EJRA 4:12 - ASII LAKDAP Bible (BSI)

¹² “Naishiq raq Ajong Pinthum Hokhamwe ma bomtsi ara ümniima tiitaike wan rotiikai. Ümwokhong na siti Jehudinok ka tsangshiq sichang mung ahin maq Jerusalem niishe laüho wito. Raüta ümchaü sanha tsangshiq ka, man na redong akhing na atiithenbaiq, ara abi pinthum kiimaq hokhamwe wokhong na siro mak mungshukti chela, Jerusalem kra hali tiihea hai nong tlo. Tsangshiq raq chela tro na longperuk thun kra tiihea hai wanto she. Jaqsham ka jaqlo liipan niilishe mingut wan.

Hawa Naga Bible 2001

¹² “Mnoz ghaq vraungx vganc wawc vyuq luiuz kay jix Yuda miqsaz htenc kuex Yerusalem nuex shex httax wuez vtueq, layx vbac nuiyc vkhawc lvlc ghaqyungx kuex tec yek yaq lvmz Taungjix hokhvmx waz muex tvtuiuz tvtay vphix. Tsuingshiq rueq palx ruk htenc kuex ruk phaungc yek wuez vtueq mtanc httax muq nuex shex lot wuez shuex.

EJRA 4:12 Referencias Cruzadas

2 HOKHVMX 18:20

Apaiq raq bom ka akhiishe shiitep waito: “Ümniiriika bomtsi lamlamse kriimaq phenlabi srea nola ningkun kra nai phenlabi ningkun heng kra mitowan lotha ngutiisha tiima tlaü? Ümniika Asiria mung hokhamwe puk wa dongho tlaü kriiwiika, juraq mikhrumkuq ngutiiwa tiima tlaü?

2 HOKHVMX 24:1

Jehoiakim ka Hokham jatlaq akhing na, Bebilon mung Hokhamwe Nebukadnejar raq Juda mung ka longto. Raüta Jehoiakim ka awokhong na wiitsam wanse ma ningkun maq jamshato. Kra jai miishe Jehoiakim ka Bebilon mung hokhamwe wokhong wa dongho la nguta tijongtsiiq kuqmak khiito.

2 KAÜWA WERAÜ 36:13

Jedekia raq Hokhamwe Nebukadnejar puk wa dongho mat tanto. Apaiq ka Hokhamwe Nebukadnejar raq Shiikeawe mang na apaiq wokhong na wanse ma jalata tsapkapkap misiha nguta shiitep raüta atiitum atiisi riito. Apaiq ka wanshak shak mra tiidii mak riito. Kiimaq Tatiwe Israilnok Shiikeawe puk na nyap wan mak ngiimto.

EJRA 4:11

Riita kra chongtiikai lak ka akha waiqto: “Hokhamwe Artajarses ma, apaiq jaqshisetiim Euphretis Jürai maq Shenyap Mung nü na sitibi mungmaiqse welabi raq.

EJRA 4:15

Ajongwe lei, ümniiraq ara chela manphan ka, man na pat na ümti ümwe raq munglang wantaq manphan lakdap kiijaq samhea konchon lii wan miitu aming kuq laq. Kra ritkot wan raü jiila, manphan lakdap na awaiqthü kiiwa, ara chela arka ümsmiiphü abi chela dongdii. Kiimaq hokhambi wokhong na siwan mak phan mungshuk wanti dongdii nguta michhi haü. Ara chela arka Hokhambi kiqkhii wan sru riiwanti ashi. Kiimaq ara chela na siwanti Jehudinok phan ngutlaq kriika ashpuq wan miimin habi pinthum nguta michhi haü. Tsangshiq ka akha hokham wokhong na siwan mak phan kha maq, man na redong akhing ashi na ara chela ka shiithen baiqto.

EJRA 4:19

Ngi raq aming kuq lata, man niiwa manphan lakdap thun kra konchon liikang. Riita, manphan jiiche lakdap thun kriiwa Jerusalem chela ka hokhambi wokhong na simak phan, hokham jaqkhong wa dongho miitu mat atsa tiidong kiimung wanti dongdii. Hokhamwe raq mung peng wan na mintsa tiipa kewanti.

EJRA 5:3

Kra Shomjam haitlo nguta tsütsa tairili, Euphretis Jürai maq Shenyap nü Wang kra liiti wanghuptiwe Tattenai kiimaq Shethar Bojenai, kiimaq tsangshiq kongti ajongbi thun ka tlothit miili Jerusalem na kito. Raüta tsangshiq raq bom ka akhiishe shiitep wai hoto: “Namshiq ma ara Shomjam tiihea wan miitu nai Shomjam kra tiimiikhiiq wan miitu aming juro kuqta?”

EJRA 5:9

“Laita, naishiq raq tsangshiqnok khuthaq na welabi sitlaq kriima, Jerusalem chela na Shomjam kra tiihea hai wan raüta tiimiikhiiq wan nong miitu, aming ka juro kuqta nguta bom ka tiitsang rii waisokai.

NEHEMIA 1:3

Kiijiishe, tsangshiq raq, “Nashiq mungti, munglu shumwi ma tsuq wan mak deati, lun wantiiti thun ka, kai chamchao mong niili sitlo. Kiimaq pongmung maiqse raq pinthum jomniim shaqshaq shummiitlo. Jerusalem chela long peruk kriimin wiita bunkito. Kiimaq peruk kilam kilü thun kriimin wa maq chaq raüta, wiita tiithen baiqto,” nguta tsangshiq chongto.

NEHEMIA 6:6

Kra lak dam niika akha waiqto: “Riita, lamthaq lamkiq na siti maiqhiq shong thun na, ümniiraq namshiqnok Jehudinok kra shea laüta, hokhamwe wokhong wa dongho laüta, maiqmii hokham shong wan ma nguta, chiqchap rechap she sürii wan tlaü nguwa, nguta shapshaü ka pa wantlo, nguta Geshem raq ngi ma tiitaito. Kra miitu tiina, namshiqnok raq Jerusalem chela ruk kra athen arki wa tiihea haitlo nguta, mungmaiqse hea wea na bom ka riichong rai tlo. Kiimaq Geshem raq ngi ma, ümniika Jehudinok thaq na hokham miishe mija wan haü nguwa nguta chongto.

ESTHAR 3:8

Kiijiishe, Haman raq, Hokham Ahasueras ma, “Ümmungtan mong na maiq phan ümchuwa sitlaq kra mong na, phanshi ka junok thunglai rai min pongmak, pongtrai sitlo. Tsangshiq thunglai ka junok rai min mren mak. Kiimaq tsangshiq raq hokhamwe thungtri ka lang mak riitlo. Kra ningkhan, tsangshiq ka akhli thü raüla hokhamwe ma jam achu min ahü miraq.

JEREMIA 52:3

Tatiwe tsan ka Jerusalem chelati ma nai Juda mungti ma pinthum khiqto. Kra ningkhan amakki wa tsangshiq ka luhea na tiidoqra jobaiqto. Jedekia ka Bebilon mung Hokhamwe Nebukadnejar wokhong wa donghoto.

DANIEL 3:8

Kra akhing na Bebilonnok maiq wiijamti raq Jehudinok tiishut miitu lamlu humto.

DANIEL 9:25

Ara bomtsi ara ümtsan na samhea tiitsang shaq laq. Laüta liichum ka tak laq: Jerusalem chela kra tiihea haiwan miitu, aming tat tlaq kra akhing maq phawan raüta, Shiikeawe raq asengi sheati wela weshi shong wan tlaq kra akhing na saüli ka, jang miishishi maq wiimiishi kra milea wan. Kra akhing leawan jai miishetiq, Jerusalem chela ka mitiihea hai wan. Chela mong wa lam thun nai chela trotam maq kiitelong ruk thun kra thepthep atang tingsang she mitiihea hai wan. Raüta kriika jang miishi maq wiiroqtrok ri wiinai misi wan. Shatmaq kra akhing bala ka pinthum litkot chamchao akhing miraq.

Luke 13:34

“O, Jerusalem le, Jerusalem le! Ümniiraq shammibi thun ka pahea tsatbaiq laü. Shiikeawe raq ümphana tsütsa chong kai tsasoqti atiiki thun kra ümniiraq tsatbaiq laü! Ngi raq ümtinkhan wa, ümsengi thun kra wukaü raq asetiim wowan tlaq ikha, i wokhong na wowan pha nguta shiikut wan kang. Shatmaq, ümniiraq ngi ma tiiwo maü riilaü!

Acts 24:5

Naishiq raq arwe arka mungshuk shaqti pinthum haisi chang ashi chhi tiikai. Apaiq raq mangjong tlotli na, Jehudinok phan liipan na, tatso wiinyi pahea tiibrak shaq wantlo chhi tiikai. Kiimaq apaiq arka, Najareth hiqti we phung wa lamsheati wela ashi.

1 Thessalonians 5:22

Kiimaq, jamlai wa abi phan kriika, mak miimin naq lii rongkiq.