EJRA 4:6 - ASII LAKDAP Bible (BSI)

⁶ Hokhamwe Ahasueras ka hokham ngachang na nga wan rawii akhing na, Judia wang na nai Jerusalem chela na siti Jehudinok ngengti, wesangbi raq, Jehudinok shra wan bom lak ashi waiq raüta, hokhamwe rung na shokto.

Hawa Naga Bible 2001

⁶ Honoc Ahasuru rueq guimz lawc wvnc phaungc tueq nuex, Yuda mungx nuiyc Yerusalem nuex httax jix miqsaz htenc ralx hez rueq tsuingshiq muex mvrax tvgurc luik wuiyq tueq.

EJRA 4:6 Referencias Cruzadas

RAPHA HIQWA LAK 26:21

Kiimaq Isak jaqshisetiim raq khappong ashi hali thu nongto. Kiimaq kra khappong miitu min tatso hali dong nongto. Kriikha na apaiq raq kra khappong ka “Wesang Ralii,” nguta mangto.

EJRA 4:5

Kiimaq Parsia mung hokhamwe jaqtakiq na siti mung pengwanti munghupti jaqsham wantibi ajong alabi thun kriima kampho tsiiqlap kra kuqne wan lili raüta, Shomjam tiihea hai wan nong ramak nguta pahea lule klo raüta, Shomjam haiwan kra tiibanbi wanto. Tsangshiq raq ara Shomjam tiihea jaqsham tangta baiq wanto. Arka Sairas raq munglang wan tlaq kra pat maq phaho raüta Derias raq mung lang wantlaq pat na saüli tiibanbi wanto.

ESTHAR 1:1

Ara mra pin wantaq akhing arka Ahasueras raq hokham jaqsham wantaq akhing pat wa bomchong riito. Apaiq raq mung lang wantlaq maiqmung thun ka wang 127 na tiikho raüta peng wanto. Arka India mung maq pha wan raüta Ethiopia mung na saüli ham wanto.

ESTHAR 1:10

Poi klo phaqsea ra miishe ranaiq she angu na, hokhamwe ka che nyang raüta atsan ahea polokhiq riito. Krai mren, apaiq raq akolibi wemiishi, Mehuman, Bijtha, Harbona, Bigtha, Abagtha, Jethar kiimaq Karkas kra heato.

ESTHAR 2:16

Krai mren, Ahasueras raq hokham jaqsham wan li maq wiimiishi she angu na, jipi lüroqshi she, Tebeth jipi lü na, Esthar ka hokhamwe Ahasueras jam na sham tiichhi wa shea wanto.

ESTHAR 3:8

Kiijiishe, Haman raq, Hokham Ahasueras ma, “Ümmungtan mong na maiq phan ümchuwa sitlaq kra mong na, phanshi ka junok thunglai rai min pongmak, pongtrai sitlo. Tsangshiq thunglai ka junok rai min mren mak. Kiimaq tsangshiq raq hokhamwe thungtri ka lang mak riitlo. Kra ningkhan, tsangshiq ka akhli thü raüla hokhamwe ma jam achu min ahü miraq.

DANIEL 11:2

Kiimaq ümchaü ngi raq ümniima jamlai bom wa chong tiikang arka tengteng.” Rase raq nguto, “Hokham wetsam raq hali Parsia mung ka misiq wan nong. Kra jai maq hokham weblai ngoja raq mung ka misiq wan. Apaiq ka anok tarü thaq na chiithe lin miraq. Kriiwe raq apaiq ningkun aheng pinthum bala nai chiithe pinthum jong tlaq bala, apaiq raq Grik mungti hokhamwe rai she mirkhat wan.

DANIEL 9:1

Medi mung phan wa Ahasueras se Derias raq Bebilon mung ka lang wanto.

Matthew 27:37

Tsangshiq raq apaiq khu thaq kiijaq, apaiq tsaitaq kha matkii bomtsi kra, “Ahata Jesuq, Jehudinok Hokham we,” nguta waiq thüto.

Acts 24:13

Kiimaq tsangshiq raq ümchaü, i dü na kha ümchuwa asi nguta nyan rat tlaq, kra thun kiimin, tsangshiq raq ümman na saqseng hakhi min tiichhi kuq wan lot mak.

Acts 25:7

Riita, Paul ka rung na saüki kiita, Jerusalem wa akiti Jehudinok ka apaiq tro na chap raüta, Paul ma asiq areng kha pahea tü nyanto. Tsangshiq raq apaiq ma khü akha ümchu wa nyantaq kra thun kriika, tsangshiq raq ngohea dea nguta jamlai saqseng hakhi min tiichhi kuq lot mak taü maq nyanto.

Revelation 12:10

Kiijiishe, ngi raq rasetiim raq ramungtan na hong raüta akha chongto taikang, “Ümchaü nashiq Shiikeawe ajong we raq rekhat ka tangto she. Ningkun ajong rümti hokham Shiikea, apaiq Messia raq apaiq ningkun tiichhi kuqto she. Ümchaü sanha mangjong hiq ka ajaq khong mong niishe. Naphu nano Shiikeawe man na ranaiq rawa shaphaqti we, Thawe ka ramungtan wa, mangjong hiq niishe tiidea baiqto.