EJRA 6:1 - ASII LAKDAP Bible (BSI)

¹ Krai mren, hokhamwe Derias raq kra aming lakdam kom kra Bebilon mung na sitlaq hokham jam na rit wan miitu aming kuqto.

Hawa Naga Bible 2001

¹ Kvkhoc rvtueq honoc Dariu rueq nvr tueq rulc rv-ngvlc Babelon nuex taq tueq hokhvmx mvnphvnc tvtsuingc luik nuex thuiyx lawc wuez tueq.

EJRA 6:1 Referencias Cruzadas

EJRA 4:15

Ajongwe lei, ümniiraq ara chela manphan ka, man na pat na ümti ümwe raq munglang wantaq manphan lakdap kiijaq samhea konchon lii wan miitu aming kuq laq. Kra ritkot wan raü jiila, manphan lakdap na awaiqthü kiiwa, ara chela arka ümsmiiphü abi chela dongdii. Kiimaq hokhambi wokhong na siwan mak phan mungshuk wanti dongdii nguta michhi haü. Ara chela arka Hokhambi kiqkhii wan sru riiwanti ashi. Kiimaq ara chela na siwanti Jehudinok phan ngutlaq kriika ashpuq wan miimin habi pinthum nguta michhi haü. Tsangshiq ka akha hokham wokhong na siwan mak phan kha maq, man na redong akhing ashi na ara chela ka shiithen baiqto.

EJRA 4:19

Ngi raq aming kuq lata, man niiwa manphan lakdap thun kra konchon liikang. Riita, manphan jiiche lakdap thun kriiwa Jerusalem chela ka hokhambi wokhong na simak phan, hokham jaqkhong wa dongho miitu mat atsa tiidong kiimung wanti dongdii. Hokhamwe raq mung peng wan na mintsa tiipa kewanti.

EJRA 5:17

“Riita, ümchaü min, Ajongwe Chaü lei, ümniiraq ahea nguta thimi wan tlaü jiika, Bebilon mung hokhamwe jam na athü wan, man niiwa manphan jiiche lakdam kom thun kiijaq konchon nong laüta liiwan raü jaq ahea. Raüta ara chongtiikai hokhamwe Sairas raq Jerusalem wa Shomjam kra hai wan nong miitu, aming kiq tiidea tiidea shea, tiidea mak dea wa, kra tiitsangrii wan raüjaq ahea. Laüta ara chongtiikai Shomjam tiihea wan tlaq ara miitu tsütsa ka ana naishiq ma hali tiiso kuq nong haüjaq ahea nguta tiima tiikai.”

EJRA 6:22

Tsangshiq raq ara Pi Maq Shohü Winsii Phaq Poi arka, ramiishitup, shreng raüta, chojong chise maq lang wanto. Tsangshiq ka pinthum khoqriiq shishiiq miishe siwanto. Jamkhano ngukla, Tatiwe raq Asiria mung langti ajong hokhamwe tsantsii ka Israilnok khrumke wan miitu tiininja kuq wanto. Krai mren, apaiq raq Israilnok ka Shiikeawe Shomjam kra tiihea haiwan miitu khrum kuqto.

EJRA 7:13

“Ngi raq ara mung lang tiikang armong na siti, Israilnok tlotli ma, kiimaq ramwebi ma, kiimaq Lewinok ma, kiimaq juju riiwa Jerusalem na laühodam rotlaq, kriiti ka jam tiibanbi ahü ma ümchaü ümniirai laühodam mimai nguta aming kuq tiikang.

YOBA 29:16

Ngi ka miitsan maiqse ma awe jong jawan kang kiimaq wanwe acham achaotibi rai pong wan dam kang.

Tvtsvmc 40:7

Kiijiishe ngi raq trekang, “Ngi ajiilii; ümniiraq ngi ma hon atsii chongkuq laü bomtsi thun ka tri dap na asi.

TAKSU LAK 25:2

Apang raüta hupsam thütlaq kra, Shiikeawe khushü; Kra liichum chongke ka, hokhamwe khushü.

JEREMIA 36:29

Kiimaq Tatiwe raq ngi nangnga hokhamwe ma akha chonglaq nguta thaüto, “Ümniiraq lakdam kom ka wa na chaqbaiq laü. Kiimaq ümniiraq Jeremia ma jamlai nguto Bebilon mung hokhamwe ka ana miki. Raüta armung ka mitiithenbaiq kiimaq armung wa mungmaiqse nai jam nyamse thun ka wiita mitsatbaiq nguta waiq laü.

JEREMIA 36:32

Krai mren she, ngi riimin lakwaiq chang damkom ka ashi lam nongkang. Lata icherewe Barukh ma kuqkang. Kiimaq apaiq riimin ngi raq jamkho tlü chongkuq kang, kra phanphan hali waiqthü nongto. Apha lakdam kom na ümchuwa riita kra wiita bomtsi poshi min tiikhea mak maq waiqto kiimaq kra niq riri siihali tsütsa bomtsi ngi raq apaiq ma jamkho chongkuq kang kra phanphan waiq thüto.

EJEKIEL 2:9

Kiijiishe ngi raq maiq jaq ashi ka ipha nü na neishat chhikang. Kiimaq kra maiq jaq niika lakdamkom ashi sham raü chhikang.

EJEKIEL 3:1

Shiikeawe raq nguto, “Maiqse lei, ara lakdam kom ka phaq laq. Laüta Israilnok phana kilaüta chongkuq kikiq.”

DANIEL 9:25

Ara bomtsi ara ümtsan na samhea tiitsang shaq laq. Laüta liichum ka tak laq: Jerusalem chela kra tiihea haiwan miitu, aming tat tlaq kra akhing maq phawan raüta, Shiikeawe raq asengi sheati wela weshi shong wan tlaq kra akhing na saüli ka, jang miishishi maq wiimiishi kra milea wan. Kra akhing leawan jai miishetiq, Jerusalem chela ka mitiihea hai wan. Chela mong wa lam thun nai chela trotam maq kiitelong ruk thun kra thepthep atang tingsang she mitiihea hai wan. Raüta kriika jang miishi maq wiiroqtrok ri wiinai misi wan. Shatmaq kra akhing bala ka pinthum litkot chamchao akhing miraq.

Revelation 5:1

Ngi raq hokham ngacho na ngati we, jaq jaqtsi nü na lakdam kom ashi chhikang. Kra lakdam kom ka siimhap ri na waiqje siisaq. Kiimaq ba miishi na sil maq trap phanje.