Colossians 2:4 - ASII LAKDAP Bible (BSI)

⁴ Ngi raq namshiq ma ara waiq tiikang arka, namshiq ka maiq ahinti arot shrabi raq lao liiho mak chang miitu waiq tiikang. Tsangshiq riika, ataisea miika asumwiq, thep miphanchan kuq kiiphan. Kra arot bom chongtlaq kra lümaq, namshiq ka lamjiq nü niishe misheaho.

Hawa Naga Bible 2001

⁴ Kvkhoc rvtueq ukhaq yuq muinz vyaq lvmx kuex pinhtumc vlvmx ikhoc vhvlx ngoz laz juing rvkhawc lvlc lvmz htenc rueq nuimshiq kuex laulawc muq mruez shueq, ngaz rueq honc tvsvmz vphaungx.

Muklom

⁴ Utang eq tho nim sha aqhal takhi eq alik raaq bat eq nim sha nak cham dip phin ta nga ira bat phang.

Colossians 2:4 Referencias Cruzadas

Matthew 24:24

Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.

Matthew 24:4

Kiijiishe Jesuq raq treto, “Namshiq ka tsii lamshat maq siwan lili rong laq. Maiq ma naq tlaophaq rongkiq.

Mark 13:22

Ara jamkhano chongtiikang ngukla, kra akhing na, arot akiq Khristobi nai arot akiq shammibi ka pahea midong wan. Raüta, tsangshiq raq awang chang nai taklot mai chang jaqsham pahea miklo wan. Raüta, tsangshiq raq lot raü jiila, Shiikeawe raq atsea wan asengi phong maiqse sitlaq kiiwiimin milao lii wan.

Acts 20:30

Namshiq phong wiili, maiq wiijamti ka dongho raüta, tsangshiq raq arot akiq bomtsi kra michong kuq. Raüta, phunainotiim liipan wa maiq wiijamti ka tsangshiq jai phan niishe misheaho.

1 Corinthians 2:4

Krai mren, ngi raq namshiq ma Shiikeawe bomtsi shrinkuq kang nai traho bom chongkuq kang thun na, ngi raq han-ngam phaqchi ningkun thaq na seng lata chongkuq mang. Shatmaq Shiikeawe Asii Wenyi ningkun ka ajong dea nguta, namshiq ma jaqsham maq tiichhi kuq lata chongkuq wan pha.

2 Corinthians 11:3

Ngi hairai tiikang arka, Ewaq ka jamkho lao wa taq, kiikha namshiq kiimin laoho jiiqla, nguta hai tiikang. Paü ka lulesang. Apaiq raq Ewaq ka lao wato. Kiikhiisii hali, namshiq tsantsii kiimin, apaiq raq mirap wiiqho. Raüta, namshiq tsantsii ka, Khristo lungwii tlan kiiwa, thawe raq mitiishonho.

Galatians 2:4

O, kiitiikaq maiq wiijamti riika, apaiq raq atho ka han raa dea nguta bomwito. Shatmaq, han mak dea. Riita, jurwa akha tiima wantaq, kriiti thun ka, Phungkhü maq tiihong raüta siti riito. Tsangshiq ka naishiq phong na, siwe jawa nguta shang wa damto. Tsangshiq ka, naishiq raq Jesuq Khristo pum na, liisaü wase apeo rilung lap wankai, kra sikhai wa nguta tiina nyap wataq. Tsangshiq raq naishiq ka, Jehudinok thungtri kharü mong kriijaq kha raüta, thungtri dise ikhli sihaü jaq nguta tiima raüta wato.

Ephesians 4:14

Kra akhing na, nashiq ka nosere ikha, maiq bom maiqsa ma kona jon wa, kona shonki ka riimai she. Arot akiq maiqse, maiqlao liiti raq jamlai wa, arot akiq traho bomtsi shrinkuqtlaq, kra manphan jüche ka tai laita, nashiq ka shonbii kimai she. Tsangshiq riika laolot mak she.

Ephesians 4:17

Riita ara chong tiikang arningkhan, ngi raq Tatiwe mang maq, namshiq ma honlam tsii chong kuq tiipha ara, tiitsang tairong laq: Namshiq ka ümchaü sanha, thatsang maiqse sitlaq ikha naq sirongkiq she. Tsangshiq tiima tsantsii ka thiihü shaqmii rüm tlo.

Ephesians 5:6

Krai mren, namshiq ka arot akiq, joksaü liiqse bom na naqshon bii rongkiq. Ara chongtiikai ngarai thun arkha na, Shiikeawe tsankhiq walü ka, jurwa apaiq aming lang mak shishe tlaq, kriiti thun thaq na misaüho.

Colossians 2:18

Namshiq ka, maiq arot akiq shrabi ma, naq tlao rongkiq. Tsangshiq riika, rasetiim ka riisham mak maq chhi tiikai. Krai mren, tsangshiq ka nanok shammibi ahinti thaq na shammi jong sitiikai nguta tiishomra tlo. Tsangshiq ka arot, rakhütsiri na nanok thaq na kechu lin sitiikai nguta achu jaü tiichhi siq tlo. Kiimaq rasetiim kriimin shomnoq chang nguta shiichut tlo. Akhnok maiq arka, atiishomra rai chang min riimak chang niili, tiishomra siq tlo. Apaiq riika, mangjong han-ngam tri miili shin tlo.

Colossians 2:8

Riita ümchaü ka namshiq maiqmii tsii lamshat maq sirong laq. Mangjong maiqse phaqchi taksma, athii arii min ahü manphan jüche, ashi ra raq chongphanke wan tsütsit kra tai lanta, naq shonbiiho rongkiq. Kra tsangshiq raq phanchan kuq tlaq manphan ka, rawang win na siti abi winji hokhambi, ara ra nai hiq ara jamshati raq rom wan raüta achongkuq bomtsi jo. Kriika Khristo raq achongkuq manphan ka riimak.

2 Timothy 2:16

Shiikeawe mang tiisheshi chang bomtsi nai angi nolabi bom riichong tlaq kiijaq, ümniika naqpong damkiq. Akhnok man phan taitibi ka, Shiikeawe wokhong wa rum na, alu na khoti kiho tlo.

2 Timothy 3:13

Kiimaq arot abi shrabi, tiibainge rai tlaqtibi ka, tsangshiq kamasham rilung na, diikiq dea wan wan li she miraq. Tsangshiq raq nanok kiimin laolii tlo. Kiimaq maiqmii kiimin tlaophaq raütli she sitlo.

1 John 2:18

I setiim lei, phangthum akhing ka saü wanto she! Phangthum wan akhing niika Khristo ma Wesang We kaü kriishe misaüho nguta namshiq ma man niiphü chongke wan je she riito. Krai mren, ümchaü Khristo ma wesang ralii were pahea she dongrai wan tlo chhi tiikai. Riita ara chhi tiikai arai mren, nashiq raq phangthum wan akhing ka saü wanto she dea nguta sap tiikai.

1 John 2:26

Namshiq ka lamjiq nü na laolii hohai jiilei nguta tankhanti maiq ka asi. Namshiq ka tsangshiq thiikho na dea man chang miitu, ngi raq ara waiq tiikang.

1 John 4:1

Lungwii phunainotiim lei, Wenyi ningkun lapkai she nguta ümchuro tiitsaki tlaq, kriiti wiita ma akamsea nguli ka naq kam rongkiq. Shatmaq tsangshiq khum na sitlaq wenyi ka riikhaqli Asii Wenyi Shiikeawe raq akuq dea sha, riimak wa, kra samhea chechiip rong laq. Ara jamkhano ara chongtiikang ngukla, arot shammibi ka pahea powan raüta, barap binrii niishe nyam wanto.

2 John 1:7

Maiq lao liiti maiq pahea ka ara mangjong hiq hamli niishe kihoto. Tsangshiq raq Jesuq Khristo ka maiqse han-ngam na poki mak dea nguta arot tra hokuq tlo. Akha bom chongketi ka laopha maiqse. Kiimaq Khristo ma Wesang We.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.

Revelation 20:8

Kiimaq apaiq ka mangjong hiq wa maiq mung ümchuwa sitlaq kra lao kai she mikiho. Kiimaq ara mangjong hiq thun mang ka Gok nai Megok nguta ngutlo. Soitan raq tsangshiq ka adam na rekhat ma mitriitam. Tsangshiq ka khamjongraikii na kumtsai phii wa kumtsai riiphong tlaq ikha awealot chang riimak pahea miraq.