EJEKIEL 13:3 - ASII LAKDAP Bible (BSI)

³ Tati Rakaü Hiqwe raq akha ngutlo: “Ara angikong shammibi arka miqto she! Tsangshiq raq maiqmii tsantsii maq tiihong raüta, riisham makchhi bomtsi kra chongkuqtlo.

Hawa Naga Bible 2001

³ Vruex kuex Johvlc Yehowa rueq vjungx kvjaz rvtueq: “Vruex shvmmax miqyaq hez kuex vphoc rvhumc tuex! Tsuinghez kuex miqmac siyac thuinroc maq jungphvnc nuiyc tsuingshiq miqmac romzyac tvkhic htenc kuex jungphvnx wuez yaq.

EJEKIEL 13:3 Referencias Cruzadas

TAKSU LAK 15:14

Khutsai asiti riika, phaqchi saptsin lungwiitlo. Shatmaq angok angiti riika, maiqmii ngokngi niili motlo.

TAKSU LAK 15:2

Taksu maiqse bomchong ka, ataiti ma phaqchi kran. Shatmaq maiqjiqti bom ka banbokmii.

JEREMIA 23:1

Mungwelabi mung pengti senaino tiithenti nai mung tiipinbaiqti ma pinthum khapho ranaiq phiiptsi chang asi miraq!

JEREMIA 23:16

Tati Ningkun Ajongwe raq Jerusalemti ma ngutlo, “Shammibi raq jamlai wa chongtlaq kra naqtai rongkiq. Tsangshiq raq namshiq mongjii ka arot ranphan bom chongkuq raüta tiinyamtlo. Tsangshiq raq namshiq ma chongtlaq kriika tsangshiq tsan mong maq adong. Ngi raq achongkuqha bom riimak.

JEREMIA 23:9

Imongjii ka bunlak buncha she, kiimaq ngi ka atiikhai rokshrok sitiikang. Jamkhano ngukla Tatiwe asi kha maq, apaiq asii bomtsi heng kha maq, ngi ka cheropwe ikhli she atiimeshi min lot mang, che pahea baknyang raüta achok raiwe ikha.

JEREMIA 28:15

Kiijiishe ngi raq Hanania ma akhiishe tiitsuqsaq ngukang, “Hanania lei, tailaq! Tatiwe raq ümniika tiiki mak dea. Kiimaq ümniiraq ara mungmaiqse ka arot bomtsi kriima tiikamsiq tlaü.

AJONJÜ 2:14

Ümshammibi raq ümniima, hon atsii chongke chang min ahü. Tsangshiq raq arot akiq li chongtlo. Tsangshiq traho bomtsi chong ka atuli, ümniili laoliitlo. Tsangshiq raq ümngarai ka khot chongmak dea, kriikha ümniiraq mra tiidii chang ahü riito.

EJEKIEL 13:18

Kiimaq Tati Rakaü Hiqwe raq tsangshiq ma jamlai bom wa chongtlaq kra chongkuq laq: “Namshiq jechakre thun ka miqlan she! Namshiq raq mintin maq kiimutje jaq na pachang khea phusetiim kiimaq mintin maq kiimutje phaqchet setiim ka tsangshiq khupo na dak miitu chhang tlan. Kriika nanok ahinti ka mintin maq kiimut raüta jamsha wan miitu klotlo. Namshiq raq Isenginok mungmaiqse ka namshiq mintin ningkun kharü mong na khalanta tsaija chhunja jamsha wan miitu thütlan. Lanta maiq ka wuq lanta tiitsai baiq wan miitu kiimaq kra ningkun ka namshiq maiqmii wokpo miitu tliip wan kra klo tlan.

EJEKIEL 13:4

Israilnok lei, namshiqnok shammibi ka chela athen arki hiqmiq changkhü na siti miikakoi kong gisii trang ikha thiihü bangbang kong.

EJEKIEL 34:2

“Maiqse lei, Israil mung rümti tuwebi ka tiinamtok tamlaq. Tsangshiq ma riisham bom maq tiithailaq. Tsangshiq ma, Ngi, Tati Rakaü Hiqwe raq jamlai mra wa tiiho tiikang kra chongkuqlaq: Namshiq ka miqlan she. Israil mung pengti sku rümtibi namshiq ka thenlan she! Namshiq raq maiqmii wokpo kli tiipaotlan. Skusekong ka shiili man.

Hosea 9:7

Shiikeawe manson saüto she Israilnok ma. Tsangshiq khapho akhing saüto. Israilnok hoqtlo, “Shammiwe ka angiwe! riisham bomchongti ka aruwe!” nguta ngutlo. “Namshiq ngarai jonghea, kra ningkhan ngi ngengtlan,” nguta Tatiwe raq ngutlo.

JEKERIA 11:15

Kra lotjai she Tatiwe raq ngi ma bom ka akha thaü nongto, “Thongshiri hali skurümtiwe ma ja nong liishaq. Ümchaü lak niika bangbang skurümtiwe miishe jalaq.

Luke 11:40

Anginok loi! Shiikeawe riika akii thun tiiqlo wantaq kriika, among thun kriika tiiqlo mak dea ngutiisha tiima tlan?

Luke 11:52

“Namshiq Thungtri shrinketibi ma pinthum phiiptsi chang asi! Namshiq raq Shiikeawe tiima tsantsii khon chang phaqchi kilü diwan chang sapi tu ka thü baiq lan. Namshiq maiqmii kiimin nyap wa man. Kiimaq nanok awa roti kiimin, tiiwa man maq tangta baiq tlan!”

1 Corinthians 9:16

Ngi raq Tsütsa Ahea chongkuq tiikang ara miitu ka atiishom ra sea chang ka ahü. Ngi raq ara traho jaqsham tiikang arka ngi ma aming akhang kewan kha na sham tiikang. Ngi raq ara Tsütsa Ahea chongkuq mang ngu haü jiika, ngi ma phiiptsi chang mra jonghea mitiiho!

1 Timothy 6:4

Tsangshiq ka ashkongtam li. Kiimaq jam min sapmak miili sitlo. Kiimaq tsangshiq ka maiq rai morkaq nyiq kaili riitlo. Kiimaq athii arii ahü bompo kra sidi raüta, riikhiilea sea kli rit tlo. Ara riikhiilea tlaq ara lü miili she, tsangshiq ka nanok ahinti rai makshu rashe, tatso wiinyi, kiimaq nanok ka shummii khiq maq sitlo. Kiimaq tsangshiq liipan na, tsan maq riihem raq miili she sitlo.

2 Timothy 3:9

Shatmaq, tsangshiq raq Shiikeawe jaqsham na ong wan tiikai she lii nguta, tiishomra wan tlaq kriika, alu ka kham mak miraq. Jennis nai Jambrus ka jamkho dea wantaq, kiikhiisii hali ara chongtiikai arot shrabi raq tsangshiq jaqsham na ong kaishe nguta, tiishom ra tlaq kriimin amo she mir wan. Nanok tarü raq tsangshiq arka, angikong arot shrabi dea nguta misap.