Acts 7:30 - ASII LAKDAP Bible (BSI)

³⁰ “Mosheq ka kra wang na, rawii wiiroqblai sijai niishe, ranaiqshi kumtsaiphii na Sinai pum ji maq, rase ashi ka rumrü mong na walü ma ja raüta, Mosheq phana kito.

Hawa Naga Bible 2001

³⁰ “Kvyuq wawc rok bvlic httax wvnc tueq yix maq Sinai Kanx hep wawc kumtsvy tvnx nuex, wvrluic yaq rumz kvmaq raungkamx washiz kuex Moshe muex shvmx kvkhic kaz tueq.

Muklom

³⁰ “Pang rokbali jio, Sinai haqkan rel jatqhip na wal jung chey aa thina ashey rangkamwa takhita.

Acts 7:30 Referencias Cruzadas

1 HOKHVMX 19:8

Krai mren Elija ka akon wa tiidoto. Raüta winsü ka phaqto. Kiimaq kham ka nyangto. Krai mren apaiq raq kra tü adung phaqsiqtaq krai mren apaiq ka asii Sinai pum na saüli raroqblai lam kra khum wan miitu ningkun hongli lapto.

Tvtsvmc 66:12

Ümniiraq naishiq ka re ma tiitang laü; naishiq ka wa mong maq nai jüchhang mong maq wawan kai, shatmaq ümchaü ümniiraq naishiq ka tiiwongkuq shat hiqshong niishe shea wan laü.

DUNGWVNC 3:6

Ngi ka ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.” Kra ningkhan Mosheq raq atheaphi ka khea maq pangto. Jamkhano ngukla apaiq ka Shiikeawe theaphi na liikham mak ahaisi riito.

DUNGWVNC 7:7

Tsangnai raq hokhamwe rai riibomtaq akhing na, Mosheq ka wiiroq tiichat maiq riito. Kiimaq Aron ka wiiroq tiichat ri wiitsam maiq riito.

ISAIA 43:2

Ümniiraq kham tsaühea raptlaü na, Ngi ümniirai adam mirha; Ümtinkhan chamchaoli riihum haü min; ümniika tiingathu tiinga mak miraq. Ümniika wa mong maq khumtlaü na, ümniika wa raq khiimak miraq. Maitai henghea saütlaq kriiraq, ümniika tiimitsi mak miraq.

ISAIA 63:9

Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.

DANIEL 3:27

Kiijiishe, hokhamwe sengi aki miikiimbi, wanghuptibi, wanghuptibi jaqthüti kiimaq ahinti siihiipbi thun wiita adam na riitam raüta, wa raq khiimmak dea, maiq wetsam khum kriishe liito. Tsangtsam khubin kiimin ralang min khiim mak, tsangtsam khea thun kiimin khiim mak, kiimaq tsangtsam khum na ralang wakhuk tsang min ahü riito.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

Mark 12:26

Riita, maiqse ka ama wa tiidong wan lam bomtsi chongtlaq kra rii we ka, Mosheq raq awaiq thü lakdap na, sangphii rü ka wa na alü rai nguta chongtlaq lakjaq ba kra, namshiq raq phat man sha riitlan? Phat tlan. Kiijaq Shiikeawe raq Mosheq ma, ‘Ngi ka Abraham Shiikeawe, Isak Shiikeawe kiimaq Jakob Shiikeawe,’ nguta chongtlo.

Luke 20:37

Kiimaq, Mosheq raq maiqse ka ama wa adong mirwan nguta, tsangriri hea maq tiichhikuq wanto. Arka alürai sangphii tam nguta bom chong tlaq lakdap jaq ba kiijaq, apaiq raq Tatiwe ka, ‘Abraham Shiikeawe, Isak Shiikeawe, kiimaq Jakob Shiikeawe,’ nguta chongtlo.

Acts 7:17

“Kra jai maq, Shiikeawe raq Abraham ma kiqkham kuqtaq kra tiiku wan akhing she saüto. Kra akhing na, nashiq nok ka Ejip mung maq apu rai, maiq ka pahea she riito.

Acts 7:31

Mosheq raq kra chhi raüta kai amao riito. Kiimaq walü tu ka samhea aje lin maq liila nguta, apaiq ka walü rai tlaq rumtam tho na tiisotto. Kiijiishe, apaiq raq Tatiwe bom ka akha taito:

Acts 7:32

‘Ngi ahata ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.’ Kra bom ka ta raüta, Mosheq ka akiinyii ahai, atiikhai rokshrok riito. Apaiq raq kra liikham mak riito.

Acts 7:35

“Israilnok raq Mosheq ka, ‘Ümniika naishiq thaq na wela ma nai phowe ma juro shongta?’ nguta shipoqto. Shatmaq, Shiikeawe raq Mosheq ka tsangshiq nok rüm wan miitu wela ma, kiimaq tsangshiq ka kharü mong wa daa wan miitu, srea we ma ashong wan. Kra jaqsham ajong kriika Mosheq ma rumtam mong na walü ma jaraüta rase kitaq kra jaqkhong maq midaa wan nguta chongkuqto.

Galatians 4:25

Riita, Hagar ka Arabia wang na Sinai Hiqlam sitlaq, kra rii na sitlo. Kriika, ümchaü Jerusalem chela na mungmaiqse ümchuwa, ümchaü min di ikhli sitlaq, kra nangnga ngutlo.

TRI CHONGKE 33:16

Tsang hiqshong ka ahea awa phan riili ama misilaq, Tatiwe tsomwa riili mishmanlaq, Apaiq ka walü rumtam se maq bom damto. Arthun achu shiiman ka Joseph phan ma misaülaq, Jamkhano ngukla apaiq ka aphutiim phong na wela riito.

TRI CHONGKE 4:20

Shatmaq namshiq ka Ejip mung na watum nyairaitlaq kra mong wa apaiq raq achhii wannok. Apaiq raq namshiq ka ümchaü jamkho apaiq sengi ma jalanta sitlan, kra miitu shun shea wanto.