EJEKIEL 26:15 - ASII LAKDAP Bible (BSI)

¹⁵ Tati Rakaü Hiqwe raq Tajar chela ma akha ngutlo: “Ümtiikiiwa ümniika re raq tang wanjiiq, raüta mungmaiqse ka jiipbaiq wantlaq kra kiinyii hotrang tai raüta, sammok tra chumkii binjü na sitinok ka phiip raq mitsai.

Hawa Naga Bible 2001

¹⁵ Johvlc Yehowa rueq Tire ghaqyungx muex vruex lvmz jungc juing httax yaq: “Mnoz kuex khvt taungx wvnc shuex nuex, vjumc gay rvhumc jix hez guyc sez tvruingc ningkhvnc nuex svmuktvrax yuix kawx nuex httax yaq miq htenc hiyaz kv-khuirc tuex.

EJEKIEL 26:15 Referencias Cruzadas

ISAIA 2:19

Apaiq ka ümtiikiiwa mangjong hiqraikhü ka naübaiqkai kitlaq, kra akhing na, Tati tsankhiq walü wa nai apaiq ningkun jonghea kiimaq apaiq khushü ngao chhainyii liliim wantlaq kriiwa tiichhii miitu, maiqse angu thun ka longraq khu na longkhong mong thun kiijaq mitiipaü. Riimakla hiq na khobok thun thu raüta tiipaü lai nguta midan.

ISAIA 41:5

“Maiq mung thun luhea na siti thun raq chhito, ngi raq jamlai wa shamkang thun kra; tsangshiq ka phiip raq tsaito raüta atiikhai rokrok riito. Kriikha na tsangshiq kunli riichom raüta wato

JEREMIA 49:21

Ümtiikiiwa Edom mung ka tiithen baiqjiiq, kra akhing na ramok wa ikha amok dung dung mimok wan, mangjong hiqraikhü wiita atiikhai ban ban miraq. Kiimaq maiqse kiinyii hoq trangtlaq kra riinya ka ratho rapha na saüli miraq. Khamjong nong chumkii wang Akaba hiq miimin taili miraq.

EJEKIEL 26:10

Tsangshiq kumrang kong botkhulai ka phum pong wantlaq ikha mitiikhuk wan. Raüta ümniika mibok wan. Tsangshiq kumrangkong raq kumrang leng thun nai hupsam hochang lengthun ka athen kaiwi chela mong maq hittlaq kriiraq ümchela khetuk thun kra wiita mitiikhai.

EJEKIEL 26:18

Ümchaü, kra then wan ranaiq na. Khamjong mong wa maiq mung thun kra tiikhaitlo. Kiimaq tsang mungti ka phiip raq tsaito, akha then wan chhi raüta.”

EJEKIEL 26:21

Ngi raq ümniika phiiptsi chang hakhi ashi ma mitiijaha. Kriili she ümrilung thum miraq. Maiq raq ümniika mirit kot min aja sham. Shatmaq ümniika ka ümtiikiimin hum mak she miraq.” Arka Tati Rakaü Hiqwe raq toqtantlo.

EJEKIEL 27:28

Jümong na athap wan phenlabi siitrangto Tsangshiq siitrang takii na saüli riinyato.

EJEKIEL 27:35

“Khamjongkii binjü na siti maiqse angu wiita, ümmiisaq then wan kra chhi raüta kiinyiitlo. Tsang hokhambi min phiip raq tsai wanto. Tsang theaphi na ahai asong tiichhishat.

EJEKIEL 31:16

Ümtiikiiwa Ngi raq kra chong ka wulum mung na tiikibaiq tiikang, kra then wan trang kriiraq mangjong hiq wa maiqmung thun ka atiikhai rokrok mitiibai. Eden sonruk wa pero thun ka kiimaq tiitsangdada tsea raüta athü thun kra, kham maq chamtraq adung wan Lebanon mung wa wulum mung na kihotaq thun raq kra chong then wan kra chhiraüta pinthum michochisiq.

EJEKIEL 32:10

Ngi raq ümniika jamkho shiithenbaiq kang kra chhi raüta, maiq mung thun ka akii anyii watrangli she miraq. Ümtiikiiwa Ngi raq inepja ka tro tri wit wan tiikang, hokhambi thun ka phiipraq mitsai. Phiiptsi rakrak miraq. Ümra ranaiq wa ümniika tsaitlaü, tsangshiq tarü maiqmii miisaq miitu atiikhai rokrok phiip raq mitsai.”