EJEKIEL 22:10 - ASII LAKDAP Bible (BSI)

¹⁰ Tsangshiq phong wa wiijamti ka awe tanyung rai hainga damtlo. Tsangshiq phong wa wiijamti riika jechakre ma kheasam akhing na hainga raa nguta shiitep raüta haingatlo.

Hawa Naga Bible 2001

¹⁰ Tsuingshiq wvyvmc kuex vwaz taungnyuiuz rulc woalc naungx wuez yaq. Wvyvmc kuex yalxjuik rulx khvy bac svmc baunglaung doc muinz woalc ngaungc naungx yaq.

EJEKIEL 22:10 Referencias Cruzadas

RAPHA HIQWA LAK 35:22

Jakob ka kra mung na sitlaq choji na, Reuben ka awe chakliip nyungtiim phong wa nyungshi Bilha rai kiichamto. Jakob raq kra tsütsa ka taito. Raüta apaiq ka pinthum khiq riqto. Jakob setiim ka roqshi ri wenai.

RAPHA HIQWA LAK 49:4

Ümniika jüchhang jonghea watlaq ikha, Shatmaq ümniika wiita rü thaq na ajong pinthum ka riimaü mirhaü. Jamkhano ngukla ümniika ijamti-nyung chakliip rai kiicham laü. Laüta ümwe changdü tiishe laü.

1 KAÜWA WERAÜ 5:1

Arthun arka Reuben saüsetiim weraü wa. Apaiq ka Jakob setiim phong wa chhikhuwe. (Reuben raq awe tanyungtiim chakliip phong wa nyungshi rai kiichamto. Kra ningkhan she apaiq raq chhikhuwe rii tachong hupsam lap chang arang ka tiimo baiqto. Krai mren, chhikhuwe rii arang ka Joseph miishe kuq baiqto.

EJEKIEL 18:6

Apaiq raq Israilnok sumla phra thun ka shomnoq mak. Kiimaq riikhiq nguta atangtabaiq sumla thun shomjam thun na kiraüta honglu ataakuq ngam ka phaqki dam mak. Apaiq raq maiqchak rai sraki mak. Riimakla maiq nyung apaiq jipilü kheasam akhing bala adam na hainga mak.

LEWI 18:19

Jechakre jipilü kheasam bala na naq haingakiq. Jamkhano ngukla apaiq ka apii ashe.

LEWI 18:6

Tatiwe raq arthun thungtri raütu kuqto. Namshiq ma tanyang seno rai adam na hai nga maimak.

LEWI 20:11

Maiq jurwa awe tanyungtiim kiiwa nyungshi rai sratlaq, kriika awe ma jea tiingaütlo. Krai mren apaiq nai jechak nyung ka tiitsailaq tseabaiq raa. Tsangnai miisaq thumtlaq kriikha ka tsangnai raq miho.

LEWI 20:18

Kiimaq maiq weshi ra raq jechak nyung shi ra rai, apaiq jipi lü kheasam akhing na hainga raüla, tsangnai wiita hiqshong wa ajobaiq chang. Jamkhano ngukla tsangnai raq apii chang ashe ashi thungtri ka jinto.

AMO LUIK DVP (AMOS) 2:7

Tsangshiq raq wepuq wese ümkoq ümphaq, ji maq nishishi nibaiq wanto. Kiimaq miitsan miijan maiqsetiim, lamkampii wa liiq baiq wanto. Kiimaq siwe sise anai jong raq, maiqmii dise jechakse rai adam hainga wanto. Raüta maiqse kra haihii wanto. Raüta imang asii tiisheshi wanto.

1 Corinthians 5:1

Riita ngi raq riikhaqli tsütsa taiwan kang, namshiq phong na pinthum sethoq jatlan ngu wa. Arka ni na walot chang riimak. Thatsang maiqse raq ngu raü min ashut dea mingu. Ngi ma tsütsa ka akha chongto. Maiq weshi ka asai, awe tanyung rai hai nga tlaq nguwa!

TRI CHONGKE 27:20

“‘Jurwa awe ta-nyungtiim phong wa nyungshi rai hainga raüta, awe shummiitlaq, kriiti ma Shiikeawe manson minilaq.’ “Kiimaq mung maiqse kunli raq mitre, ‘Amen!’

TRI CHONGKE 27:23

“‘Jurwa anyaichhi rai haingatlaq, kriiti ma Shiikeawe manson minilaq.’ “Kiimaq mung maiqse kunli raq mitre, ‘Amen.’