EJRA 7:8 - ASII LAKDAP Bible (BSI)

^8-9 Tsangshiq ka Bebilon maq rawii phawan jipi liiwa, jiha ranaiqshi na, laüwanto. Krai mren, Shiikeawe chi ara khong maq, kra rawii, jipi lübiingi angu na, jiha ranaiqshi ngoja na Jerusalem na saüto.

Hawa Naga Bible 2001

^8-9 Tsuingshiq kuex vphaungc yapix vphaungc raungnuiyq Babelon mungx maq kvtenc waung wvnc vtueq, Tishox rueq romc kuy ningkhvnc nuex lex bv-ngac yapix vtsvnc raungnuiyq Yerusalem nuex tsuingshiq httuiuc waung tueq.

EJRA 7:8 Referencias Cruzadas

EJRA 10:9

Ara chongtiikai arai mren, ranaiqtsam ngo jai maq, kra rawii wa jipi lütiikaü angu na, raroqnai ngo ranaiq, Juda wang na siti, kiimaq Benjamin wang na siti mungmaiqse kunli, Jerusalem na ngongthun lomkai saüto. Raüta, Shomjam wangmong na rinkea hiqthung ba kiijaq thungto. Kra akhing ka pinthum rajun henghea riito. Kiimaq kra rajun ningkhan nai ngongthun tlaq kiijaq bomtsi riichong wan chang tri kha ka tsinhea bomtsi riito. Kra ningkhan mungmaiqse ka pinthum atiikhai rokrok maq ngato.

EJRA 8:32

Riita, naishiq ka Jerusalem niishe saü wan laita, kiijaq ranaiqtsam niitiitsak haikai.

EJRA 9:9

Naishiq ka akhing ashi na di ma jakai. Shatmaq ümniiraq naishiq ka di ama rilung mong niili ka tiishaü baiqthü maü riilaü. Ümniiraq Parsia mung langwanti hokham ajongbi thun tsan nai tsii ka, naishiqnok khuthaq na mangchan tsantsii tiichhike miitu, tsangshiq tsan nai mongjii kilü ahea she dikuq wan laü. Krai mren, tsangshiq raq naishiq ka khusang rilung shongnga wan nong miitu, kiimaq ümnaq shomnoq wan chang Shomjam atiithenbaiq kra, tiihea hai wan nong miitu kilü she dikuq laü. Kiimaq ara Judia mung nai Jerusalem chela na khusang maq shongnga wan miitu, akhing ahea she kuq wan nong tlaü.

ESTHAR 2:16

Krai mren, Ahasueras raq hokham jaqsham wan li maq wiimiishi she angu na, jipi lüroqshi she, Tebeth jipi lü na, Esthar ka hokhamwe Ahasueras jam na sham tiichhi wa shea wanto.

DANIEL 9:25

Ara bomtsi ara ümtsan na samhea tiitsang shaq laq. Laüta liichum ka tak laq: Jerusalem chela kra tiihea haiwan miitu, aming tat tlaq kra akhing maq phawan raüta, Shiikeawe raq asengi sheati wela weshi shong wan tlaq kra akhing na saüli ka, jang miishishi maq wiimiishi kra milea wan. Kra akhing leawan jai miishetiq, Jerusalem chela ka mitiihea hai wan. Chela mong wa lam thun nai chela trotam maq kiitelong ruk thun kra thepthep atang tingsang she mitiihea hai wan. Raüta kriika jang miishi maq wiiroqtrok ri wiinai misi wan. Shatmaq kra akhing bala ka pinthum litkot chamchao akhing miraq.