Acts 8:36 - ASII LAKDAP Bible (BSI)

³⁶ Tsangnai ka lamphan phan akaiho nguli kihoto. Tsangnai ka akai rai lam maq, bashi na khamchum ashi chhito. Kra chhi raütiishe, siihiip jong we raq Philip ma chongto, “Riita, ümchaü arjaq kham min asi ahata. Ngi raq khamlam miitu ka pahea rangra rai chang min asi sha?”

Hawa Naga Bible 2001

³⁶ Tsuingnueyc lvmx khuemc lvmx maq yuix ruilx vshiz nuex httuiuc wvnc tueq. Kvkaq vyungx vlaungx waz rueq, “Vruex baung vyuq yuix vhttax, ngaz rueq yuix luip lvmz ruiux yuq vtuing shaung juing lvmx vhttax haz?” ngoz tueq.

Muklom

³⁶ Ning lam náng kachey atho, ning ni amaan jung rel náng thuta, ethi najaq aa batta, “Ira ro jung atha. Nang aa jung jin thalam pha mu i?”

Acts 8:36 Referencias Cruzadas

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

Matthew 3:11

Ngi raq namshiq ka ngarai tiidii wan lan she nguta hakhi kham lamlam li lamkuq wan tiikang. Shatmaq i jai na kaiti we raq namshiq ma Asii Wenyi nai waniitu miishe kham ka milam kuq wan. I jai na kaiti we ka ngi thaq na ajong. Ngi ka apaiq hokpa kra shamke wanti dise khan min thek mang anun pinthum.

Matthew 3:6

Tsangshiq raq maiqmii ngarai ka tiidii wanto. Krai mren, Johan raq tsangshiq ma Jordan rai na kham lamkuq wanto.

John 3:23

Johan riimin Salim hiq shong tho na Ainon hiq maq nokmaiqse ma kham lam kuqto. Jamkhano ngukla, kiijaq kham ka chamtraq asi. Nokmaiqse thun ka apaiq phana kito. Krai mren apaiq raq tsangshiq ma kham ka lam kuqto.

John 3:5

Kiijiishe, Jesuq raq treto, “Ngi raq chongtiikang arka tengteng: Kham nai Asii Wenyi maq rawü chhihü wiiwii miika, jumin Shiikeawe Mungtan na nyap wa lot mak.

Acts 10:47

“Riita, nashiq ma jamkho Asii Wenyi kuqtaq, kiikhiisii, ümchaü tsangshiq miimin Asii Wenyi ka kuqto she. Ikhiijiika, tsangshiq ma kham lamke maimak nguta tangtati ka juwa?”

Acts 8:37

Kiijiishe, “Ümniiraq ümtsan tsii wiita maq kamwan tlaü jiika, ümchaü li khamlamke wan mimai,” nguta Philip raq apaiq bom ka treto.

1 John 5:6

Jesuq Khristo ka Shiikeawe Se dea nguta, hakhi keti ramkham kok ka, apaiq raq kham lamtaq kra ashi. Kiimaq apaiq tiijai raüta kra ramkham kok anai. Apaiq ka khamlam wantaq kra lamlam li ka riimak. Shatmaq, Apaiq miisaq min tanto. Raüta tsaito. Raüta atiijai raütaq kra maq pumsongkham kra nei wanto. Jesuq ka Shiikeawe Se dea. Arka tengteng dea nguta Asii Wenyi riishe hali hakhi kuqtlo. Asii Wenyi riishe chongtlaq kriika tengteng she. Jamkhano ngukla, Asii Wenyi riika rotmak phan.