ASHICHONG 2:14 - ASII LAKDAP Bible (BSI)

¹⁴ Ümshamhea ka haütaü ikha, Longraqkam na atiipaü nga ikha. Ümtheaphi tsomhea liipha na. Ümbom sumhea atsaisea ma, ümmaklii min tsomhea tsomhea.

Hawa Naga Bible 2001

¹⁴ Mnoz kuex lungshuk lunghvl nuex kvhttuiyq yaq hituiuc ikhoc rvtoq. Vlungwawc svy juing mhtvlx kuex tvkhic koq, piauc hvlc mthuic mbomc kuex tay roc.

ASHICHONG 2:14 Referencias Cruzadas

YOBA 9:16

Kriili ngu raü min, apaiq raq ngi ma tiibom raüta jiili kha. Apaiq raq ibom mitai sham ngutiika kamlot mang.

Tvtsvmc 110:3

Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.

Tvtsvmc 22:3

Shatmaq ümniika Asiiwe nguta hokham ngacho na nga tlaü, Israilnok raq ümniika tiitsamtlo.

Tvtsvmc 45:11

Ümshamhea ka chhi raüta hokhamwe raq milungwii; apaiq ka ümtatiwe, krai mren apaiq wokhong na silaq.

Tvtsvmc 45:12

Tajar mungti raq ümniima kongphiq thun mihokuqho; chiithe maiqse raq ümnaq khrum mirit.

Tvtsvmc 50:23

Kechutum honglu kuqtlaq kriika, ngi ma riikhaqli shreng wanto, kiimaq ibom taitibi ka ngi raq tengteng mitiichhii kuqha dongdii.”

Tvtsvmc 68:13

haütaü sumla thun kampho ngam maq ajut, arakong thun ka chaq maq akop achhai anyii riito. (Jam nguto rekhat akhing na namshiq maiq wiijamti ka sku kong rümchang ruk mong niili silan?)

Tvtsvmc 74:19

Ümkoq ümphaq ümsenginok ka tsangshiq jaqtinok ngamsang phaqtinok jaq na naq tiishaübaiqkiq; ümsenginok maiq raq tiichamchaotlaq kra naqlaqkiq!

DUNGWVNC 3:6

Ngi ka ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.” Kra ningkhan Mosheq raq atheaphi ka khea maq pangto. Jamkhano ngukla apaiq ka Shiikeawe theaphi na liikham mak ahaisi riito.

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

ASHICHONG 1:15

Tsomhea tsanro nyung lei, ümsham ka alüsea ma tsomhea, rum wa pepü tu ikha. Ümmak liina lungwii tsii ka tsihea!

ASHICHONG 1:5

Jerusalem sheare lei, isham ka anyaq dea. Shatmaq aliiseachang tsomhea. Kumtsaiphii bin jü na, Kedar hiqshong tombu jamsetiim ikha. Atam alam setiim. Shatmaq aliisea ma tsomhea. Solomon hokham jam kitanpu na, kheachan tsomhea ikha.

ASHICHONG 1:8

Wuriise khan tsomhea tsanro nyung lei, ümniiraq isku rümchang nyiimlung ba chhimaü shea? skukong jai phanphan liiho laq. Laüta ümchhechhi thun kra rümho laq. Sku rümti ngachang jolitiipsetiim thotho kiijaq.

ASHICHONG 5:2

Ngi ka akon shatmaq itsan ka asam, ngi raq ma maq makang ngi lungwiiwe raq kilü na bukto. Tap mong na wapha irüm-nyung lei, Iroriinyung lei, ihaütaü se lei, Ikhupo na bangkham jobai, Ikhu bin min nyiirii kham raq jobaibai.

ASHICHONG 8:13

Ikongnyung lei, ngi ümbom tairo, Sonruk mong maq bom liina, ikongti raq ümbom tairo.

ISAIA 2:21

Ümtiikiiwa Tati ka mangjong hiq ka naübaiqkai saühotlaq, kra akhing na maiq thun ka apaiq tsankhiq walü kiiwa kiimaq apaiq ningkun jong nai apaiq khushü jonglu kiiwa tiiwong miitu maiq thun ka hiqkho bok thun na kiimaq longraq kam na longkhong bok thun na juraüta mitiipaü wa.

ISAIA 51:3

“Ngi raq Jerusalem ma mangchan mitiitsiha, apaiq riimraitlaq mong na siti maiq wiita ma. Apaiq mungtan ka hiqmiq changkhü, Li jiimin Ngi raq kriika bagan ashi mitiijaha, Ngi raq Eden bagan na chhijang kang kiikha mikloha. Chojong chise apeo aleo lishe kiijaq mishong nga wan, kiimaq Ngi ma tiitsamkam shi nai kechutum shi mishinge wan.

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

ISAIA 60:8

Arthun mokkiitu phong khamjong chum mong na, phumda ikha khumtlaq ara jamlai riiti wa? Haütaü kong jam na jang wantlaq ikha?

JEREMIA 48:28

“Mob mung na siti mungmaiqse kong lei, namshiq chela thun kra baiqthü ronglaq! Longraq khu thun kiina walanta siwa rongkiq! Haütaü kaü raq achü ka jüwiibok tho na haitlaq ikha sirong laq.

JEREMIA 49:16

Üm shiikong tsii raq ümniika lao baiqto. Ümniima nanok ka haitlo nguta tiimarai tlaü kriika riimak. Nanok ka ümniima haimak she. Ümniika pum na longraq khu na sitlaü. Diiluhea pum thun thaq na sitlaü. Ümniika liihawe sitlaq ikha pum chohea thaq na sihaü min, Tatiwe raq ümniika hiq na mitiideabaiq. Arka, Tatiwe raq toqtantlo.”

EJEKIEL 7:16

Maiq wiijamti ka jükhü hiq wiibok wa maiq raq haütaü kong tiihang raüjaq pin wantlaq ikha pum thun kiina tsang chiim jin mipin trang. Tsangshiq wiita raq maiqmii ngarai miitu maaho manyi, ahan anyi miraq.

DANIEL 9:7

Ümniika Tatiwe, ümniika phanrap tingting tri raükha tiipha shatti. Shatmaq naishiq riika maiqmii khu na, jeasi thoda hophaq wan laitli wranaiqshe siwankai. Arka tengto dea. Naishiq wiitarü raq hophaq tiikai. Juda mung na siti ngu i kiimaq Jerusalem na siti ngu i, kiimaq tlotli Israilnok mungmaiqse thun, ümniiraq pongmung na, aje na nai maiqmung thun luhea na, tiipin jobaiq laü. Jamkhano ngukla tsangshiq ka ümwokhong na simak riito.

Obadia 1:3

Ümshiikong tsii raq ümnaq laobaiqto. Üm chela nyungchong ka raqkhakhu na atei. Ümjam ka kinkhu thaq na tei laü. Kra ningkhan ümnaq tiingo tlaü, ‘Ngi ka juwero mitiideabaiq lot?’

Matthew 10:16

“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.

Matthew 3:16

Khamlam lot ri she, Jesuq ka khamchum mong maq dong wanto. Kra akhing na Jesuq raq ramungtan ka atlin raü chhito. Kiimaq Shiikeawe Asii Wenyi ka haütaü kaü ikha ra wa satki raüta, apaiq khuthaq na ngakai chhito.

Ephesians 5:27

Riita, ara hekuqtaq arka, phungtu ka apaiq miitu siirairai, shamhea shamjü, chiisan kiimaq jamlai shutphit min ahü, kiimaq jamlai phan na kojo min ahü maq, minhap ma tiija wan miitu hetse kuq.

Colossians 1:22

Shatmaq ümchaü sanha, Ase ka han-ngam khum na tsaitaq kra lümaq, Shiikeawe raq namshiq ka apaiq khi alu miishe tiija wanto. Arka namshiq khum ka asii, chiisan kiimaq jamlai shutphit min ahü maq apaiq wokhong na tiisi nga wan miitu she dokdaa wanto.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

Hebrews 4:16

Riita ümchaü sanha, nashiq ka tsan asang miishe, Shiikeawe wokhong na tiisot laita, nyap wan rong i. Apaiq raq nashiq ka, apaiq kaphap khoqramkii maq keishat rüm tlo. Kiijaq nashiq ka, tiihang mangchan kiimaq kaphap mangchan tiiwong niishe misi rong i. Nashiq ma raa tlaq phan ka Shiikeawe raq mikhrum kuq.

1 Peter 3:4

Ara chongtiikai akha, sham tiitsom rom riita rai nam miikhoti, namtsan namtsii riiwe kra siirairai hea, rüm rong laq. Kra kata maiq raq, mak maq chhi mak phan, nam mongjii na tsomhea sitlaq kra. Namshiq tsan mong na, sobsob bombom hon atsii nai saksi minmi maq sitlan rong arai kata pattup thenki mak phan shamhea shamjü rilung miirii. Shiikeawe maklii na riikhaqli athuk atsom rilung shamhea ngutlaq ka ara chongtiikai.

Jude 1:24

Namshiq ka tiichhan mak maq tiiwongketiwe, kiimaq namshiq ka shutphit ahü siirairai maq apaiq khushü ngao chhainyii mong na shea wantiwe, kiimaq chojong chise maq kiijaq mantut na tiichap wantiwe--

Revelation 5:8

Apaiq raq kra jaüri, atra ngamkaü blai nai nyungwere roqnai ri blai ka, Skuse khaki na hiq na bumrang riito. Tsangshiq khumtek jaq na toropo nai chaq winpin shamraqraq riito. Chaq winpin niika, Shiikeawe sengi achu jaü honglu homseng athü, asho awo amachhaq riito.