EJRA 4:7 - ASII LAKDAP Bible (BSI)

⁷ Kiimahali, Parsia mung rümti hokhamwe Artajarses pat niimin, Jehudinok ngengti Bisham, Mithredath, Tabeel, kiimaq tsangshiq kongtibi thun ka adam na ri raüta, Jehudinok shra wan miitu lak ashi hali waiq nong raüta, hokhamwe ma shok nongto. Kra lak ka Aramik bom maq waiqto. Kiimaq kra lak ka ümtiikiiwa nokwe ma phatkuqtlaq, kra akhing na, bom ka akle raüta chongke wan chang riito.

Hawa Naga Bible 2001

⁷ Persia honoc Artazeze rueq guimz yek tueq nuex Bishalam, Mitharedat, Tabeel nuiyc tsuingshiq kung vkamz hez rueq honoc waz kox nuex luik wuiyq tueq. Kvruex luik kuex Aramai kvjaz maq layc wuiyq vtueq phat kuy tvkoc rvtueq.

EJRA 4:7 Referencias Cruzadas

2 HOKHVMX 18:26

Kiijiishe Eliakim, Shebna kiimaq Joa raq kra siihiipwe ma akha chongto, “Shiilangwe lei naishiq miika Sira mungti bom miili bomkuq laq, Naishiq kra ataihai. Hibru bom miika naq bomkiq. Ara kiitelong ruk tiinap na siti mungmaiqse tarii raq taitlo.”

EJRA 4:1

Judia wangti nai Benjamin wangti, Jehudinok ma chiqse rewe jatibi raq, Israilnok mungmaiqse wansha wa ajang wati thun raq, Israilnok Tati Shiikeawe Shomjam chong, man na re raq atiithen baiq kra, tiihea hai wan nongtlo nguta tsütsa kra tai wan wito.

EJRA 4:17

Ara lak lapjai Ajong Hokhamwe raq, lak tiijang ka akhiishe hali waiq raüta tiihohoto: Ara lak arka Wanghuptiwe Rehum kiimaq Cherewe Shimshai kiimaq tsangshiq khrumti Samaria nai Euphretis Jürai maq Shenyap Mung nü na siti tarü ma tiiho wan tiikang. Namshiq tarü ma salam.

EJRA 4:8

Kiimahali, hokhamwe wokhong na siti wanghuptiwe Rehum kiimaq kra wang khu na Cherewe Shimshai riimin Jerusalem na siti Jehudinok kra shra wan bom lak ashi waiq nong raüta hokhamwe Artajarses ma tiiho wanto. Lak na bom ka akha waiqto:

EJRA 4:9

“Ara lak ara wanghuptiwe Rehum kiimaq ara wang thaq na siti Cherewe Shimshai kiimaq mung thaq na siti mungtu shiilangbi raq, kiimaq phowebi raq, kiimaq Elam mung na siti Erekh chela, Bebilon chela, kiimaq Susa chela kiimaq man na Judia mung na alaüki phong wa hokham jaqsham wanti siihiip thun raq,

EJRA 5:6

Riita krai mren, tsangshiq raq ajong hokhamwe ma Shomjam tiihea wan tlaq tsütsa kriili lak waiq raüta tiiho wanto:

EJRA 7:1

Arjai maq rawii luhea sijai niishe, Ajong hokhamwe Artajarses raq Parsia mung lang akhing na, Jehudinok phan wa maiq weshi, Ejra nguta asi riito. Apaiq raq ati awe raü manphan ka Aron pat na saüli konchonto. Apaiq ka ramwe jong pinthum Aron saüse phan wa. Apaiq ma atitiim weraü manphan ka akha: Ejra ka Seraia se; Seraia ka Ajaria se; Ajaria ka Hilkia se;

EJRA 8:36

Kiimaq ajong hokhamwe raq tsangshiq jaq na Euphretis Jürai maq Shenyap Mung pengti wanghupti nai mung riim wanti welabi siihiipbi ma atiiho lakdamkom kra, tsangshiq jaq niishe kuqto. Kra kuqtaq krai mren, mung pengti ajong ala thun riimin, Jehudinok ka Shomjam tiihea hai jaqsham na, kiimaq Shiikeawe shomnoq wan na khrum kuqto.

NEHEMIA 2:1

Jipi lüblai sijai na, ranaiq shi, Ajong Hokhamwe Artajarses ka dungsea ngato. Kiijaq ngi raq chekok ka apaiq ma kuq kang. Armaq kongkhu ji niika, apaiq raq ngi ka jangshi ra min tsanbi wokti ka chhimak riito.

ISAIA 36:11

Kiijiishe Eliakim, Shebna, kiimaq Joa raq kra siihiip jongwe ma akha nguto, “Naishiq rai ka Aramaiqnok bom maq bomlaq. Naishiq raq ataihai. Hibru bom miika naq bomkiq. Mungmaiqse raq chela ruk trotam maq tairattlo.”

DANIEL 11:2

Kiimaq ümchaü ngi raq ümniima jamlai bom wa chong tiikang arka tengteng.” Rase raq nguto, “Hokham wetsam raq hali Parsia mung ka misiq wan nong. Kra jai maq hokham weblai ngoja raq mung ka misiq wan. Apaiq ka anok tarü thaq na chiithe lin miraq. Kriiwe raq apaiq ningkun aheng pinthum bala nai chiithe pinthum jong tlaq bala, apaiq raq Grik mungti hokhamwe rai she mirkhat wan.

DANIEL 2:4

Kiijiishe tsangshiq raq hokhamwe ma Arab bom maq treto, “Chaü lei, rilung alu maq silaq! Ümma ka naishiq ma chonglaq. Raüla naishiq raq kra liichum ka michongkuqkai.”