EJRA 3:10 - ASII LAKDAP Bible (BSI)

¹⁰ Riita Shomjam haiwantibi raq khamlawe thun kra shong wan chang jamkhii ka sürii pha wanto she angu na, ramwebi thun ka tsangshiq miirii samtongjong kaü thun kra samraq maq, tsangshiq raq Shiikeawe noqku akhing na, jamkho chap nga tlaq, kra phan phan she, tsangshiq jaq na lerong ka doraq maq, maiqmiimii chapchang ba na chap wan rang she riitlo. Kiimaq hali, Lewi phan wa Asaph weraü phan ka kiijaq hali, maiqmii jaq na süpseng doraq maq, chap wanto. Raütiishe Hokhamwe Dawit raq, Shiikeawe shomnoq wan chang thungtri akuqthü kra aming phanphan miishe, tsangshiq raq Tatiwe ka noq wanto.

Hawa Naga Bible 2001

¹⁰ Vguirc jix hez rueq Shomc Yuimx htung tvjvp phaungc wvnc tueq nuex, shomc waz bix kuex tsuingshiq hungluz khvy svmx wuez vtueq, bolic shuimx ruiux jvp juing lvmz wuez tueq. Asap taungx wawc Lewi miqsaz htenc rueq muinz supsengc shuimx wuez vtueq kvyuq jvp wuez yaq. Tsuingshiq kuex Hokhvmx Dawid pat maq phuex nvr jungx wvnc tueq kvjaz rulc rv-ngvlc Yehowa muex tvtsvmc kvmc wuez tueq.

EJRA 3:10 Referencias Cruzadas

1 KAÜWA WERAÜ 15:27

Dawit ka namrai ahea pinthum maq ataq samtong jong kaü kra samto. Kiimaq ashi ashunti kong kriiriimin kiikhiisii samto. Kiimaq tsangshiq sheatiwe Chenania riimin kiimaq Tongshong Tek pitibi Lewinok riimin kiikhiisii samto. Kiimaq Dawit riika müsaisai raihi-nairai khea asii kheaphu kriimin samto.

1 KAÜWA WERAÜ 16:37

Hokhamwe Dawit raq Asaph nai akongtitiim Lewinok ka Tongshong Tek thütlaq hiq ba na Tatiwe shomnoq jaqsham liiwan miitu pattup jaqshamti miishe shongto. Tsangshiq raq maiqmii jaqsham ka wranaiqtek sham wan miitu shongto.

1 KAÜWA WERAÜ 16:42

Heman nai Jeduthun miika paison lerong tsü wan nai süpseng tsü wan kiimaq laihin atsü angii chang phan hupsam tiitsamkam shinge akhing na langtlaq kriithun kra liiwan miitu min arang kuqto. Kiimaq Jeduthun weraü phan maiq sitlaq kra miika kilamchong thun kra khewan miitu sontri jaqsham arang kuqto.

1 KAÜWA WERAÜ 23:5

Kiimahali maiq hingblai kiimiika kinkhe arang kuqto. Kiimaq maiq hingblai kriimiika hokhamwe raq kuqtaq atsü angii chang kra tsüngii raüta Tatiwe tiitsamkam ashi ange jaqsham arang kuqto.

2 KAÜWA WERAÜ 35:14

Arthun ara klo lot jai she, Lewinok raq ngam ka tsangshiq maiqmii miitu she riiphea phaqto. Kiimaq Aron saüse phan ramwebi ma kuqto. Jamkhano ngukla ramwebi ka rawa na saüli wiipumtam maq wa na chaqtlii nyamse honglu ataakuq thun kra chaq wan kiimaq honglu na akuq ngampü thun kra wa na chaq jaqsham na mosiqto.

2 KAÜWA WERAÜ 35:15

Arjaq mang waiq wantaqti ashi angeti Asaph weraü phan wa Lewinok ka Hokhamwe Dawit raq tsangshiq ma jaqsham pheakuq thütaq kra phan phan maiqmiimii chap chang na chapto: Asaph ta, Heman ta, kiimaq hokhamwe shammiwe Jebuthun ta riito. Kiimaq Shomjam kilamchong na sontri tsongtibi riika tsangshiq maiqmii chap chang ba wa ahin na kaiho raa makli riito. Jamkhano ngukla Lewinok ahinti raq tsangshiq miitu Tiichhii Wan Poi kra klo kuqto.

EJRA 5:16

Kiijiishe, Sheshbajjar kiraüta jamkhü chin wan lang tiiphokto. Kra phaja wantaq akhing maq riita, ümchaü niitaq Shomjam haihun jaqsham kra shamruqli riitlo. Shatmaq Shomjam hai wan arka, ümchaü min milot shaqli.’

Tvtsvmc 150:5

Apaiq tiitsam ronglaq süpseng tsü maq. Apaiq tiitsam ronglaq süpseng tsü maq!

HAGAI 2:15

Tatiwe raq ngutlo, “Namshiq ka jamkho leawan lan kra chhiman shea? Namshiq raq Shomjam mitiihea hai wan shaq na,

JEKERIA 4:10

Jamkhano ngukla, tsangshiq ka jaqthiq dongmak nguta atsutsa riito. Shatmaq tsangshiq raq Jerubabel ka tsankhun maq Shomjam hai wan ka nungpaq mak maq shiichaq wan ruq maq sham wantlo. Krai mren, tsangshiq ka kai mikhoqriiq wan.” Kiitiikaq rase raq ngi ma, “Kra wakoksetiim miishi ka mungkang tlotli chhiti Tatiwe makpo riito.”

JEKERIA 4:6

Kiijiishe rase raq ngi ma Jerubabel ma Tatiwe raq atiichongho ara tsütsa ara chonglaq nguta thaüto: “Ümniiraq jaqsham ka phenlabi ningkun maq riimak. Kiimaq ümhan-ngam ningkun miimin riimak. Shatmaq ngi wenyi ningkun miitiq mitang haü.

JEKERIA 4:7

Pumjong kaü ikha ümkhaki na jaqsham tiibanbiti siraü min, amo mirwan. Ümniiraq Shomjam ka mitiihea hai haü. Krai mren, ümniiraq atiisup longpo suk tlaü kra chhiraüta, mungmaiqse raq, ‘Tsomwanto! tsomwanto!’ ngutiishe arü ariiq michochisiq wan.’ ”

JEKERIA 6:12

Laüta apaiq ma Tati Ningkun Ajong Pinthumwe raq akha ngutlo nguta chonglaq. ‘Maiq weshi juwa Pekü nyam ngutliiwe kriika ümchaü apaiq ümbano sitlaq kriijaq pinthum mitiijong lu kuq wan. Kiimaq apaiq lümaq Tatiwe Shomjam ka mitiihea hailot.

JEKERIA 7:3

Kiimaq ramwebi nai shammibi ma akha tiiwaikito: “Riita naishiq raq man na rawii ümchuwa leawankai na ümkhiiwa rawiitek aho anyi raüta Shomjam shiithen baiqtaq ningkhan, amang maq achu jaü ka jipi lübiingi angu na lang wan tiikai kra, ümchaü min lang wan ruq li shea mirhai?”

1 SAMUEL 22:18

Kriikha niishe, Saul raq Doeg ma thaüto, “Tsangshiq ka ümniiraq tiishe laq!” Krai mren, Doeg raq tsangshiq tarü jiipbaiqto. Kra ranaiq na apaiq raq ramwebi asii kheaphu piti ashong wan ka tlotli roqtiichat ri biingi tsatbaiqto.