DANIEL 11:38 - ASII LAKDAP Bible (BSI)

³⁸ Raüta apaiq raq chela tro peruk tiikhup wongketi phra kaü kra mishreng. Raüta apaiq riika atitiim raq amang ara min taimak, shomnoqmak phan sumla phrakaü ma, chaq, kampho, longseng thun kiimaq laihin athü tsinhea kongphiq thun ka, honglu na mikuq wan.

Hawa Naga Bible 2001

³⁸ Kvkhoc ruec tvraung, piq rueq nolaungx ghaqshungc htenc tvkhup wungx jix tishox muex tvtsanc nganc shuex. Piq kuex vjix vwaz tamx rueq mkaq muinz nawk palx muq tishox muex kuimshawx, kuimphox, lungsex, nuiyc vganc vhtawz vhttax yauk noalc htenc maq shomc kuq shuex.

DANIEL 11:38 Referencias Cruzadas

ISAIA 44:9

Sumla phra phong tiiqtibi ka thiihü. Kiimaq tisho kong tsangshiq raq pinthum shrengtlaq thun ka jam riichang min riimak atuli. Jurwa ara tisho phong ara noqtibi makchuk kiimaq tsiihü kong. Kiimaq tsangshiq ma jea mitiingaü.

DANIEL 11:37

Hokhamwe riika atitiim raq shomnoq wantaq sumla phrakaü kiimin wiita mishipoq wan. Kiimaq jechakre raq lungwiitlaq phrakaü kiimin amiimshe mirbaiq. Apaiq raq phanrap phra kaü thun ka wiita mimiimbaiq. Jamkhano ngukla apaiq raq, apaiq ka kra phrakong thaq na ajong nguta mitiima.

DANIEL 11:39

Apaiq chela thun ruk kra tiiwongti srea nolabi ka, pong mung phra shomnoq wantibi kra mishong wan. Raüta apaiq kiidea hokhamwe nguta awokhong na apaiq bom taitaiti thun kriima, apaiq raq pinthum shreng manto mikuq wan. Raüta tsangshiq thun ka ajong ala, mungtu shiilangbi ma mishong wan. Raüta apaiq raq tsangshiq ma poksi na hiq ka pahea michumkuq wan.

DANIEL 11:7

Kra jai maq, jaqlo miili, kra hokhamnyung ma tanyangseno phong wa maiq weshi ka hokham ma mija. Raüta apaiq raq Siria hokhamwe phentiip thun kra mikhat. Raüta tsangshiq phentiip kiitelong ruk thun kra mitiibun khat. Raüta apaiq raq tsangshiq ka mitang.

1 Timothy 4:1

Shatmaq, rawiichii pat na maiq wiijamti raq tsangshiq kamtsantsii ka athaq mirbaiq nguta Asii Wenyi raq tsangriri hea maq chongkuq tlo. Tsangshiq raq arot winji bomchong nai thawe raq ashrinkuq manphan kiima mikam wan nguta chongtlo.

Revelation 18:12

Laopanbi hupsam chaq, kampho ngam, longseng, kiimaq kham longseng; kiimaq raihi-nairai khea, kheashii, nairai khea; kiimaq rongshii maq ataq kheathun; rahea phan saitron pe maq ahai tsiim akhiiq, kiimaq chiiwi maq ahai hupsam, kiimaq rahea phan pe maq ahai hupsam, kiimaq koti ngam, jin, kiimaq longlü phan maq ahai hupsam thun riti maiq ka ahü she.