Acts 26:31 - ASII LAKDAP Bible (BSI)

³¹ Kiimaq kra rung maq tiido wan raütiishe, tsangshiq nai tsangshiq liipan na bom ka, “Arwe raq apaiq tsaili chang nai apaiq ka phaqtek na shaqli chang kha ka tang wan mak dea,” ngutiishe bom ka riichongto.

Hawa Naga Bible 2001

³¹ kvruex maq kaz wvnc vtueq, “Vruex waz kuex vthueyc juing mvrax muinz, khoktep nuex shuiuz juing mvrax yvmx muinz yaq muq,” ngoz tueq washiz maq washiz rvjungc wuez tueq.

Muklom

³¹ etho ning eshiwang thalat eq ning ni ning jaktung o batta, “Iri miq rey tatik eq ma tia chuk o sak ma chamtho somlo moq.”

Acts 26:31 Referencias Cruzadas

2 SAMUEL 24:17

Dawit raq maiq tseabaiqti rase kra chhito. Kiimaq apaiq raq Tatiwe ma nguto, “Ngi ahata ajiqwe ka. Ashut klotiwe ka ngi. Ara mungmaiqse nyungwe nosekong riika jamlai ri tiibiti mak? Ümniiraq ngi ma nai ijamti thun ma sintsang ka tiiholaq.”

JEREMIA 26:16

Kiijiishe welabi nai mungmaiqse raq ramwebi nai shammibi miishe nguto, “Arwe raq nashiq ma Tatiwe nashiq Shiikeawe mang na chongkuqto. Apaiq ka tseabaiq raa mak.”

Luke 23:4

Kiijiishe, Pilat raq ramwe jongbi nai mungmaiqse thungtlaq kiima, “Ngi raq arwe dü na apaiq tsaili chang kha ahü, jam min chhi mang,” nguta chongkuqto.

Acts 23:29

Riita, ngi raq liiwan kangta apaiq tsai chang, lo kiimaq apaiq ka phaqtek mong na shaqli chang lo khü akha ka apaiq dü na ahü chhi mang. Tsangshiq raq apaiq dü na kha asi nguta nyan tlaq kriika, tsangshiq nok thung alai wa bomtsi tri khuthaq wa bom kli chhikang.

Acts 23:9

Krai mren she, tsangshiq riikhii tatso gisii trang wan tlaq kriika henghea riiwan wan she heng wanto. Kiimaq Thungtri shrinketibi phong wa, maiq welabi wiijamti Phorisinok phungti ka chap raütiishe, achaq awaq maq latlat she, tri ka akha ngutiishe riikhii wanto: “Naishiq raq lii kai jaq arwe dü na kha ka jam min ahü chhi mai! Jursap, apaiq ma ngohea dea wenyi riilo, riimak la, rase riidea wa bom asa ka chongkuqla riila!”

Acts 25:25

Shatmaq ngi raq apaiq kha ka pho wan kang, lata lii wan kang. Shatmaq, apaiq dü na apaiq miisaq thumli chang khü akha ka jam min ahü chhi wan mang dea. Kiimaq apaiq raq maiqmii nü maq apaiq kha ka Roman Hokham we rung niishe shokto. Krai mren, ngi riimin apaiq ka Hokham we phana tiiwa chang ngutiishe tri ka shat kang she.

Acts 28:18

Krai mren, Roman hokham raq i kha ka phoke wan jai, ngi ka adi baiq chang nguta photo. Jamkhano ngukla tsangshiq raq i dü na, i miisaq thumli chang mat atsa khü akha jam min ahü nguta asap.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.