Colossians 4:8 - ASII LAKDAP Bible (BSI)

⁸ Arningkhan tiina, ngi raq apaiq ka namshiq phana tiiwa tiikang. Apaiq raq naishiq jamkho shongnga tiikai, kra tsütsa thun ka, namshiq ma mitiitai kuq. Raüta, namshiq tsaiji kra mido kuq laq nguta tiiwa tiikang.

Hawa Naga Bible 2001

⁸ Nuiyshiq khuec vlvmz kuex nuimshiq muex jungx kuq vtueq, nuimshiq rueq hungc vlaungc lvp wvnc tvkoc ngaz rueq piq kuex nuimshiq kox nuex tvkaz vshaungx rvtueq.

Muklom

⁸ Nim aa í chammal tong i sha usam eq ma etho piq aa nim tin tang tharong rangma, nga piq tha nim relnáng takat pha náng.

Colossians 4:8 Referencias Cruzadas

ISAIA 40:1

“Jaiq ronglaq isenginok lei,” nguta nashiq Shiikeawe raq ngutlo. “Tsangshiq ka tiijaiq ronglaq!

1 Corinthians 4:17

Riita ara chong tiikang ara ningkhan she, ngi ma wenyi rilung na i se shaq, kiimaq i bom chong phaqchii nichii maq taiketi, Timothi ka namshiq phana tiiwa tiikang. Ngi raq Jesuq Khristo rai pumshi maq anye asii rilung na jamkho sitiikang kra bomtsi ka barap na sitlaq phungtu thun na phanchan kuq tiikang. Kra bomtsi thun ka apaiq raq namshiq ma tiitsang dada maq michong kuq nong.

2 Corinthians 1:4

Apaiq raq nashiq ka chamchao litkot riihum tiikai ranaiq na khrum kuq ruq riitlo. Krai mren, nashiq riimin nanok ahinti juwa chamchao litkot riihum tlaq, Shiikeawe raq nashiq ma jamkho khrum kuq tlaq kra ningkun lümaq khrum kuq lot tiikai.

2 Corinthians 12:18

Ngi raq Titas ka namshiq phana tiiwa kang. Apaiq rai kongti Phungmaiqse weshi tiiwadam kang ihata. Riita, namshiq riika, Titas raq namshiq khuthaq na lapphaq lusiq ikha, klo wanto ngutiisha tiima tlan? Nainai sham akai thun ümchuwa sham wan tiikai arka, tsantsii ashi miili sham tiikai riimak sha?

2 Corinthians 2:7

Riita, ümchaü ka namshiq riimin apaiq mra ka diikuq rong liishe. Kiimaq bomhea maq, apaiq tsaiji ka dokuq ronglaq. Lanta, Phungtu na hali tiijang shea wan nong ronglaq. Kra riiman jiika, apaiq tsiim tiina mijüki.

Ephesians 6:22

Arkha maq, ngi raq apaiq ka namshiq pha na tiiwa tiikang. Apaiq ka namshiq ma, naishiq tarü raq, jaqsham ka jamkho sham tiikai kra tiichong wa tiiwa tiikang. Krai mren, namshiq tsaiji mitiijong kuq.

Philippians 2:28

Riita, ara ningkhan tiina, jam tisorii wa nguta, apaiq ka namshiq phana tiiwa tiikang. Krai mren, namshiq ka chapa jonghea maq sitlan kra, namshiq miimin tsan asang she miraq. Kiimaq, ngi min chapa mang she mirha.

Colossians 2:2

Ngi raq ara minshiiq wan tiikang arka, namshiq kiimaq tsangshiq ka kamasham na srea laqkong ma mija laq nguta sham tiikang. Kiimaq tsangshiq liipan na atsaü maq riimang riichan raüta misi laq nguta sham tiikang. Raüta tsangshiq tsan atsii na, Shiikeawe ma jamlai miitu wa kam wantaq, kra poimak maq milap wan rong i dongdii nguta, tsankhun maq si miitu sham tiikang. Arka tengtlaq bomtsi kra atsaü maq sap raütiitiq, tsangshiq tsan mong na akha mitak wan lot. Ara tak wan tlaq bomtsi ka, atsaü maq sap wan tlaq kra lü miishetiq, tsangshiq raq maiqse ma phaqchi tum ka Khristoli dea nguta misap wanlot.

1 Thessalonians 2:11

Naishiq raq namshiq ka, awe raq asetiim ka jamkho tiichhanchhi tlaq, ikha tiichhan chhi wan kai. Kriika namshiq riimin asap han.

1 Thessalonians 3:2

Laita, naitsam wetsam wa, naphuno we Timothi, naishiq rai kongshi maq namshiq ma, Jesuq Khristo Tsütsa Ahea chongke wanti, Shiikeawe jaqshamti kra, namshiq phaniishe tiiwa kai. Naishiq raq apaiq ka, namshiq tsaiji doke wa, kiimaq kamasham na thüdake wa miitu tiiwakai.

1 Thessalonians 3:5

Arningkhan tiina, ngi raq Timothi ka namshiq liiwa, tiiwa kang. Ngi raq namshiq miitu chapa tsi ka ninlot mang she riilata, apaiq ka namshiq kamasham ka jamkhiiwa kra, tho tlap wa nguta, tiiwa kang. Ngohea shaqshaq dea, namshiq ka thawe maitai na dea man sha, kiimaq naishiq raq ümtinkhan wa jaqsham wankai ka, atu niika moki mak ahiq na, nguta tlii wa tiiwa kang!

1 Thessalonians 4:18

Ara chongtiikai arai mren, phunainotiim lei, weshi raq weshi tsaiji dokuq lanta, shongnga lili rong laq.

1 Thessalonians 5:11

Riita, ara chongtiikang arai mren, namshiq nai namshiq liipan na, tsaido jido, riithü riida lanta, ümchaü jamkho singa tlan, kiikha shongnga wan ruq maq si rong laq.

1 Thessalonians 5:14

Naphu nanotiim lei, roknin riishinti ka, ason ango riilanta, trantsii ronglaq. Wepuq weseti miika, bomnin se maq tru chongkuq ronglaq. Ningkun ajomti ka khrum kuq ronglaq. Wiitarü rai anin riilanta si ronglaq.

2 Thessalonians 2:17

Raüta, namshiq ka wranaiqshe athuk atsom jaqsham miitu, kiimaq athuk atsom bomtsi kra chongkuq lantli siwan miitu, ningkun mikuq laq nguta, ngi raq achu jaükuq tiikang.