Naga Bible 2001

³ Vsuing naungshiq lotlaz muinz kungkhux nuex lauk shiz tsuingshiq ikhoc yaungx ruiux naungshiq gvnngvmx rueq rvnphvnx yaq lvmx htenc nuex phvnx vtueq gvnngvmx rueq roc nuiyc thuinz rueq roc yaq lvmx phvnx ruip saz kuex shuimx kaz wvnc tiq. Naungshiq kuex gvnngvmx lvmx maq vganc jix htenc rulc rv-ngvlc Tishox thuinkhvy kuex rvhumc aungx yaq jix htenc yaungx tiq.

Muklom

³ Hiqtang thaji jakho irimal hun tongti, hiqtang hanngam ngikjuk tha etho eshi thung atal jiphan eq tongti. Etho miq dak mal dangjang o Shkewa tinqhat hiqtang ma angta.

Ephesians 2:3 Referencias Cruzadas

RAPHA HIQWA LAK 5:3

Riita Atam ka arawii 130 she angu na ase maiqwe se ashi, apaiq la apaiq humto. Kiimaq apaiq raq apaiq ka Seth nguta mangto.

RAPHA HIQWA LAK 6:5

Riita Tatiwe raq hiqraikhü na siti maiqse angu kunli ka pinthum abi siisaq chhito kiimaq tsangshiq tiima tsantsii ka wranaiqshe pinthum abi siisaq chhito.

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

YOBA 14:4

Maiqse rilung shekhiq kiiwii ka phanshi ra asii ka jamwo midong.

YOBA 25:4

Shiikeawe makki na kechu maiqse riimakla asii maiqse ashi ra asi shea?

Tvtsvmc 51:5

Ngi ka irawü chhi ranaiq miiphü dongdii abi; inyung wok mong na kop wan pha akhing miiphü ngi ka ngaraikaü.

ISAIA 53:6

Nashiq tarü ka skuse amo arki ikha siwankai, nashiq loweatek maiqmii lampu rit siwankai. Shatmaq Tatiwe raq nashiq mo ka apaiq ma tiiho wanto, nashiq tarü raq kra mo ka howan chang wa.

Mark 4:19

Shatmaq, mangjong han-ngam miitu chapa, tsiiq anyam ma ranphan, kiimaq laihin phanrap phanrii miitu ranphan tsii riili she bomtsi ka, tsangshiq tsan mong na tiicham mak, nyaho tlo. Kiimaq tiitsi ngo mak she tiimo baiq tlo.

John 1:13

Tsangshiq Shiikeawe setiim ma jawantaq kriika, mangjong han-ngam maq rawü chhi tlaq, ikha rawü chhi raüta Shiikeawe setiim ma jawan ka riimak. Shatmaq, Shiikeawe apaiq raq tsangshiq ka, asetiim ma tiija tlo.

John 8:44

Nam we ka Tha kaü. Namshiq ka thasetiim. Krai mren, nam we jaiphan li lungwii tlan. Apaiq ka man na miiphü dongdii matwe tsawe. Arilung na jangshi min tingting rilung lamphan ka tiima mak dongdii. Ara jamkhano chongtiikang ngukla, apaiq tsantsii ka tingting riimak. Krai mren, apaiq ma arot akiq bomchong ka maiqmii aphara jaqsham. Ara jamkhano chongtiikang ngukla, apaiq ka arot we. Apaiq ka arot akiq dong chong.

Acts 14:16

Richü pat na Shiikeawe raq mangjong maiqse ka tsangshiq tsantsii na jamlai phan shomnoq raüwa ahea nguta tiima tlaq, kra phan phan, phanrap phanrii tiishom noq wanto.

Romans 1:24

Ara chong tiikai, maiqse ka Shiikeawe wokhong na siwan romak, angi ma jakai kha niishe, Shiikeawe raq tsangshiq ka tsangshiq, ashe ashi phan jamlai wa tsangshiq raq ro tlaq, kra ashe ashi ramho kharü mong niili she tiishaü kuqbaiqto. Krai mren, tsangshiq ka tsangshiq maiqmii nai maiqmii liipan na jeasi miari lishe, riinyat shat raü raüta sitlo.

Romans 11:30

Riita, ija, namshiq Pongnok phan maiqse raq richü pat niika, Shiikeawe kiq khü wan lanta siwan lan. Shatmaq ümchaü sanha, Jehudinok raq Shiikeawe kiq khü wan kha maq, namshiq raq Shiikeawe mangchan she lap wan lan.

Romans 13:14

Shatmaq, Tati Jesuq Khristo raq akuq rekhat chang miirii, khu aliiq, chuntsi nyiimwin kiimaq ko aliq thun kriimaq tiimiikhiiq laitiishe, tiijeshat maq rekhat miitu si rong i. Kiimaq namshiq khum wa ngarai han-ngam ramho jamlai phan wa sitlaq, kriika naq dung hiq rongkiq she.

Romans 2:14

Pongnok phan maiqse raq, Mosheq Thungtri ka lap wan mak dea riito. Li jiimin, ümtiikiiwa tsangshiq tsan mong na sitlaq, chongwa tsantsii raq, tsangshiq ka thaü wan tlaq, kiimaq kra phan phan, tsangshiq raq jaqsham wan tlaq, kriili she, tsangshiq ma thungtri. Tsangshiq raq Mosheq Thungtri lap wan mak dea riito li jiimin, tsangshiq tsan mong maq adong, tsantsii tri kriishe tsangshiq miika thungtri aming tai wan tlo.

Romans 5:10

Akhing ashi na, nashiq ka Shiikeawe ma wesang ralii kong siwan kai. Shatmaq, apaiq raq nashiq ka Ase tsaitaq kra lümaq, ümchaü sanha apaiq khi alubi miishe tiija wanto. Riita, ikhiijiila, ümchaü sanha, nashiq khum na Khristo rilung sitlaq kriiraq tiichhii kuq wan lili raüta, nashiq ka ümtinkhan ajong alu ma tiija wan chang she wa sitla riila nya!

Romans 5:9

Apaiq tsai wantaq kra lümaq, ümchaü nashiq ka wehea she nguta, Shiikeawe jam na tiidü wanto she. Ikhiijiika, ümtinkhan she wa apaiq raq, nashiq ka phangthum khapho ranaiq, Shiikeawe tsankhiq walü mong kiiwa mitiichhii kuq wan nong riila!

Romans 6:12

Krai mren, ümchaü sanha, namshiq ka chongwa hanho ngarai sükha ramho jaqkhon mong niika, naq si rongkiq she. Ngarai han-ngam khum, hiqda ma jakai chang, kra miika naq tiijam sha rongkiq she.

Romans 7:18

Ngi raq asapha, ngi raq i han-ngam ningkun miika, ahea awa phan jaqsham kriika, sham wan lot mang. Ara jamkhano chongtiikang ngukla, i tsan mong na, ahea awa phan jaqsham kriidea sham hajaq, ngutiika tiima tiikang dea na. Shatmiitiq, ngi raq kra i jaq miishe, ara sham la ngutiishe tiima tiikang niika, sham lot mang she riiki tiikang.

Romans 9:22

Krai mren sii hali, Shiikeawe riimin maiqse ka phanrap na seng raüta tiipok wan tlo! Arka, Shiikeawe raq apaiq tsankhiq nai apaiq ningkun jong kra, tiichhi kuq wan tlaq kiijaq chhi wan tiikai. Arka, apaiq tsankhiq ka ümriiti khuthaq niiwa siwan tlaq, ümriiti wa chongthum walü maq tiikhiim chaq baiq wan chang sitlaq, kriiti thun miimin, apaiq riika, pinthum anin riiwan raüta, khebom wan tlo chhi wan tiikai.

1 Corinthians 4:7

Riita ija, ümniika juro wela ma shong ta? Shiikeawe raq ümniima phanrap ka kuqto she riimak sha? Riita, Shiikeawe raq ümniima phanrap ake kun she jiika, ümnaq shiikong rai chang lam min asi sha? Shiikeawe raq phanrap ka phe maq kuqto riimak sha?

2 Corinthians 7:1

Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.

Galatians 3:22

Shatmiitiq, Asii bomtsi na, mangjong maiqse tlotli ka, ngarai kharü mong na siisaq sitlo nguta chong tlo. Riita, ara ningkhan, Shiikeawe raq kongphiq mikuq ha nguta kiqkham kuqtaq kriika, jurwa Jesuq Khristo ma kamtlaq, kriiti miili, tsangshiq raq kamtsantsii thü wan tlaq kriithaq na seng raütiishe kuq tlo.

Ephesians 2:2

Kra lea wan lan akhing na, namshiq raq ara mangjong hiq na siti, abi maiqse rilung lam kra phan lanta silan. Krai mren, kiitiikaq, namshiq ka, ara ümchaü pat wa mangjong maiqse, Shiikeawe kiq khiiti ara jamsha wanti we, rawang win na siti abi winji welabi thun thaq na, hokham jati we wokhong na silan.

Ephesians 4:22

Krai mren, ümchaü sanha, namkhum na rilung achü sitlaq kriika alam she riibaiq ronglaq. Namkhum na, man niiwa phung na mishang shaq na sitlan rilung ka, namnyung pukdong ngarai pum, laopha tsii nai sükha tsii raq, namkhum ka wiita atriim phaq wishe riito.

Colossians 1:21

Akhing ashi na namshiq ka Shiikeawe wokhong wa luhea na kiho lanta siwan lan. Kiimaq namshiq ka apaiq rai wesang ralii maq siwan lan. Kriika namshiq raq abi ngarai ümchuwa tang wan lan, kiimaq hongtha mak phan abi ati tiima tsantsii pahea rüm wan lan kra ningkhan riito.

1 Thessalonians 4:13

Naphu nanotiim lei, maiq ka atsai kai jai, jamkho jaki tla, kra tengtlaq bomtsi ka, naishiq raq namshiq ma tsan na, tiitsang dada maq chongke ro tiikai. Ara tengtlaq bomtsi ara sap han jiitiq, aranphan chang ahüti thatsang maiqsetiim shiri tlaq ikha, namshiq ka shirirai man she mirhan.

1 Thessalonians 5:6

Krai mren, ümchaü sanha, namshiq ka nanok ahinti konsiq tlaq kiikha, akonsea ka raa mak she. Nashiq ka asam maq sichang. Kiimaq tsangrakrak maq sichang.

1 Timothy 6:9

Shatmaq, maiqse angu liipan na, juwa chiithe ma jawan hajaq nguta süram tlaq, kiikhiiti ka, sükha ngarai thiikho na dea tlo. Raüta, Thawe raq bi tsan tlaq kiijaq min rai tlo. Tsangshiq ka ajiq shakaq sükha kharü maq tiikha raüta, atiisup na tiimiqchup she tiidea hitbaiq tlo.

Titus 3:3

Jamkhano ara chongtiikang ngukla, man na lea wankai akhing ashi na, nashiq tarü ka maiqjiq, angok angikong ikha siwan kai. Shiikeawe lamphan sapmai, nilan kong siwan kai. Kiimaq ashut ashe rilung li siwan kai. Nashiq ka ngarai sükha tsii kharü mong na siwan kai. Kiimaq phanrap phanrii, ngarai han-ngam sükha polo lam phan wan laitli siwan kai. Nashiq raq nashiq rilung ka maiq chongsea nai maiq ngengseng lam miili rilung shaphaq wan kai. Nanok raq nashiq ka shuliito. Kiimaq nashiq riimin nanok ka shulii wan laitli rashe jipi tiicha wan kai.

1 Peter 1:14

Shiikeawe bomchong ka phaqchii nichii maq tai ronglaq. Ümchaü sanha, namrilung ka man na, jam min sap man lea wan lan akhing wa tiima tsantsii maq naq tiijam sha rongkiq she.

2 Peter 2:14

Tsangshiq riika sethoq sepii jati jechakre rai hai nga dam kli rittlo. Tsangshiq tsan mong niika ngarai rilung peosea kli walü wa ikha nyai tlo. Tsangshiq raq kamasham na jehin nore ikhiiti wiita tsangshiq thiikho na tiithap wan tlo. Tsangshiq tsan atsii ka ngarai sükha tum raq aliim wan wishe. Tsangshiq ka Shiikeawe manson walü mong niishe sitlo!

2 Peter 2:18

Tsangshiq riika shiikong miilong, ni na wamak chang, tiishom ra wan tlo. Kiimaq ngarai han-ngam sethoq ja lam kra phan raüta, Phung na shang nyeti, ranyaq mong wa tiichhii wan phati kra shonron ho tlo.

1 John 2:16

Ara mangjong hiq na siti phiijawa raq jamlai wa araa ariq phan pinthum nguta shreng tlaq ka ara: ngarai han-ngam sükha ramho, maiqse maklii sükha ramho, kiimaq rilung khushü jong riilong tsii sitlaq kra. Arthun chongtiikai arka, Awejong Shiikeawe raq aphan sang ka riimak. Arthun arka phiijawa rilung miirii.

1 John 2:8

Namshiq raq man na tai lan aming ka achu li jiimin, ümchaü ngi raq waiq nong tiikang arka, aming anye she hali. Jamkhano arka aming anye ngukla, Shiikeawe aming tri raü tu ka, Khristo khum niishe kupi wanto. Kiimaq namshiq rilung niimin she ku wanto. Ara jamkhano chongtiikai ngukla ranyaq ka thum rai wan tlo she. Kiimaq riikhaqli rawiili ka arshe liliim wanto she.