Acts 20:23 - ASII LAKDAP Bible (BSI)

²³ Ara jamkhano chongtiikang ngukla, ngi ka ümriibano kiwa tiikang, kiijaq chelatek na, ngi ma shumraü kharü nai chamchao litkot rathaiq rahai ka tiijeshat maq thü wan li tlo nguta, ngi ma Asii Wenyi raq chongkuqtlo.

Hawa Naga Bible 2001

²³ Vsawc Siyac rueq ngaz kuex khvrc buinc taq vtueq nuiyc kuilc daz rvhumc juing rueq ngaz bvmc yaq, ngoz tueq ghaq ruip maq ngaz muex honc tvsvmz kuq yaq kvdvyx ngaz rueq tuiuz vshaungx.

Muklom

²³ I rangma chuk nia tahikham atha ta Asang Tsija eq thaji samhaq na nga ma bat taphang tha usam eq ang.

Acts 20:23 Referencias Cruzadas

Luke 16:28

Kriijaq i phu i notiim webiingi dea asi. Apaiq ka kiraüta, tsangshiq ka ara chamchao walü mong na dea wan mak chang miitu, tsii michong kuq kilaq. Tsangshiq siika mimi, atsai wan jai na, ara chamchao wamungtan na khiim wan mak chang miitu michong kuqki laq.’ ”

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Acts 18:5

Kiimaq Silas nai Timothi ka Mesidonia wang miishe kiijaq saü wan kiita sanha, Paul raq apaiq akhing ka wiita Jehudinok ma Jesuq kiidea Khristo nguta tiitho tiipha traho bom chongke niili she moto.

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 21:11

Apaiq ka naishiq phana kito. Raüta Paul raq achhü shat chang khea nin chü kra ajaq na sham raüta, ahok nai ajaq ka kha raüta, akha tiithaito, “Asii Wenyi raq akha chongtlo: Ara chhüshat chang kheanin chü pati we arka, Jerusalem na siti Jehudinok raq akha mikha baiq. Raüta Pongnok phan maiqse jaqkhon mong na mikuq baiq,” nguta riisham bom maq tiithaito.

Acts 21:33

Riita phentu jong we ka wa raüta, Paul ka lapto. Raüta phenlabi ma jinraü kharü anai maq tiikhato. Raütiishe apaiq raq, “Arwe ara juwa? Apaiq raq jamlai wa shiithen ta?” ngutiishe bom ka waito.

Acts 21:4

Kiijaq Tajar chela na naishiq raq phunainotiim wiijamti asi, kra rit laita hum kai. Laita tsangshiq rai chepat shi sithü damkai. Tsangshiq raq Asii Wenyi ningkun maq Paul nangnga Jerusalem na saüli ka naq kikiq li nguta atiiwin riito.

Acts 8:29

Asii Wenyi raq Philip ka, “Kra kumrang leng tho kiina kilaq. Laüta, apaiq thotho maq khumlaq,” nguta thaüto.

Acts 9:16

Kiimaq, apaiq ka ngi miitu, ümtinkhan chamchao chang wa, kra ngi raq apaiq ma mitiichhi kuqha.”

1 Thessalonians 3:3

Riita, naishiq raq apaiq ka namshiq phana tiiwakai, namshiq phong wa jumin, namshiq tiichamchaoti ma hai ma, jai na jangki nong man chang miitu tiiwakai. Akha chamchao litkot akhing, namshiq ma saü wan tlaq arka, Shiikeawe raq namshiq ma athiiq arwan, ahea miitu tiisaü tlo nguta, namshiq riimin la asap han.

1 Timothy 4:1

Shatmaq, rawiichii pat na maiq wiijamti raq tsangshiq kamtsantsii ka athaq mirbaiq nguta Asii Wenyi raq tsangriri hea maq chongkuq tlo. Tsangshiq raq arot winji bomchong nai thawe raq ashrinkuq manphan kiima mikam wan nguta chongtlo.

2 Timothy 2:12

Kiimaq nashiq raq phanrap chamchao, nin wan ruq maq siwan hai jiila, nashiq riimin, apaiq rai mung milang wan dam rong i. Kiimaq nashiq raq apaiq ka, Tatiwe riimak nguta tiishaü hai jiila, apaiq riimin, nashiq ka Khapho Ranaiq mitiishaü baiq.