Colossians 2:2 - ASII LAKDAP Bible (BSI)

² Ngi raq ara minshiiq wan tiikang arka, namshiq kiimaq tsangshiq ka kamasham na srea laqkong ma mija laq nguta sham tiikang. Kiimaq tsangshiq liipan na atsaü maq riimang riichan raüta misi laq nguta sham tiikang. Raüta tsangshiq tsan atsii na, Shiikeawe ma jamlai miitu wa kam wantaq, kra poimak maq milap wan rong i dongdii nguta, tsankhun maq si miitu sham tiikang. Arka tengtlaq bomtsi kra atsaü maq sap raütiitiq, tsangshiq tsan mong na akha mitak wan lot. Ara tak wan tlaq bomtsi ka, atsaü maq sap wan tlaq kra lü miishetiq, tsangshiq raq maiqse ma phaqchi tum ka Khristoli dea nguta misap wanlot.

Hawa Naga Bible 2001

² Kvkhoc shuimx kaz wvnc tauk lvmz kuex tsuingshiq lotlaz nuex khvmc thuinz mvrc wvnc vtueq vshiz maq vshiz lungwawc thuinz nuex rvwak wvnc ruiux tsuingshiq rueq tsuingrux lvmz kuex tuiuz tay wvnc vtueq, vkvmx juing ngoz yaq kuex mvrc laz lvp wvnc wuez shuex. Vkhoc maq jix Tishox rueq vhttuiyq vpuiuc vruez ngoz yaq Christu kuex tuiuz wvnc wuez shuex.

Muklom

² Ning tin tang na tharong kap ma, etho ning tinmat wang ashey jaktung na kara eq tong rangma, etho ning aa thaji asam utol sha kap rangma, etho Shkewa apu ashum raaq bara Khristo, singsam rangma nga irimal somlo ang.

Colossians 2:2 Referencias Cruzadas

1 HOKHVMX 3:28

Solomon raq kra khapho kuqtaq tsütsa ka Israilnok mungmaiqse riishe taito. Kra tairaüta tsangshiq tsan mong na apaiq ma tsaühea shreng manto she thüwanto. Jamkhano ngukla Shiikeawe raq apaiq ma taksu tsii ke kha maq athukwiq maq phokuqto nguta takto.

Tvtsvmc 133:1

Arka Pinthum amao chang, pinthum peohea, Shiikeawe sengi pumshi hanshi maq shongnga ka!

ISAIA 32:17

Maiqse angu tarü raq tri na riikhaqli kli jaq misham. Krai mren mung na hansang kiimaq mungtsing mungngang miraq.

ISAIA 40:1

“Jaiq ronglaq isenginok lei,” nguta nashiq Shiikeawe raq ngutlo. “Tsangshiq ka tiijaiq ronglaq!

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

JEREMIA 9:24

Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Matthew 13:11

Kiijiishe Jesuq raq treto, “Ramungtan sap wan anyan phaqchi apaü raüta athü kra namshiq miika kuqto she. Shatmaq tsangshiq miika tiichhikuq mak dea.

Luke 1:1

Lungwii Phuno Ajongwe Theophilas: Maiq pahea raq, ara na mung na, maiq wang chang jaqsham jonghea ong wan tlii maq sham wantaq kra, nai mra jonghea pin wantaq, kra manphan ka, tiitho tiipha sidi raüta, waiq miitu, shiikut chaqto.

John 10:30

I We nainai ka ashi li.”

John 10:38

Shatmaq, ngi raq, i We raq achongkuq jaqsham kriidea sham tiikang jiika, namshiq raq ngi ma kamwan romanli jiimin, i jaqsham arma kamwan rong liina. Kra kamwan han jiika, namshiq raq ngi ka i We rai, kiimaq i We ka ngi rai pumshi hanshi miidea sitiikai nguta pattup miitu she misap wan han.”

John 16:15

I We raq ümchu wa rüm tlaq, kriika ngi rii. Krai mren, ngi raq Asii Wenyi ma jamlai wa kuq tiikang, kra apaiq raq lamho raüta, namshiq ma michong kuqki.

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

John 5:17

Shatmaq, Jesuq raq tsangshiq bom ka treto, “I We raq maiqse ka wranaiqshe khrum kuqtlo. Krai mren, ngi riimin wranaiq she maiqse ka khrum kuq tiikang.”

John 5:23

Krai mren, maiqse angu wiita raq, Awe raq jamkho shreng tlaq kiikhiisii hali, Ase kiimin mishreng. Jurwa Ase shreng mak, kriika Ase tiikaiti we, Awe kiimin shreng mak.

John 6:69

“Riita, ümchaü sanha naishiq raq ümniika Shiikeawe raq atiiki Asii Maiq Se nguta kamwan tiikai.”

Acts 4:32

Kra Phungmaiqse kong ka tsangshiq tarü, tiima tsantsii ashi maq siwanto. Tsangshiq tarü loweatek raq, jurmin apaiq jaq na jamlai phan hupsam wa sitlaq, kriika apaiq rii li nguta tiima mak riito. Shatmaq, tsangshiq tarü raq maiqmii jaq na jamlai wa asi, kriika kongtibi rai takshi pinshi maq riiphea riinyin phaqsiq raüta shongnga wanto.

Romans 15:13

Riita, ija, ümchaü min, wiitarü ma tsaiji tlamke wanti Shiikeawe raq, namshiq ma chochi tsantsii ka, asho awo miishe mikuq laq. Kiimaq kiqkap jaqshap rilung kra, Shiikeawe ma kamtsantsii thü tlan kra lümaq mitiishowo kuq laq. Krai mren, namshiq ran tsantsii rüm tlan kriika, Asii Wenyi ningkun maq, jonglu wan ruq li mirlaq.

Romans 16:25

Shiikeawe khushü kli tiijong rong i! Apaiq raq namshiq ka kamasham na pharangrang maq mitiishong nga lot. Kriika ngi raq Jesuq Khristo bomtsi, Asii Tsütsa namshiq ma chongkuq tiikang kra phanphan miraq. Kiimaq aka rapha hiq wa niiphü, apaü raüta athü tengteng bomtsi riisham mak maq atiichhikuq kra phan miraq.

Romans 2:4

Arka namshiq raq, Shiikeawe raq namshiq ma, mangchan tsii jonghea rüm tlaq kra shishe lam na khat tlo. Kiimaq apaiq raq namshiq shutphit ka mangchan tsi ma, namshiq ka atsea wan chang wiimin, tsat son n mak maq, anin riiwan tlo, kiimaq ranaiq shishi kla, namshiq raq tsii michhi wan han ahiq, nguta tsan tiibum raüta, namshiq tsantsii klai wan ka khe tlo. Shiikeawe raq namshiq ka kai lungwii tlo nguta namshiq riimin asap han. Shiikeawe raq namshiq mangchan tlaq arka, namshiq raq ngarai tsantsii kra miklai tlo laq, nguta ngo maq mangchan tlo.

1 Corinthians 14:31

Weshi shi maq, namshiq wiitarü raq, Shiikeawe tsütsa riisham bomtsi ka chongke mimai siisaq. Kra chong kuq tlan ka wiitarü raq tsütsa ka saptsin miitu, kiimaq wiitarü ma tsaiji tiijonglu miitu riichang.

1 Corinthians 2:12

Nashiq khum na ara mangjong hiq ara jamshati wenyi ka rüm mai. Shatmaq Shiikeawe raq atiiki, Asii Wenyi lap kai kra sitlo. Kra kuq tiika Shiikeawe raq, nashiq ma kongphiq ümchuwa kuq taq kra saptsin wan miitu kuqto.

Galatians 3:28

Krai mren, ümchaü sanha, nashiq liipan na, arka Jehudinok phan, arka Pongnok phan nguta, rairii wan chang lam ka ahü she. Di ama phan nai chiisan maiqse phan, nguta tiikhothiq wan chang min ahü she. Kiimaq jechak nai maiqwe nguta, tiikhothiq wan chang min ahü she. Namshiq wiitarü Jesuq Khristo rai pumshi hanshi she jawan lan, krai mren, namshiq wiitarü ka weshi ikhli she sitlan.

Ephesians 1:7

Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.

Ephesians 3:16

Apaiq khushü jonglu ngao, atum atum maq toraüta thü tlaq kiiwa, namshiq ka wenyi rilung na ningkun ajong maq siwan miitu, Asii Wenyi lümaq, namshiq tsan nai mongjii na, ningkun mikuq laq nguta, ngi raq Shiikeawe jaq wa achuli jaü kuq tiikan.

Ephesians 3:3

Shiikeawe raq ngarai maiqse ka, Tsütsa Ahea kra lümaq tiichhii wan chang nguta, apaiq raq man niiphü thimi wanto. Shatmaq, arka apaiq raq apaü raütli thüto. Ümchaü, apaiq raq ara ngi ma tiichhi kuqto she. Ngi raq, ara ngi ma tiichhi kuqtaq tsütsa ka, namshiq ma atoqse maq waiq lata tiitai kuq wankang.

Ephesians 6:22

Arkha maq, ngi raq apaiq ka namshiq pha na tiiwa tiikang. Apaiq ka namshiq ma, naishiq tarü raq, jaqsham ka jamkho sham tiikai kra tiichong wa tiiwa tiikang. Krai mren, namshiq tsaiji mitiijong kuq.

Philippians 2:1

Namshiq ka ümchaü sanha Khristo nyam mong na, phintsaq tsaqhea she sitlan. Kiimaq apaiq mangchan wokhong na, tsailam jilam sitlan. Namshiq ka Asii Wenyi rai rintii ashi maq sitlan. Kiimaq, namshiq liipan na riilung riiwii, kiimaq riimang riichan miishe sitlan.

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

Colossians 1:26

Riita ara tsütsa arka, Shiikeawe raq man na pat achat ümchuwa lea wantaq akhing niika, mangjong maiqse tlotli makki wa, apaü raüta thü wanto. Shatmaq, ümchaü akhing niishe Shiikeawe raq aphan amaq maiqse ümchuwa sitlaq kriima atiichhi she riikuqto.

Colossians 1:27

Shiikeawe raq kra apaü raüta athü wan ka, ümchaü sanha asengi ma, aphoq kechang she nguta akiq tiideato she. Riita ara achong lot mai rahea phan, achhai anyii tsiiqchong nyamchong rümtlaq arka, wiitarü miitu rümtlo. Riita ara chongtiikai apaü raüta athü bomtsi ka, Khristo ka namshiq khum niishe sitlo nguta chongtlo. Kra liichum ka, namshiq riimin Shiikeawe achhai anyii khushü jonglu kra milap wandam han she nguta ngo ahata.

Colossians 1:9

Ara chongtiikai, namshiq raq Shiikeawe mangchan sap wan lan thun ara ningkhan, naishiq raq namshiq tsütsa ahea kra tai kai ranaiq miiphat, namshiq miitu achu jaükuq wan ruq miili sitiikai. Naishiq raq Shiikeawe jaq wa, namshiq tsan nai mongjii ka apaiq raq jamlai wa tiima tlaq, kra poshi min tiikhea man maq, sap wan miitu anyan phaqchi ama asho awo mithü kuq laq nguta achu jaü tiikai. Kiimaq Asii Wenyi raq ümchuwa phaqchi jonghea rüm tlaq, kiimaq ümchuwa taksu tsii rüm tlaq, kra namshiq ma asho awo thap raüta miphea kuq laq nguta achu jaü tiikai.

Colossians 2:19

Kiimaq krai mren, tsangshiq riika Khristo ma kam mak she. Tsangshiq raq phungtu ma akhupo Khristo miika kam mak she. Khristo raq apaiq wokhong na siti, apaiq khum phungtu ka, apaiq raq tiichhan chhi tlo. Kiimaq apaiq riili Phungmaiqse sitlaq kunli kra, atsiq akiq maq, arok arii thun kra triiche raüta, atra Jesuq Khristo khum na riitu raüta, Shiikeawe raq thi tlaq kra phanphan tiijonglu tlo.

Colossians 3:14

Riita, ara chong tiikang thun angu tu, arthaq na lungwii tsii maq kei lanta sirong laq. Lungwii tsii raükha riika, phanrap adam na pumshi hanshi ikha riitu khawan tlo.

Colossians 4:3

Kiimaq namshiq raq naishiq miitu min, nong nong maq achu jaü ronglaq. Kra achu jaükuq tlan krai mren, Shiikeawe raq naishiq ma Jesuq Khristo tsütsa ahea, man na apaü raüta athü kra phanchan kewan miitu akhing ahea mikuq. Ngi ka ara Tsütsa Ahea ara chongke kha na, ümchaü phaqtek mong na sitiikang.

Colossians 4:8

Arningkhan tiina, ngi raq apaiq ka namshiq phana tiiwa tiikang. Apaiq raq naishiq jamkho shongnga tiikai, kra tsütsa thun ka, namshiq ma mitiitai kuq. Raüta, namshiq tsaiji kra mido kuq laq nguta tiiwa tiikang.

1 Thessalonians 1:5

Man na naishiq raq, namshiq ma Shiikeawe Tsütsa Ahea chongkuq wankai akhing na, namshiq ma nü maq chongke wan lamlamli ka riimak; shatmaq, namshiq ma Asii Wenyi ningkun ajong maq, awang chang jaqsham maq tiichhikuq kai. Kiimaq tengtlaq bomtsi chongkuqkai irka, pharangrang maq chongkuq wan kai. Naishiq ka, namshiq rai adam siwan kai liipan na, awongsii Phungmaiqse rilung ka jamkhii sichang wa, kra tiichhikuq kai. Irka namshiq ma ahea miitu tiichhikuq kai.

1 Thessalonians 3:2

Laita, naitsam wetsam wa, naphuno we Timothi, naishiq rai kongshi maq namshiq ma, Jesuq Khristo Tsütsa Ahea chongke wanti, Shiikeawe jaqshamti kra, namshiq phaniishe tiiwa kai. Naishiq raq apaiq ka, namshiq tsaiji doke wa, kiimaq kamasham na thüdake wa miitu tiiwakai.

1 Thessalonians 5:14

Naphu nanotiim lei, roknin riishinti ka, ason ango riilanta, trantsii ronglaq. Wepuq weseti miika, bomnin se maq tru chongkuq ronglaq. Ningkun ajomti ka khrum kuq ronglaq. Wiitarü rai anin riilanta si ronglaq.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

Hebrews 6:11

Ngi raq, i tsan mong na atsi maq shiwea siq tiikang, namshiq tarü loweatek raq maiqmii tsantsii ka, atsi dada maq jamlai miitu wa ran tiikai, kra lap li chang, lamphan kra tiinyi wanli shiikut raüdea ahea miraq nguta, riichopi siq tiikang. Krai mren, namshiq raq jamlai lap wan miitu wa, tsankhun maq kherat tlan kra, lap wan tlii miitu shiikut chaq ruq si ronglaq.

2 Peter 1:10

Ara chong tiikai arai mren, lungwii phunotiim lei, Shiikeawe raq namshiq ka hea wanto. Kiimaq namshiq ka tsea wanto. Krai mren namrilung na atsi ango wahea la petsi chong ikha sirong laq. Kiikha sihan jiika, namshiq kamasham ka ümtiikiimin tiimo baiq man miaq.

2 Peter 1:3

Khristo raq, apaiq asii ningkun lümaq, nashiq ka awongsii Phungmaiqse rilung siwan miitu, ningkun ümchuwa raa tlaq kra kunli kuqto she. Khristo ka nashiq ma tsanwa we she nguta sap tiikai ara lümaq, asii ningkun kra lap wan tiikai. Apaiq raq nashiq ka apaiq asii kechu rilung khushü pülii tlaq thun kra riishake miitu hea wanto.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.

1 John 3:19

Riita, nashiq ka tengteng lamphanti setiim dea sitiikai nguta, nashiq raq mongngam maq sap wan chang ka ara miraq. Nashiq ka Shiikeawe man na tsailam jilam maq misi rong i.

1 John 5:7

Jesuq Khristo ka Shiikeawe Se dea nguta tengteng kiimwe jati ka atsam.