Acts 23:22 - ASII LAKDAP Bible (BSI)

²² Kiijiishe, siihiipjong we raq, “Ümniiraq ara bomtsi ara ngi ma tiitai laü nguta ju miimin naq chongkiq jo,” nguta apaiq ma bom ka athang riito. Raüta apaiq raq norii we ka atsise miishe tlat baiqto.

Hawa Naga Bible 2001

²² Nolaungx yungx waz rueq, “Mnoz rueq ngaz muex jungx tvtay toq lvmx kuex ukhaq muex muinz nauk jungx kaz,” ngoz tueq bomc htuing kuq ruiux yalxrox waz kuex tvkaz gay tueq.

Muklom

²² Ralkoltey tang solwa they batta, “Nang aa nga ma batta phu shi utang ma tho nak bat u.” Etho jaro wa tha takatta.

Acts 23:22 Referencias Cruzadas

Matthew 10:5

Ara roqshi ri wenai arma akha tsii chongkuq raüta trahokai tiikito, “Namshiq ka Pongmung maiqse hiqshong na nai Samarianok chela thun niika naqki rongkiq.

Mark 1:44

Awawan na apaiq ma, “Bom ka tiitsang tailaq. Ara tsütsa ara jumiimin naq chong wankiq. Shatmaq, ramwe we phana leaphok wa laüta, apaiq ma ümkhum ka tlii wakiq. Apaiq raq ümkhum ka milii laq. Kra lot jai she, ümkhum ka asii she dea nguta, nanok tarü ma tiisap miitu she, Mosheq aming phan phan, honglu she kuq wakiq,” nguta chong kuqto.

John 18:12

Kiijiishe Roman phentuwe nai asengi phenlabi, kiimaq Shomjam kheti Jehudi phan petanok raq Jesuq ka lapho raüta raü maq khato.

Acts 23:21

Shatmaq, siihiipjong we lei, ümniiraq tsangshiq bom ka naq taikiq. Jamkhano ngukla, Paul tsea baiq ma nguta, lam na rehuk hai raüta atiipaü maiq ka weroqblai pat raq kheshat miraq. Tsangshiq raq Paul ka tsatmai wiiwii, khamsang kokshi min nyang mai nguta japhak maq riihan raüta tiitumto. Riita ümchaü tsangshiq ka Paul tseabaiq ma nguta khekham miishe khe tlo. Kiimaq ümniiraq apaiq tiikai kra kheli she sitlo,” nguta norii we raq siihiipjong we ma tsütsa ka tiitaito.

Acts 23:23

Kiijiishe siihiipjong we raq, apaiq phentu wenai ka hea raüta thaüto: “Sisiria na kai miitu phenlabi shinai tiijeli ronglaq. Kra tiitsuq ma kumrang thaq na chaoti phenlabi weroq miishi kiimaq liiq nai ja apiq shamti phenlabi shinai tiije ronglaq. Lanta athi raji nari tiikaü na tiido ronglaq.

JOSHUA 2:14

Kiijiishe kriiwe nai raq, “Nainai miisaq ka namshiq miisaq maq song! Ümniiraq nainai arjaq jamlai miitu wa wakai ara nanok ma chongmaü dam laüta thü haüla, ümtiikiiwa Tatiwe raq, naishiq ma armung ara kuqjiiq, kra akhing na, naishiq riimin ümniirai kiimaq ümjamtitiim rai sinkham bomtsi ka riikhaqli mithü hai,” nguta kriinyung ma nguto.