Acts 8:31 - ASII LAKDAP Bible (BSI)

³¹ Kiijiishe, siihiip jongwe raq, “Ngi ma ashi ra raq chongkehü miika, ngi raq jamwo misap?” nguta apaiq bom ka treto. Kiimaq apaiq raq Philip ka, apaiq rai leng na ngawakiq nguta hiato.

Hawa Naga Bible 2001

³¹ Piq rueq, “Vtvsuing jungc kuy jix httaz guez maq ngaz rueq yvmx wawc lac max tuiuz?” ngoz tueq tvralc ruiux, Philip muex renc htauk nuex duiz vtueq, piq rulc vdvmz ngaungc wvnc naungc tvkoc gvl tueq.

Muklom

³¹ Piq aa batta, “Chamtey nga ma lak eq bat moq ang ajo nga chamal eq samnáng?” Etho piq aa Philip ma mokgari náng qhung eq tong ma batta.

Acts 8:31 Referencias Cruzadas

2 HOKHVMX 5:26

Shatmaq Elisha raq treto, “Kra maiqwe ka kumrang leng maq satki raüta ümniirai riihumtaq akhing na, ngi ka wenyi na ümniirai adam asi riikang mak shea? Ümchaü akhing arka maiq jaq wa kampho kiimaq khu akhea, olip petsiro kiimaq spiqro bagan, skusekong, kiimaq minsaü kong, lo kiimaq jaqshisetiim kong jaü wan akhing riimak!

2 HOKHVMX 5:9

Krai mren Naaman ka apaiq kumrangkong shea raüta akumrang leng thaq na chao raüta kihoto. Raüta Elisha jamkea na kilam chong kiijaq chapkito.

Tvtsvmc 73:22

ngi ka ralang ngamtam kaü ikhli maiqjiq siwan kang; Ngi raq ümniika sap wan mang riikang.

ISAIA 35:8

Kiijaq munglam jong kaü jonghea she mitan wan, kra mang ka, “Asii Lamjong” nguta mingu. Ngarai maiqse ka kra lam maq ümtiikiimin khum mak miraq; kra lam phan phan khumti ka maiqjiqti thun raq tiishonlot mak she miraq.

Mark 10:15

Ngi chongpha, tai ronglaq, jurwa ara nosere akha ja raüta, Shiikeawe Mungtan ka tao mak, kriiti ka ümtiikiimin Shiikeawe Mungtan na saülot mak miraq.”

Acts 8:30

Krai mren, Philip ka juju she kito. Raüta, Ethiopia we raq Isaia lakdap phat rea kra taito. Philip raq, “Phuno we ümniiraq phat tlaü kra liichum ka tak wan tlaü sha?” nguta apaiq ma bom ka waito.

Acts 8:32

Apaiq raq phattaq asii bomtsi ka ara riito: “Apaiq ka skuse ataaphaq ma hitho tlaq ikha, aho ariiq min ahü sheahoto. Skuse abin sikiijaq phephiiq mak ikha, apaiq raq bom poshi min bom mak riito.

Romans 10:14

Shatmaq, tsangshiq raq apaiq ma kamwan hü miika, tsangshiq ka apaiq puk na, jamkho minyap wan? Kiimaq, apaiq raq achongkuq tsütsa ahea kra, tsangshiq raq tai wan hü miika, tsangshiq ka apaiq ma jamkho mikam wan? Kiimaq, apaiq tsütsa ahea kra chiiriim raüta, chongke wanti maiq siwan hü miika, apaiq tsütsa ahea kra, tsangshiq raq jamkho mitai wan?

1 Corinthians 3:18

Jurmin maiqmii nai maiqmii ka angok angi ma naq tiijan rongkiq. Namshiq phong wa weshi ra raq, ara mangjong hiqti maiqse maklii na, atsii we sitiikang nguta tiima tlaq jiila, apaiq ka riikhaqli atsii we ma jawan miitu, angok angi we ma mija laq.

1 Corinthians 8:2

Kiimaq jurwa apaiq raq phanrap asapha nguta tiima tlaq, kiikhiiti riika jamlai sap chang wa kiimin sap mak miili sirai tlo.

James 1:10

Kiimahali, Phungmaiqse liipan na, juwa chiithe sitlaq, Shiikeawe raq kriiti ka miitsan ma tiija tlaq akhing niimin chojong chise miili siwan raa tlo. Ara jamkhano chongtiikang ngukla, chiithe ja rilung ka, rum na pepü chong pülii tlaq ikhli. Jaqlose miitu li mipülii. Kiimiika atsaikai chang.

James 1:21

Arkha maq, namshiq tarü raq, maiqmii tsan mong na abi, ashe ashi tiima tsantsii sitlaq kra, kiimaq abi ati rong arai sitlaq thun kra, wiita tsuqsaiqsaiq riilanta, arang chong maq ba lanta, phai baiq ronglaq. Lanta, Shiikeawe wokhong na, phaqchii nichii maq nyap wan lanta, si ronglaq. Lanta Shiikeawe raq, apaiq asii bomtsi lai namshiq mongjii na chhi jang wan tlaq kra, lang lanta si ronglaq. Kra bomtsi raq, namshiq rilung ka tiichhii wan raüta tiichhan chhi wan tlo.