Acts 23:14 - ASII LAKDAP Bible (BSI)

¹⁴ Kra rilot raütiishe, tsangshiq ka ramwe jongbi nai welabi phana waraüta, bom ka akha ngutiishe chongto, “Naishiq ka adam na reraüshi maq Paul ka tsatmai wiiwii, ralang khamsang kokshi min nyang mai nguta tiitum wankai she.

Hawa Naga Bible 2001

¹⁴ Tsuingshiq kuex shomc waz bix nuiyc walaungx bix kox nuex kaz vtueq, “Nuiyshiq kuex Polu thvt lvp miq wawwawx yvmx muinz phauk saq miq ngoz tueq kvtuemc wuez tiq.

Muklom

¹⁴ Ethi ji tho ning aa ajong tingwa tang etho miqlang tang jamnáng ka eq batta, “Í aa Shkewa jakho na aheng rangtum ti, Paul sha tatik wey moq ling chamtho phaksa mi ang ni.

Acts 23:14 Referencias Cruzadas

ISAIA 3:9

Phowebi raq maiqse ka athea phi na lii raüta kha phokuq wan tlaq kra, kha ka tsangshiq khuthaq na minyan wan. Tsangshiq raq raweahü maq Sodom chelati raq ngarai klotaq ikha klotlo. Tsangshiq ka miqto she. Kiimaq tsangshiq raq kra maiqmii jaq miili tsang mea wan chang lam kra tan wanto.

JEREMIA 6:15

Riita tsangshiq raq atin khan maiqphai asi ashut klowan raüta, tsangshiq ka tiijeasi tlaq shea? Tiijeasi mak. Tsangshiq ka tiijeasi mak. Tsangshiq riika atiijeasi ngutlaq ka jamlai nang wa ngutlaq kriimin sap phaq mak. Arningkhan tsangshiq kiimin nanok abiti thun jamkho miqphaq wantaq, kiikhiisii mimiq phaq wan. Ümtiikiiwa ngi raq tsangshiq ma imo mitiiho ha, kra akhing kriishe tsangshiq thum wan akhing miraq. Arka Ngi, Tatiwe raq ngutiikang.”

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

Hosea 4:9

Arkha na namshiq ramwebi ka, mungmaiqse rai chiimshi niili, midea han! Namshiq kiimin mungmaiqse rai adam na mitiichamchao wan ha.

Mikha 7:3

Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.

Acts 23:12

Kiimaq napjai ranaiq niishe ka, Jehudinok phong wa maiq wiijamti ka adam na hali ngato. Raüta tsangshiq raq Paul ka tsea baiq ma nguta bom ka kiqshi maq rito. Tsangshiq raq Paul ka tsatbaiq wan mak shaq wiiwii, ralang khamsang kokshi dongdii min nü na thü mai nguta tiitum tiita raüta kiqkhamto.

Acts 23:13

Kra rehuk hai wanti kong ka maiq weroqblai pat raq kiqshi maq ri raüta, reraü ka shunto.

Acts 23:20

Kiijiishe, apaiq raq treto, “Jehudinok mung welabi thun ka kiq ari wishe. Anap ranaiq ümniima tsangshiq raq Paul ka Rung na tiiki nonglaq, mung welabi raq Paul ma bom ka samhea tiitsang rii wai nong ma nguta tiimanhii raüta, ümniima bom ka mitiichong wa.

Acts 23:21

Shatmaq, siihiipjong we lei, ümniiraq tsangshiq bom ka naq taikiq. Jamkhano ngukla, Paul tsea baiq ma nguta, lam na rehuk hai raüta atiipaü maiq ka weroqblai pat raq kheshat miraq. Tsangshiq raq Paul ka tsatmai wiiwii, khamsang kokshi min nyang mai nguta japhak maq riihan raüta tiitumto. Riita ümchaü tsangshiq ka Paul tseabaiq ma nguta khekham miishe khe tlo. Kiimaq ümniiraq apaiq tiikai kra kheli she sitlo,” nguta norii we raq siihiipjong we ma tsütsa ka tiitaito.