Acts 8:30 - ASII LAKDAP Bible (BSI)

³⁰ Krai mren, Philip ka juju she kito. Raüta, Ethiopia we raq Isaia lakdap phat rea kra taito. Philip raq, “Phuno we ümniiraq phat tlaü kra liichum ka tak wan tlaü sha?” nguta apaiq ma bom ka waito.

Hawa Naga Bible 2001

³⁰ Philip muinz vhtaq maq vyuz kaz koq tueq, shvmmax Esaia luik kuex piq rueq phat yaq tay vtueq, “Mnoz rueq phat vshuiux luik vlvmz kuex tuiuz vshuiux haz?” ngoz tueq wiz tueq.

Muklom

³⁰ Philip jol eq mokgari relnáng kata etho piq aa Asang likwit na Isaiah rangsamal raaq tang phat atha tatta. Piq aa ethi miqwa thima pitta, “Nang aa chamlang phat chey u raa jin sam eq u i?”

Acts 8:30 Referencias Cruzadas

Tvtsvmc 119:32

Ngi raq ümnaq aming thun ka tsanchhii wokchhii milang wanha, jamto ngukla ümniiraq ngi ma apa saptsin wan miitu phaqchi mikuqhaü.

THARC TVLUINGC 9:10

Ümniiraq jamlai sham-akai wa shamtlaü, kriika, tsapkapkap maq shamlaq. Jamkhano ngukla, ümnaq kaiho chang wulum mung kiijiika, jaqsham kaiwa min ahüshe; tiima tsantsii min ahüshe; phaqchi pinja min ahü she; taksutsii min ahü she miraq.

Matthew 13:19

Maiq ümriiti riiwa Ramungtan ka saükito nguta tsütsa ahea bomtsi chongkuq tlaq kra tai tlaq, shatmaq tak mak maq sitlaq, kriiti ka tsamlai lamjong mong na arok kiikha nguta chongtlo. Abi Thawe wa raüta, bomtsi ka tsangshiq tsan mong wa tsunhit lishe tsunsiq tlo.

Matthew 13:23

Kiimaq tsamlai hiq win ba na arok kriika, maiq ümriiti riiwa Shiikeawe bomtsi ka tai raüta, atak riiwan tlaq, kriiti ka shiiton tlo. Raüta, kamasham rilung na atsi ango pahea dong man tlo. Raüta tsamnyam nyamshi niili tsamrai ka shishi shi, rairoq trok kiimaq rairoqtsam dong mantlo.”

Matthew 13:51

“Namshiq raq arthun manphan chongkuq tiikang arka tak tlan sha?” nguta Jesuq raq ajaqshisetiim ma waito. “O tak wan tiikai” nguta tsangshiq raq apaiq bom ka treto.

Matthew 15:10

Kra ngu raütiishe, Jesuq raq nokwe ka atho na triitam hiato. Raüta tsangshiq ma akha chong- kuqto, “Ara i bomchong ara tiitsang tairong laq. Lanta namtsan mong na shaq ronglaq!

Matthew 24:15

“Daniel shammi we raq, ‘Riiqkhiq Ashe Sumla Ka Shomjam Na Miraq,’ nguta chongthütaq bomtsi kra kupi wan ka namshiq riishe michhi han. Kriika Shomjam mong na Asii khok kiijaq chap raü michhi han.” (Aphat wanti raq ara liichum arka samhea maq tak rong laq!)

Mark 13:14

“Namshiq raq, ‘Shomjam Tiishechang Maiqphai Asi Sumla Kaü,’ ashi ka apaiq chapchang riimak ba kiijaq chap raü she michhihan.” (Aphatti ma: Ara liichum arka jamlai ngo wa chongtlaq kra riikhaqli tak rong laq!) “Kra chhanghang akhing ranaiq she la saüwa raüla, kra akhing na juwa Judia wang na siti, kriiti ka kin kiina tiipaü juwan chang miraq.

John 4:34

Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

John 5:39

Namshiq raq Asii Bomtsi ka sidi phat siq tlan. Namshiq raq Asii Bomtsi phat tlan kriika, kiiwa namshiq raq pattup pat-sa rilung ka lap wan ma nguta phat tlan. Riita, ara Asii bomtsi riika, ngi arka juwa kra chongkuq tlo!

Acts 8:27

Krai mren, Philip ka tiijesaq raüta kihoto. Riita, kra akhing na Ethiopia mung hokham nyung kampho tum kheti siihiip ajong weshi, alai lambaiqje we ka, ahiq na jangho lam na akai rai lohoto. Apaiq ka Jerusalem na Shiikeawe shomnoq wa awa, tsangshiq na jangho she, kumrang leng thaq na chao raüta akairai riito. Apaiq ka akhum lam maq Isaia shammi we raq awaiq lakdap kra phat rea lohoto.

Acts 8:29

Asii Wenyi raq Philip ka, “Kra kumrang leng tho kiina kilaq. Laüta, apaiq thotho maq khumlaq,” nguta thaüto.

Acts 8:31

Kiijiishe, siihiip jongwe raq, “Ngi ma ashi ra raq chongkehü miika, ngi raq jamwo misap?” nguta apaiq bom ka treto. Kiimaq apaiq raq Philip ka, apaiq rai leng na ngawakiq nguta hiato.

Acts 8:5

Kiimaq, Philip ka Samaria wang na chela ajong pinthumti kiina wawan raüta, mungmaiqse ma Khristo tsütsa kra chongkuqto.

1 Corinthians 14:19

Shatmaq noqku akhing na, ngi raq maiq raq taimak phan bom maq, pahea chongrea nam miika, ataiti ma aliip dong chang bom maq, bomtsi po biingi chongke riiwe ka mishreng ha.

Ephesians 5:17

Krai mren, angok angi kong ikha naqsi rongkiq. Tatiwe raq namshiq ma jamlai jaqsham wa thaü tlaq, kra sap wan miitu, achu jaü maq si ronglaq.

Revelation 13:18

Ara waiqtaq ara liichum tak miitu ka, namshiq taksu maiqse ma jawan raa tlo. Ümriiti wa taksu maiqse, kriiti raq ara ngamthaiq kaü lombot liichum ka mitak lot. Jamkhano ngukla, kra lombot ka maiq weshi mang liichum. Kra lombot ka 666.