Acts 22:25 - ASII LAKDAP Bible (BSI)

²⁵ Shatmaq, tsangshiq raq apaiq ka jin raü maq tep kha raüta, chunpo-nyam chongwai maq atseaho she angu na, Paul raq phentuwe apaiq tho na chap raü we kiima, “Riita ümniiraq Roman Hokham sengi nokti we ka, apaiq khü akha ka jamlai wa, kra kongkhu pho hü maq, akha tsea thung ka asi sha?” ngutiishe apaiq raq siihiip we ma bom ka waito.

Hawa Naga Bible 2001

²⁵ Piq kuex svnthuingx maq wungc tvkoc khvrc koq tueq, Polu rueq vhep nuex jvp yaq vyungx vlaungx waz muex, “Roma miqsaz washiz muex yvmx kvjaz muinz wisoz muit maq wungtvlc kuex tvrac rulc aungx yaq haz?” ngoz tueq wiz tueq.

Muklom

²⁵ Ning aa uwat eq ma khak atho, Paul aa eshina lang aa ashey ajongwa thima pitta, “Ashey Rome miqwa ma chamtho aja kaplo hunga piq sha wat shi thong na khakla i?”

Acts 22:25 Referencias Cruzadas

Matthew 10:17

Honkamshat rong laq. Namshiq ka maiq raq shumraü kharü maq mikha. Raüta rung na mitiichap wan. Kiimaq tsangshiq raq namshiq ka sinagok thun maq sintsang maq mitsat.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Matthew 8:8

Kiijiishe siihiip we raq treto, “O shiilang we, ümniika i jam na wali ka thek mak. Ngi ka ümniima aran. Ümniiraq üm nü maq amingli tat laq. Kra riihaü jiili i lukhapse tsi ka mihiaki.

Acts 10:1

Sisiria chela na siti maiq weshi asi. Apaiq ka “Itali wa aki phen Rejiment,” kra pengti we phentuwe.

Acts 16:37

Shatmaq, Paul raq peta siihiipbi ma chongto, “Nainai ka jamlai shutphit min ahü shatmaq, rung na mungmaiqse makki na chongwai maq tiitsatto. Kra thaq niimin, nainai ka Roman hokham sengi chiisan maiqse! Shatmaq, tsangshiq raq nainai ka phaqtek mong na shaq baiqto. Riita, ümchaütiq sha tsangshiq raq nainai ka ahukse ma tiidong baiq dan tla! Kriika riimak! Roman siihiipbi raq tsangshiq maiqmii jaq maq nainai ara mitiidongki liina,” nguta Paul raq tsangshiq ma chongto.

Acts 22:26

Kra tairaütiishe siihiip we ka siihiipjong we phana wa raüta, “Ümniiraq ara jamlai wa riiholaü? Kriiwe ka Roman Hokham sengi nokti we ngu tlaq kata!” ngutiishe bom ka siihiip we ma chongto.

Acts 23:17

Kiijiishe Paul raq kiiwa phentubi wa weshi ka hea raüta, “Ara norii we ara siihiipjong we phana shea wan rong laq. Apaiq raq siihiipjong we ma tsütsa tiitai chang asi,” nguta tsangshiq ma bom ka tiitaito.

Acts 23:27

Jehudinok raq arwe ara lapho raüta atsea baiq dan she riito. Ngi raq apaiq ka Roman Hokham sengi nokti we nguta tailata phenlabi shea lata, tsangshiq jaqkhon mong wa tiichhii wan kang.

Acts 25:16

Shatmaq, ngi raq tsangshiq ma, naishiq Roman thungtri maq kha tangti we ka apaiq ma kha nyantibi rai mantut na tiinga raüta akhum tiichhii wan miitu akhing kuq raüta kha phokehü hü miika, ajaqti ma tiishaü kuqmai phan nguta bom ka chongkuq kang.

Acts 27:1

Riita naishiq ka Rom na wachang she nguta bomshat wantaq krai mren, tsangshiq raq Paul nai phaqtek na siti maiq shumwi kong wiijamti ka phentuwe Julias jaq na kiinong kuqto. Julias ka “Hokham we Rejiment” phentu pengti phong wa siihiip weshi riito.

Acts 27:3

Kiimaq napjai ranaiq naishiq ka Sidon chela na saü wan kai. Julias ka Paul ma mangchan asi riito. Krai mren, Paul ma jamlai phan wa rong raa tlaq, kra akongtitiim raq mikhrum kuq laq ngo maq, Paul ka akongtitiim rai riihum nai riibom riinyiim, ahai asea lam miili shea wanto.

Acts 27:43

Shatmaq, phentujong we raq, Paul ka tsatjiiq nguta apaiq tiichhii kewan miitu, phenlabi ma shumwi kong ka atsea raa mak nguta tiiwinto. Kra rii na, apaiq raq maiq ümchu riiwa jüwai atsin, kriiti thun ka kongkhu laijong maq kham na doq rong laq; lanta tareko kiina wai wan tlo ronglaq nguta aming kuqto.