EJEKIEL 21:3 - ASII LAKDAP Bible (BSI)

³ Ngi, Tatiwe raq ngutiikang ara chongkuqlaq: Ngi ka namhiq ma re. Ngi raq inepja michatha. Lata namshiq wiitarü mijiipbaiqha, maiqheati kiimin abiti kiimin romshaq mijiip baiqha.

Hawa Naga Bible 2001

³ Ngaz, Yehowa rueq jungx vshaungx kuex Israel muex honc tvsvmz kuq shuiuz: ngaz kuex mralx rvtauk. Ngaz rueq ngvy yaung jvt vtueq miq hvlx miq bac nuimshiq lotlaz kuex thvt gay phaungx.

EJEKIEL 21:3 Referencias Cruzadas

Tvtsvmc 17:13

Kira, Tatiwe lei! ijaqtinok ka tiinamtok khat laq! Ngi ka abi maiqsetiim jaqkhon wa ümnepjasai maq tiichhii kuqlaq.

Tvtsvmc 80:17

Ümniiraq atsea wan haünok ka tiiwonglaq kiimaq tiichhiilaq, ümniiraq kra mung ka ajong ma tiija wan laü.

Tvtsvmc 83:15

tsangshiq ka üm rathaiq watlaq kriimaq jobaiqlaq laüta ümtsankhiq henghea rahai maq tsangshiq ka phiip ma tiitsailaq.

DUNGWVNC 15:9

Rewe raq nguto, ‘Ngi raq tsangshiq ka mijoha lata milap-ha; Ngi raq tsangshiq tsiiq tum milapha, kiimaq ngi raq aroro milam wanha; Inepja michat ha, lata tsangshiq hupsam wiita milamhoha.’

THARC TVLUINGC 9:2

Maiqse liipan na jamlai tiikhothiq chang min ahü. Wiitarü ma kharii ka ashi li saütlo. Kechu maiqse miimin kiimaq ngarai maiqse miimin, kharii ka adamli. Maiqshaqti miimin, kiimaq ngarai maiqse miimin, ajiq maiqse miimin, maiqshaqwe miimin, kiimaq abi ashutwe miimin, akam alam maiqse miimin, kiimaq kammak maiqse miimin, kiimaq honglu keti maiqse miimin, kiimaq honglu kuqmak maiqse miimin, adam li saütlo. Maiqshaqwe kiimin ngarai maiqse kra thaq na ahea lin ka riimak. Atiitumtiwe ka, tiitum makwe thaq na holi riimak.

ISAIA 10:5

Tatiwe raq nguto, “Asiria ka! Ngi raq Asiria ka riiwung ma tiijatiikang. Lata ju khuthaq niiwa itsankhiq sitlaq, kriiti ma mo tiiho buk tiikang.

ISAIA 34:5

Tatiwe raq anep jasaikaü ka ramungtan maq tiije thüto she. Kiimaq ümchaü sanha kriiraq Edom mung ka mijiipbaiq. Maiq thun ümchuwa apaiq raq tiishutbaiqtaq thun kra mijiipbaiq.

ISAIA 57:1

Maiqshaqti ka tsaitlo. Shatmaq jurmin tak mak. Kiimaq jurmin broriimak. Shatmaq ümtiikiiwa tsangshiq she tsaitlaq, jamlai chamchao sangrai riimin tsangshiq ka tiichamchao lot mak she.

JEREMIA 17:27

Shatmaq tsangshiq raq Ngi aming ka lang raa dongdii. Raüta Asii Niitiitsak Ranaiq ka asii ranaiq tri maq lang raa dongdii. Tsangshiq raq kra ranaiq na Jerusalem chela kilamchong thun lam maq hupsam ho raüta khum raamak. Tsangshiq raq kra bom ka tlea raüla, Ngi raq Jerusalem chela kilamchong thun ka wa maq michaq baiqha. Wa raq Jerusalem chela mong wa hokham jam thun ka mikhiimbaiq. Kra wa nyai wantlaq kriika juwe riimin tiimatbaiq lot mak she miraq.”

JEREMIA 21:13

Jerusalem lei, ümniika hiq thung tan na longkaü jonghea adii min luhea kaü ra na düwantlaq ikha ngatlaü. Shatmaq Ngi raq ümniika mikhat-ha. Ümniika lachong dokdok, ümnaq khatti maiq ka jumin ahü nguta tsütsit tlaü. Kiimaq ümperuk mong niika rewe nyapwalot mak nguta tsütsit tlaü.

JEREMIA 21:14

Shatmaq ümniiraq jamlai wa ashut klolaü kriikha na Ngi raq ümniima mo mitiihoha. Ngi raq ümhokham jam ka wa maq michaqha. Krai mren wa raq kra jam ka trotam maq bunlak mikhiimbaiq. Arka Ngi, Tatiwe raq toqtan tiikang.”

JEREMIA 50:31

“Bebilon lei, ümniika ashkong tamli. Arningkhan, Ngi, Rakaü Hiqwe Tatiwe Ningkun Ajongwe ka ümniima wesang! Ngi raq ümniima imo tiiho wan akhing ranaiq ka saü wato she.

JEREMIA 51:20

“Tatiwe raq ngutlo, Bebilon lei, ümniika i sintu, ire khat chang. Ngi raq ümniika ijaq na sham lata, maiq mung thun nai mungtan thun tiibun tiiqbaiq wan kang.

JEREMIA 51:25

Bebilon lei, ümniika pumkaü jonghea ashi raq mangjonghiq tlotli tiithenbaiqti ikha. Shatmaq, Ngi, Tatiwe ka ümniima wesang. Ngi raq ümniika rangho lata, hiq na tiipili she misoq baiqha. Lata botkhulai rai mishot baiqha.

EJEKIEL 13:8

Kra ningkhan Tati Rakaü Hiqwe raq tsangshiq ma akha ngutlo, “Namshiq bom chong ka arot, kiimaq namshiq riisham makchhi thun kiimin arot. Ngi ka namshiq ngengti.

EJEKIEL 14:17

“Riimak jiila, Ngi raq kra mung na re tiidong lata, chuntsi nyiim win henghea phan maq khat lata, kra mungti ka kiimaq nyamse thun ka kunkun hiq maq pili mitiijiip baiqha.

EJEKIEL 14:21

Tati Rakaü Hiqwe raq akha ngutlo: “Ngi raq Jerusalemti ma, ijaq wa abi pinthum phanblai mo tiihochang asi kra mitiisaüha. Arka redong, ramdong, rum ngamphong, kiimaq thadong mitiisaüha. Lata mungmaiqse kiimaq jam nyamse kong kra thumthum pili mijiip baiqha.

EJEKIEL 21:19

“Maiqse lei, Bebilon mung hokhamwe ka lam anai maq anepja wi raüta mikilot. Kra samhea tiitsang rai thülaq. Kra lamnai kriika maiq mung ashi miisiili miphaho. Kra lamhum riipheahotlaq ba kiijaq miithii shonglaq.

EJEKIEL 24:9

Tati Rakaü Hiqwe raq akha ngutlo: “Maiqtseati chela matwe ka miqto she! Ngi raq ijaq maq chin ka miphong chaqha.

EJEKIEL 26:3

“Riita arningkhan, Ngi, Tati Rakaü Hiqwe raq akha ngutiikang: Tajar chela lei, Ngi ka ümniima wesang. Ngi raq ümnaq khat wati maiq mung thun pahea mishea wanha. Krai mren, tsangshiq ka khamjong chum phom blun wantlaq ikha miwa.

EJEKIEL 29:10

Ngi ka ümniima wesang. Kiimaq Nai rai miimin wesang. Ngi raq Ejip mung ka hiqmiq changkhü miishe mitiijabaiqha. Shekhu nü mung wa Migdol chela maq phaho lata shemai nü mung wa Aswan chela na saüli botkhulai rai mishot baiqha. Kriika Sudan mung rai hiq rai wang kiina saüli mijiipbaiqha.

EJEKIEL 5:12

Ümsengi mantsam wa, manshi rii ka chela mong na thadong raüta nai ramdong raüta mijiim. Kiimahali mantsam kiiwa manshi ka re raq chela kinphai na mijiipbaiq. Kiimaq mantsam kiiwa atiithum manshi rii kriika, Ngi raq rahai ma mitiipanbaiqha. Kiimaq tsangshiq ka re ma tiijo lata mitiijiip baiqha.

EJEKIEL 5:8

Kra ningkhan, Ngi, Tati Rakaü Hiqwe raq ümniima chongtiikang, Ngi ka ümniima wesang she. Ngi raq ümkha ka miphoha. Lata mo mitiihoha. Kra mo hotlaü ka maiq mung pahea raq michhi.

LEWI 26:25

Ngi raq namshiq khuthaq na re she mitii dongha. Lata namshiq ma mo mitiihoha. Jamkhano ngukla namshiq raq nashiq liipan na tongshong bom kham wan kai raütu thun kra jin wan lan. Kiimaq namshiq ka namshiq khum tiichhii wan miitu chela thun kiina riitam wan han jiila, Ngi raq namshiq khuthaq na tha wa henghea healot mak phan thatsi kriishe mitiisaüha. Kra ningkhan she namshiq ka jamkhii min jasiq lot man she mirhan. Kra ningkhan, namjaqtinok puk niishe minyap wan han.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

AMO LUIK DVP (AMOS) 5:6

Tati phana waronglaq, lanta atra sironglaq. Riimakla apaiq raq Israil mung ka, wa maq achaq ikha bunlak michaq. Wa na Bethel chela wiita mikhiim, wachhiiketi maiq jumin ahü miraq.

AMO LUIK DVP (AMOS) 7:4

Kiimahali Ajong Thaq Na Ajong Pinthum Tatiwe raq ngi ma, thongshi ri hali tiichhikuqto. Ara akhing na, ngi raq apaiq raq asenginok ka wa maq tiikhiimbaiq wan miitu tiije tlaq kra chhikang. Kra wa raq sammok tra chum ka wiita jokbaiqto. Raüta hiqraikhü min tiikhiim chaqbaiq wan chhikang.

NAHUM 2:13

“Liilaq, Ninewi lei! Ngi ka ümniima wesang jatiikang,” nguta Tati Ningkun Ajong Pinthumwe raq ngutlo. “Ümkumrang leng thun ka wiita wa maq michaq baiq ha. Üm phenlabi re na wiita mitsai. Lata ümniiraq maiq jaq wa tsiiq nai nyam arun haü thun kra ngi raq minyea wanha. Ümniiraq maiq mung thaq na tijong tsuq jaüti kiimwebi tiiwa tlaü kra bom ümchaü san jurmin taimak she miraq.”

NAHUM 3:5

Tati Ningkun Ajong Pinthumwe raq ngutlo, “Ninewi lei ngi raq ümniika, atiichamchao she mirha! Ngi raq ümnaiq kiimin achhut she mirbaiq ha! Lata maiqmung wiita man na, jea tiingaü mitiichap pha;

JEPHANIA 2:12

Tatiwe raq Sudan mungti kiimin, wiita thumthum mijiip baiq.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.