EJEKIEL 3:19 - ASII LAKDAP Bible (BSI)

¹⁹ Kiimaq ümniiraq abi kloti ma honlam bomtsi ka chongkuq laü shatmaq, shatmaq apaiq raq ngarai tang kra tsaqmak raüla, apaiq ka ngarai ma hoshat miili mitsai. Shatmaq ümrilung ka atiichhii mirkuq.

Hawa Naga Bible 2001

¹⁹ Mnoz rueq layx bac waz muex tvhonc tvsvmz toq rvhvt maq piq rueq mvrax lvmx kuex httvr gay muq ngoz ruiux yuq, mvrax kop yaq waz kuex vthueyc rvtuex, yuq muinz mrullungx kuex dung wvnc lvp tuiux.

EJEKIEL 3:19 Referencias Cruzadas

TAKSU LAK 29:1

Jurwa tsii chongkuq kla, ja-ngiim wan wan riitlaq; kriiti ka tiihanghiiq miili she, jai na liikai chang ahü, mithen wan.

EJEKIEL 14:14

Kiijaq kra maiq wetsam, Nowaq, Daniel kiimaq Job kra asi nguraü min, tsangshiq kechu riilung riika tsangshiq maiqmii khum lamlam kli mitiichhii wan lot.” Arka Ngi, Tati Rakaü Hiqwe raq ngutiikang.

EJEKIEL 14:20

kra wetsam Nowaq, Daniel kiimaq Job ka kiijaq atra asi li nguraü min, tengteng, Ngi, Tati Rakaü Hiqwe ka atra Shiikeawe ka sikang wiiwii, tsangtsam raq dongdii min, tsangsetiim ka tiichhii wan lot mak miraq. Shatmaq tsangshiq maiqmii khum lamlam kli mitiichhii wan lot.”

EJEKIEL 3:18

Ngi raq abi kloti ka atsai miraq nguta chongtiikang kra, ümniiraq apaiq ma tsantsii klai laq nguta honlam bom kra chongkuq maü dea rii laüta, apaiq rilung ka tiichhii wan mak dea raüla, kra ningkhan apaiq ka angarai na li mitsai. Raüla ngi raq apaiq tsaitaq kha ka ümkhuthaq na mitiideaha.

EJEKIEL 3:21

Kiimaq ümniiraq maiqshaqti weshi ka ngarai naqtangkiq nguta tsii chongkuq haüla kiimaq apaiq raq ümbom chong kra tai raüta ngarai tang mak she tsaqki raüla, apaiq ka atra misi, kiimaq ümrilung kiimin mitiiwongkuq.”

EJEKIEL 33:3

Ümtiikiiwa apaiq raq re saüwan kra chhitlaq, raüla apaiq raq hiqshongti tarü ma honkam miitu hünong buktlo.

EJEKIEL 33:5

Apaiq tsaitaq kriika apaiq maiqmii shut raüta tsaito. Jamkhano ngukla hünong tsü trang taishat taü maq apaiq ahon lam mak riito. Apaiq raq ahon lam raüka, apaiq ka tsai mak lun chang wa.

EJEKIEL 33:9

Shatmaq, ümniiraq abiwe ma honlam bom chongkuq haü jiila, shatmaq apaiq raq ngarai ka tangruq tang raüta, apaiq ka ngarai mong niili mitsai wan. Shatmaq ümrilung ka atiiwong mirkuq.”

Acts 20:26

Riita ara chong tiipha arkha maq, ümchaü min, namshiq phong wa maiq weshi ra ka ngarai mong na tsai wanti asi jiila, kriiti miitu ka ngi ma jamlai khü akha nyan chang min ahü she.

1 Thessalonians 4:6

Riita, ara chongtiikai ata awii liipan na shongnga lam phan na, jurmin phungmaiqse phunaino ma, ashut klo raa mak. Kiimaq kongti nansea raa mak. Ara bomtsi ara khuthaq na, naishiq raq namshiq ma kongkhuji niimin, namshiq ma tsii chongkuq kai she. Kiimaq ümchaü min, asiq areng maq chongkuq nong tiikai. Ümriiti riiwa, ara tri jinjiiq, Tatiwe raq kriiti ma mo mitiiho.

1 Timothy 4:16

Ümbom ümsa na, ümrong ümrai na, maiqla ashi nguta kamto maq silaq. Asii bomtsi shrinkuq tlaü kra, jaqkhon ka tiiphashat maq, shrinkuq laq. Laüta ümrilung na tsapkapkap maq lang laüta silaq. Kra ümrilung jaqsham kra lü miitiq, ümkhum kra mitiichhii wan haü. Kiimaq nanok ümbom tai wantibi rilung kiimin mitiichhü wan.

Hebrews 12:25

Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!