Acts 8:27 - ASII LAKDAP Bible (BSI)

^27-28 Krai mren, Philip ka tiijesaq raüta kihoto. Riita, kra akhing na Ethiopia mung hokham nyung kampho tum kheti siihiip ajong weshi, alai lambaiqje we ka, ahiq na jangho lam na akai rai lohoto. Apaiq ka Jerusalem na Shiikeawe shomnoq wa awa, tsangshiq na jangho she, kumrang leng thaq na chao raüta akairai riito. Apaiq ka akhum lam maq Isaia shammi we raq awaiq lakdap kra phat rea lohoto.

Hawa Naga Bible 2001

^27-28 Kvkhoc rvtueq Philip muinz kvtenc kaz wvnc tueq. Kvkaq vtonx (unuk) gay rvhumc jix Ethiopi mungx wawc vyungx vlaungx miq washiz kuex Yerusalem nuex kaz vtueq, Tishox muex nawk palx kuy lot yix vyuimx nuex yek waung tueq. Piq kuex Ethiopi mungx wawc hokhvmx nyuiuz Kantake tsak vnyvmx shuimc jungx waz rvtueq, piq kuex wvrrenc htauk nuex ngaungc yaq lvmx maq shvmmax Esaia luik kuex phat lawc tueq.

Muklom

²⁷ Philip shat eq kata. Etho lam na Ethiopia naja kap chongta; piq tha Ethiopia lungwang nu ngin shingtey ajong miq angta. Iri miqwa raa shumnuk ma Jerusalem náng kata pha.

Acts 8:27 Referencias Cruzadas

1 HOKHVMX 10:1

Sheba mung hokham-nyung raq Solomon mangchong ra tsa ikha tsatlaq kra taito. Krai mren apaiq ka Solomon phaqchi jonglu kra bom atsin tsin maq apaiq ma wai raüta maitai wa Jerusalem na wato.

Tvtsvmc 68:29

Jerusalem na üm Shomjam maq, hokhambi raq ümniima kongphiq thun kuqtlaq kriimaq.

Tvtsvmc 68:31

Ejip mung wa kiimwebi thun miwa; Sudan mungti raq tsangshiq jaq do raüta Shiikeawe jaq wa achu mijaü.

Tvtsvmc 87:4

“Ngi raq Ejip mung nai Bebilon mung mang ka iwokhong na siti maiq mung thun mang waiqtiikang mangwea raüpot na mitlom damha; Jerusalem chela na siti mungmaiqse phong na Philistain mungti, Tajar mungti kiimaq Sudan mungti mang min miwaiq wanha.”

ISAIA 18:7

Akhing ashi misaü wan, kra akhing na, Tati Ajong Pinthumwe raq armungti jaq wa honglu ka mijaü wan. Ara jürai pahea raq tiikho tlaq mung jaq wa. Ara ahong ala mung. Kiimaq ningkun jonghea riimti mung, ara maiq ajong alu kiimaq tsangshiq han ka nyeajok jok hea atsom wiq mung arjaq wa. Tsangmungti ma mangjong tlotli raq aphiip ajiip haitlaq armung jaq wa. Tsangshiq ka Tati Ajong Pinthumwe shomnoq chang Jajon pum na miwa.

ISAIA 43:6

Ngi raq shekhu nü mungti ma tsangshiq ka tiiki ronglaq nguta michongha, kiimaq shemai nü mungti ma tsangshiq ka naq shiikhing rongkiq nguta michongha. Isenginok ka ratsüko mung thun wa mijang wanlaq; mangjong hiq tlotli wa.

ISAIA 45:14

Tatiwe raq Israil ma ngutlo, “Ejip mung nai Sudan mung tsiiqtum ka ümniiriishe miraq, kiimaq maiqjong maiqlu Seba mungti ka ümdisekong she mija; tsangshiq ka ümjai phan phan jinraü maq khaje miwa. Tsangshiq ka ümjichong na bum raüta tsangnü maq, ‘Shiikeawe ka ümniirai— apaiq kli dea Shiikeawe ka.

ISAIA 60:3

Maiqmung thun ka ümliliim kra chhi raüta ümtro na mirtam wan. Kiimaq hokhambi thun ka ümranaiq anye rawü wantlaq kra chhi raüta ümwokhong na mirtam wan.

ISAIA 60:6

Hupsamhoti kongnyung kaüshi kumtsong kong misaü wan, Midian nai Epha mungti. Tsangshiq ka Sheba mung wa chaq nai homseng howan raüta misaü wan. Mungmaiqse raq tsütsa ahea Tatiwe raq shamtaq kra michong!

ISAIA 66:19

Krai mren, tsangshiq raq Ngi riidea tsangshiq ma imo tiiho tiikang nguta misap. “Shatmaq Ngi raq tsangshiq phong wa maiq wiijam ka atiihang mirha. Lata tsangshiq ka maiq mung thun na kiimaq maiq mung thun luhea na siti thun kiina, jurwa imang chong tsaki taimak dea riimakla ngi jonglu kiimaq iningkun heng michhishaqtibi mung thun na mitiiwaha: Kriithun ka Spen mung, Libia mung, kiimaq Lidia mung, tsangmungti liq sreabi rai mitiiwaha. Kiimaq Tubal mung na kiimaq Gris mung na mitiiwaha. Armung thun na tsangshiq raq imang chong jonglu tsütsa kra chiiriim raüta michongkuq.

JEREMIA 13:23

Maiq ngamnyaq phanwe raq apaiq sham ka miklai lot shea? Kiimaq chiqwaiq kaü riika akhum wa awaiq thun kra mitiimobaiq lot shea? Kra nguraü kla ngohea dea namshiq akhnok abi thaq niimin abi pinthum ngarai klo wantinok riimin, riikhaq tingting jaqsham kra misap wan han wa.

JEREMIA 38:7

Li jiimin, Sudan mungti Ebedmelekh, apaiq ka ashoqwe, hokhamwe jam na jaqshamtiwe raq tsangshiq raq ngi ka khappong mong na tiisat baiqto nguta tho ka lapto. Kra bala hokhamwe ka Benjamin Kilamchong ba na ngongthun anga bala riito.

JEREMIA 39:16

Sudan mungtiwe Ebedmelekh ma, Tati Ningkun Ajongwe, Israilnok Shiikeawe raq, akha ngutlo, “Ngi raq ümniima ara chela ka ashthen mirbaiqha nguta chongkang irai mren, ümchaü Ngi raq ara chela ka atiithen she mirbaiqha. Tiijong lu wan mang she. Riita arshe hongtha wan raüla, ümniiraq maiqmii mak miishe michhi haü.

JEPHANIA 3:10

Isenginok luhea Sudan mung na siti, riinyin riishin siti riimin, ngi ma honglu milam kuq wan,

Matthew 12:42

Phangthum Khapho Ranaiq na Sheba Hokham Nyung ka chap raüta, namshiq she mishra wan. Jamkhano ngukla, apaiq ka tsangmung lam luhea maq wa raüta Solomon taksma tsii chong bomtsi kra taiwa nguta wato. Riita ngi raq chongtiikang arka tengteng. Ümchaü arjaq namshiq makki na juwa sitlaq kriika Solomon taksma nyan thaq na ajong!”

John 12:20

Kra poi akhing na, Jerusalem na Shiikeawe shomnoq kai nguta mungmaiqse phong kiraitaq thun kra phong na, Griknok min asi riito.

TRI CHONGKE 30:13

Riimakla arka sammok tra chum reko niimin riimak. Ümniiraq, ‘Sammok tra chum reko na ki raüta naishiq ma kra bomtsi ka juro milam kuqki? Kra nguraü jaq naishiq raq kra alang hai chang?’ nguta wai chang min riimak.

Hebrews 11:8

Shiikeawe raq Abraham ma, mung ashi mikuq kang nguta kiqkham kuqto. Krai mren, Abraham raq Shiikeawe ma kamtsantsii thüto. Raüta, apaiq ka ümba na saüho chang wa, kriimin sap mak miili, ahiqshong arahai kra miimthü raüta, Shiikeawe raq shunshea tlaq kra phanphan, Shiikeawe raq akuq tachong hiqshong mung kiina kihoto.