DANIEL 6:26 - ASII LAKDAP Bible (BSI)

²⁶ Ngi raq ara imungtan na siti mungmaiqse wiita ma, Daniel Shiikeawe kiima haisong tsantsii thü raa, kiimaq apaiq ka shreng raa nguta aming kuq tiikang: “Apaiq ka atra Shiikeawe, kiimaq apaiq riili pattup pat-sa, mung mipeng. Apaiq mungtan ka pattup thenki mak phan, kiimaq apaiq ningkun ka ümtiikiimin thummak phan.

Hawa Naga Bible 2001

²⁶ Ngvy mungtan nuex httax yaq miq tek rueq Daniel Tishox muex hiyaz vtueq tvtsanc nganc aungx yaq ngoz tueq nvr vphaungx. “Vpiq kuex vtvraungx Tishox, vpiq rueq pattup pat-sac guimz lawc shuex. Vpiq mungtan kuex mkaq muinz bac kaz tuex rvmuq, vpiq luimc vkawc kuex mkaq muinz htumx kaz tuex rvmuq.

DANIEL 6:26 Referencias Cruzadas

EJRA 1:3

Riita, Shiikeawe ka namshiq apaiq saüsetiim rai adam na misi nga laq. Riita namshiq ka Jerusalem na warong laq. Lanta, asengi raq Jerusalem chela na shomnoq wantlaq Israilnok Tati Shiikeawe Shomjam kriishe tiihea hai wan rong laq.

EJRA 7:21

“Kiimaq, Euphretis Jürai maq Shenyap Mung sitlaq kra pengti mungtu shiilangbi ma, ramwe Ejra, kiimaq Shiikeawe Thungtri shamti taksuwe raq, namshiq jaq wa, jamlai phan wa ratlo nguta jaü tlaq, kriithun ka tiibomhü maq chomrom kuq rong laq nguta aming kuq tiikang.

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

Tvtsvmc 146:10

Tatiwe ka pattup pat-sa miitu hokham. O Jajon lei, üm Shiikeawe raq pattup pat-sa mung misiq. Tatiwe tiitsamlaq!

Tvtsvmc 2:11

Tatiwe ka tiihaishat maq shiikumpan ronglaq;

Tvtsvmc 29:10

Tatiwe raq chum tsaühea kra pengtlo; apaiq ka pattup hokham ma ja raüta pengtlo.

Tvtsvmc 42:2

Imongjii raq ümniili rittlo, atra Shiikeawe lei; ümtincho wa kilata ümniika mishomnoq ha?

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 10:10

Shatmaq Tatiwe, ümniika riikhaqli Shiikeawe, ümniika atra Shiikeawe, kiimaq pattup pat-sa hokham. Ümtsankhiq raüla hiqraikhü ka atiikhai riitlo; maiq mung thun raq ümtsankhiq ka ninlot mak.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

DANIEL 3:29

“Riita, arningkhan, ümchaü sanha, ngi raq aming kuq tiikang, ümra mungti riiwa, junok phan riiwa, lo junok phan bom riiwa, Shadrakh, Meishakh, kiimaq Abednego Shiikeawe ka shreng mak maq bomjiiq, kriiti ka ahok ajaq pongpan riipan, chaiham chaihea tseabaiq ratlo. Kiimaq apaiq jam ka botkhulai rai shotbaiq wantlii, shiithen baiq ratlo. Jamkhano ngukla, atinkhan tiikhup wongketi ahin shiikea phra ka ahü!”

DANIEL 4:3

“Shiikeawe raq amao chang jaqsham jonghea, nashiq ma tiichhikuqtlo! Apaiq raq awang chang jaqsham, ningkun henghea maq shamtlo! Shiikeawe kli pattup pat-sa miitu hokham, Apaiq riili pattup pat-sa mipeng wan.

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 6:20

Apaiq ka kiijaq saü wa raütiishe, kiinyiikhiq maq, “Daniel, atra Shiikeawe jaqshise lei! Ümniiraq apaiq rai tiipumtlii laüta shomnoq tlaü Shiikeawe raq ümniika hangsikong nübok wa tiichhiikuqto dea nya?” nguta Daniel ma riimto.

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

DANIEL 7:27

Mangjong hiq wa mungtan thun ningkun, kiimaq tsangshiq jonglu thun ka, Ajong Thaq Na Ajong Shiikeawe, sengi miishe mikiinong kuqbaiq wan. Tsangshiq hokham jaqsham ningkun ka, ümtiikiimin thumki mak she. Kiimaq mangjong hiq wa hokham wiita raq, tsangshiq puk na nyap raüta, tsangshiq ka mishli wan.”

Hosea 1:10

Israilnok ka puchi wan raüta khamjong phii na kumtsai riiphong tlaq ikha miraq. Awealot chang riimak miraq. Riita ümchaü ka Shiikeawe raq tsangshiq ma, “Namshiq ka isengi riimak” nguta ngutlo. Shatmaq akhing ashi misaü wan, “Namshiq ka atra Shiikeawe setiim!” nguta apaiq raq tsangshiq ka mihea wan.

MALAKI 3:6

“Ngi ka Tatiwe. Kiimaq ngi ka klai mang phan. Arningkhan namshiq Jakob saüse phan ka thumli ka thumki mandea.

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

Luke 1:33

Kiimaq apaiq ka, ati tipai Jakob saüsetiim thaq na, pattup pat-sa hokham we miishe mija wan. Apaiq hokham jaqsham kriika, ümtiikiimin thumki mak phan she miraq!” nguta rase raq apaiq ma chongkuqto.

Luke 12:5

Namshiq ka ju ma hai chang wa kriika ngi chongpha, taironglaq. Namshiq ka Shiikeawe miili hai chang. Shiikeawe riika, han-ngam khum kra tsea baiq lot jai min, wenyi rilung kra wamungtan na michaq baiq. Ara i bomchong arma kam ronglaq. Namshiq ka Shiikeawe miili hai chang!

Acts 17:25

Riimak la, apaiq ma phanshi ra rongra tlaq ngo chang chang ikha, maiqse raq jaq maq khrum shanke wan chang lam ka jam min ahü. Ara jamkhano chongtiikang ngukla, apaiq kli maiqse angu tarü ma rilung tsitsü raü chong. Kiimaq miisaq. Kiimaq maiqse ma jamlai phan wa rong raa tlaq kra kewanti.

Romans 9:26

Kiimaq Shiikeawe raq junok miiwa, ‘Namshiq ka i sengi riimak,’ nguta ngu wantaq, kra nok ma, ‘Namshiq ka i setiim she,’ nguta mingu wan.”

TRI CHONGKE 5:26

Maiqse ngusaq maiq ashi raq Shiikeawe ka walütu mong maq apaiq rai riibomtlaq kra taijai she, apaiq ka atra silot tlaq asi sha?

1 Thessalonians 1:9

Tsangshiq wiitarü raq, man na naishiq namshiq ma Tsütsa Ahea chongke wa saü wan kai akhing na, namshiq raq naishiq ka, kai tsapkap lanta tao wan lan irthun ira, ümchaü min tsaki wan ruq li tsaki tlo. Kiimaq namshiq ka amaa sumla phra noq lanta, sitlan shaqmii rilung lamphan wa, atra kiimaq riikhaqli Shiikeawe rilung lamshe phan wan lan. Kiimaq apaiq puk na nyap lan. Kriithun ka tsangshiq raq ümchaü min chongruq li chong tlo.

Hebrews 12:29

Jamkhano ngukla, nashiq Shiikeawe ka bunlak buncha khiim chaqti watu.

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 4:10

kiijaq nga tlaq shiilangbi weroqnai ri weblai kra riimin, hokham ngacho na ngati we khaki na, hiq na bumrang rang raüta, pattup pat-sa atra sitiwe kra shomnoq tlo. Tsangshiq raq tsangshiq khuphok ka, hokham ngacho na ngatlaq we khaki na tiiwe rangrang raüta, akha shomnoq tlo:

Revelation 5:14

Kiijiishe atra ngamkaü blai raq, “Amen!” nguta treto. Kiimaq kra nyungwere riimin hiq na bum rang raüta, Shiikeawe nai Skuse ka shomnoqto.

1 SAMUEL 17:26

Kiijiishe Dawit raq, apaiq tho na chaptibi kriima waito, “Riita ara Philistainwe ara tsat raüta, Israilnok ma shummii kharii tiihotlaq kriiwa tiichhii kewantiwe ma jamlai poksi jiq mikuq ngukai? Riita atra Shiikeawe phenlabi Israilnok ka jimaq nishishi raüta shummiitiwe ara thatsangti Philistainwe arka ju wa?”

1 SAMUEL 17:36

Ngi raq hangsi thun nai chapbi thun tsatbaiq kang. Krai mren sii hali, ara thatsang borii waitiwe Philistainwekaü armin, atra Shiikeawe phenlabi shummiitiwe armin kiikhiisii mitsatbaiqha.