EJRA 10:9 - ASII LAKDAP Bible (BSI)

⁹ Ara chongtiikai arai mren, ranaiqtsam ngo jai maq, kra rawii wa jipi lütiikaü angu na, raroqnai ngo ranaiq, Juda wang na siti, kiimaq Benjamin wang na siti mungmaiqse kunli, Jerusalem na ngongthun lomkai saüto. Raüta, Shomjam wangmong na rinkea hiqthung ba kiijaq thungto. Kra akhing ka pinthum rajun henghea riito. Kiimaq kra rajun ningkhan nai ngongthun tlaq kiijaq bomtsi riichong wan chang tri kha ka tsinhea bomtsi riito. Kra ningkhan mungmaiqse ka pinthum atiikhai rokrok maq ngato.

Hawa Naga Bible 2001

⁹ Nuiyq thuimx ngoc yaungx yapix lex tvkuiuz yac raungx roknueyc raungnuiyq nuex Yuda nuiyc Benjamin hong nuex httax jix miqwaz rulx lotlaz kuex Yerusalem nuex kaz wuez vtueq shomc yuimx kvlc nuex rvtuimx waung tueq. Kvruex baunglaung raungyunc hvlc yunc ningkhvnc nuex, vkhek rvtuimx yaq kvyuq lomx jix miq ruip rawx kuex kvkhuirc dvndvnz yaungx wuez yaq.

EJRA 10:9 Referencias Cruzadas

EJRA 10:10

Kra akhing na ramwe Ejra ka mungmaiqse man na chapto. Raüta, akha chongkuqto, “Namshiq raq kamasham lamphan tri raütu ka wiita jin wan lan. Lanta, pongnok sheare lamwan lan. Kra lanta namshiq raq Israilnok mung khuthaq na ashut ngarai jonghea tang wan lan.

EJRA 10:3

Riita ara chongtiikai lamlu ka ara. Ümchaü nashiq raq Shiikeawe man na pongnok phan nyungre nai tsangsetiim ka nashiqnok phong wa, ajoshe mirbaiq rong i nguta sinkiitiq kiqkham wan chang she saüto. Naishiq mungmaiqse riika, ümniiraq nai nanok ahinti Shiikeawe aming shreng wantibi raq jamlai aming wa mikuq, kra mitaikai. Shiikeawe tri raq jamlai wa aming kuq tlaq, kra phanphan she misi wan kai.

EJRA 10:8

Arka mungmaiqse pengti mungtu shiilangbi, ajong alabi raq aming kuqto. Kiimaq juwa ranaiqtsam liipan na saüho mak riijiiq, kriiti tachong thun ka mungmaiqse raq milamho, kiimaq kriiti ka Jehudinok hiqshong wa ajo she mirbaiq nguta tsütsa ka tiitai chongkuqto.

EJRA 9:4

Lata ngi ka kiijiili ngaki tlii maq, itsanbi nai ihositsi ma, raji honglu kewa na saüli ngaki kang. Kiimaq ngi ka chhi raüta, ngi tro na mungmaiqse kiimin pahea she riitam nga wanto. Riita kra ngi tro na ngawantaq mungmaiqse munglu asiwa wea, Jerusalem na jang wantaq, raüta Shiikeawe bomtsi tai raüta, ara chongtiikai thun ngarai arka Shiikeawe raq pinthum saisi tlo dea nguta sap wan raüta haitlaqti riito.

ESTHAR 2:16

Krai mren, Ahasueras raq hokham jaqsham wan li maq wiimiishi she angu na, jipi lüroqshi she, Tebeth jipi lü na, Esthar ka hokhamwe Ahasueras jam na sham tiichhi wa shea wanto.

JEREMIA 10:10

Shatmaq Tatiwe, ümniika riikhaqli Shiikeawe, ümniika atra Shiikeawe, kiimaq pattup pat-sa hokham. Ümtsankhiq raüla hiqraikhü ka atiikhai riitlo; maiq mung thun raq ümtsankhiq ka ninlot mak.

JEREMIA 10:13

Apaiq aming maq ra khuthaq wa kham thun ka moktrangtlo; Apaiq raq phum thun ka hiq tiisup wa tsuq wantlo. Apaiq raq rajun rai rachhai ralüp tiidongtlo. Raüta rahai ka atum mong wa tiiwatlo.

JEREMIA 36:22

Kra akhing ka diwinji riito. Krai mren hokhamwe kiimin diwinji na sichang hokham jam na wa chaq chang tapkhu tho na wawo ngaraü riito.