Acts 2:24 - ASII LAKDAP Bible (BSI)

²⁴ Shatmaq, Shiikeawe raq apaiq ka amaa wa tiidong wanto. Shiikeawe raq apaiq ka atsai ningkun kharü mong wiishe daa wanto. Ara jamkhano chongtiikang ngukla, atsai ningkun kharü raq, Jesuq ka ümkhiiriita jiimin kha lot mak.

Hawa Naga Bible 2001

²⁴ Yuq muinz vthueyc vmvy luimc vkawc wawc vpiq kuex dawc vtueq Tishox rueq tvyuing tvtenc wvnc tueq, yvmx khoc lac ngoz ruiux lec vthueyc vmvy rueq vpiq kuex khvrc shauk gay lot muq.

Muklom

²⁴ Etharin Shkewa piq sha utik wang thalun ta etho utik tarong wang qhap ta; chammatakoi utik eq piq sha chukna tongtey mal jinqhak moq angta.

Acts 2:24 Referencias Cruzadas

Tvtsvmc 116:16

Ngi ka ümjaqshise, Tatiwe lei; ngi raq ümnaq shiikumpan tiikang, inyung raq shiikumpantaq ikha. Ümniiraq ngi atsai maakho wa tlun kuqlaü.

ISAIA 10:7

Shatmaq Asiria mungwa Ajong hokhamwe tsan mong niika pong ahang thütlo. Apaiq raq maiq mung thun pahea tiithenbaiq miitu kha atankun she.

ISAIA 25:8

Ajong Thaq na Ajong Pinthum Tatiwe raq atsai ningkun ka pattup pat-sa miitu she mitiithen baiq! Apaiq raq maiq loweatek theaphi wa makphai satlaq kra tiisiirai mitatkuq. Kiimaq asenginok raq mangjong tlot li na jeasi khatamshi howantaq thun kra wiita alam she mirbaiq. Arka Tatiwe apaiq raq ngutlo!

ISAIA 26:19

Naishiqnok maiq ümchuwa tsaitaq thun ka thongshi atra misi wan nong! Tsangshiq maa thun ka atra mija wan nong. Ümchuwa maakho na kontlaq thun ka, asam mirwan raüta chochikhiq mishinge. Bangkham chhainyii raq hiqraikhü trap tlaq ikha, Tatiwe raq rathup na atsaikiti thun ka, atra mitiisam wan nong.

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

Hosea 13:14

Tsangshiq ka wulum kho wa mikhot ha sha? khotki mang she! Atsai kharü mong wa mitiichhiikuq ha sha? Tiichhiikuq mang she! O, tsailam watu lei tsangshiq ka khiim phaq laq! Tsailam hiqbi kho lei, wulum mung kiina sheaholaq! Ngi raq tsangshiq ka mangchan mang she.

Matthew 27:63

Raüta apaiq ma akha chongto, “Mungtu we le, naishiq tsan na ümchaü man tiitsangshat. Kra arot we kaü kriiraq, apaiq ka atra sicho ji na, ‘Ngi ka ranaiq tsam jai maq ama wa atiidong mirwan nong’ nguta chongto.

John 10:18

Maiq raq jurmin i lang ka tiipit lot mak. Shatmaq, ngi raq i tsiitsii maq, i miisaq ka kiinong kuq baiq tiikang. I miisaq ka tan wan miitu arang ka ngi raq hotiikang. Kiimaq, i miisaq ara tiijang wan nong miitu arang kiimin, ngi raq holata sitiikang. Ara aming arka, i We raq ngi ma akuq.”

John 10:35

Nashiq raq asap i, Asii bomtsi na jamlai wa chong tlaq kriika, tengteng. Kra bomtsi ka ümtiikiimin klaiki mak phan. Kiimaq Shiikeawe raq apaiq asii bomtsi ka ümriiti mo chongkuqtaq, kriiti thun ka Shiikeawe shamsham ikha miraq nguta chong tlo.

John 12:39

Riita, ija, ara riisham bom chong thütaq arai mren she, tsangshiq raq Jesuq ma kamwan mak she dea riito. Ara jamkhano chong tiikai ngukla, Isaia raq hali, Shiikeawe manson ka tsangshiq khuthaq na anikai kun she nguta bom ka akha hali tiithai chongthü nongto:

John 20:9

Tsangshiq raq kra thun kra chhi wan jai min, Asii bomtsi na, apaiq ka amaa wa dong wan chang dongdii miraq nguta chong tlaq bomtsi kriika takmakli shatshat riito.

Acts 1:16

“Phunainotiim le, Asii bomtsi na Asii Wenyi raq Dawit lümaq Judas Iskariot miitu jamlai bom wa tiithaitaq kriika, ümchaü riikhaqli she kuwato. Judas ka siwe ma ja raüta, Jesuq ka tlapto.

Acts 13:30

Shatmaq, Shiikeawe raq apaiq ka amaa wa tiidong wan nongto.

Acts 13:37

Shatmaq, juwa Shiikeawe raq amaa wa tiidong wantaq, apaiq maa ka, maakho mong na tiinam baiq mak dea.

Acts 17:31

Ara jamkhano chongtla ngukla, apaiq raq mangjong maiqse kunli kha ka tingting maq phoke wan miitu akhing ranaiqshi ka atiihongthü wishe. Kriika, maiq weshi apaiq raq tsea raüta shongtaq, kriiwe lümaq mipho kuq. Riita, ara chongtlaq arka tengteng dea nguta, maiqse angu tarü ma hakhi tiichhike miitu, apaiq raq kriiwe ka amaa wa tiidong wanto!”

Acts 2:32

Riita, ija, ümchaü ka ara Jesuq arka amaa wa, Shiikeawe raq tiidong wanto she dea nguta, naishiq tarü raq asap hai kha maq, hakhi kuq tiikai.

Acts 3:15

Namshiq raq maiqse ma tsitsü raüchong tiichamketi we kriika, atsea riibaiq lan. Shatmaq, Shiikeawe raq apaiq ka amaa wiishe hali tiidong wan nongto. Kiimaq, apaiq ka amaa wa dong wantaq kra chhi wantibi hakhi ka naishiq sitiikai.

Acts 3:26

Riita, ara chongtiikai arai mren, Shiikeawe raq Akoli se ka shongto. Raüta, apaiq ka namshiq phana kongkhu tiikito. Ara tiikitaq arka, namshiq ma achu shiiman kekai tiikito. Kiimaq namshiq ka maiqmii ngarai lamphan kra miimbaiq thü lanta, Shiikeawe wokhong na tiijang shea kai nong miitu tiikito.”

Acts 4:10

Riita, ümchaü min namshiq tarü raq, Israilnok mungmaiqse tarü raq, ara bomtsi ara tiitsangdada sap ronglaq. Arwe arka thawe kharü mong wa, ümchaü phintsaqtsaq she, arot la arot she heakito. Raüta, ümchaü namshiq tarü makki na, phintsaqtsaq hea she chap raü chhi tlan. Ara heakitaq arka, namshiq raq atsatbaiq han, Najareth hiqti we Jesuq Khristo mang na ningkun asi; kriiwe ningkun maq heakito. Jesuq ka namshiq raq pumsongkham na tübaiq lanta tsatbaiq lan. Shatmaq, Shiikeawe raq apaiq ka amaa wiishe tiidong wanto.

Acts 5:30

Namshiq raq Jesuq ka pumsongkham na tübaiq lanta tsatbaiq lan. Shatmaq, natitiim Shiikeawe raq apaiq ka amaa wiishe tiidong wan nongto.

Romans 10:9

Ara chongkuq tiikai arai mren, ümniiraq ümnübok maq, Jesuq kriidea Tatiwe nguta, kiimaq Shiikeawe raq apaiq ka amaa wiidea tiidong wanto nguta, ümtsan mong maq kamwan laüta, nokwe man na linham linhok hakhi kuq haü jiila, ümkhum ka Shiikeawe raq mitiichhii kuq.

Romans 14:9

Ara jamkhano chongtiikang ngukla, Khristo ka tsaito. Raüta, amaa wa atra she dong wanto. Kra dong wantaq krai mren, ümchaü apaiq ka maiq atrati nai amaati khu thaq na Tatiwe sitlo.

Romans 4:24

Ara bomtsi waiqthütaq arka, nashiq miitu min riito. Arka nashiq phong wa, nashiq Tati Jesuq ka amaa wa tiidong wanti we, Shiikeawe apaiq ma kam tiikai, laita apaiq raq nashiq ka kechu maiqse she nguta ajam na tiidii wan tlaqti thun miitu riito.

Romans 6:4

Kiimaq nashiq raq khamlam wankai kra lümaq, nashiq ka apaiq rai khoshi na lap wan damto. Raüta apaiq pum na tsai wan dam kai she. Ara tsai wan dam kai arka, Khristo ka achhai anyii Awe ningkun maq amaa wa jamkho tiidong wantaq kiikhiisii hali nashiq riimin rilung anye she lap wan laita siwan miitu tsaidam kai.

Romans 8:11

Riita, ara chong tiikai arai mren, Shiikeawe Asii Wenyi, Jesuq ka amaa wa tiidong wanti we kra, namshiq khum na sitlaq jiika, Shiikeawe apaiq riisii hali, Khristo ka amaa wa tiidong wantaq kiikhiisii, namshiq han-ngam ariim kai chang kiimiimin, tsitsü rilung she mithü kuq wan. Arka namshiq khum na Shiikeawe Asii Wenyi sitlaq kra ningkun lümaq mikuq wan.

Romans 8:34

Riita, tsangshiq shra wanti ka jushe wa sitla? Ahü she! Ümchaü ka jumin ahü she. Nashiq khupi ma tsaiti we, raüta amaa wa dong wanti we, Jesuq Khristo ka ümchaü sanha, Shiikeawe rai adam na, Shiikeawe ngatlaq kiijaq, jaqtsi nü na nga raüta, Shiikeawe man na, nashiq ara tiikhup wongke miitu, kiimwe ma jatlo!

1 Corinthians 15:12

Riita ümchaü chong tiikai krai mren, naishiq raq namshiq ma Khristo ka amaa wa atra she dong wanto nguta chong kuq kai ihata. Shatmaq namshiq phong wa, maiq wiijamti raq maiq ka amaa wa atra dong wan lot mak she miraq ngutiika jamkho ngutlan?

1 Corinthians 15:15

Kriithaq niimin, nashiq arka Shiikeawe trotkiq wantibi kong miishe mitaiki. Ara jamkhano ngukla, naishiq riili, Shiikeawe raq Khristo ka amaa wa atra she tiidong wanto nguta chongkuq tiikai ahata. Shatmaq maiqse ka amaa wa atra tiidong wan mak she dea jiika, Shiikeawe raq Khristo kiimin amaa wa tiidong wan mak dea ngushat.

1 Corinthians 15:20

Shatmaq riikhaqli tengteng bomtsi ka ara: Khristo ka amaa wa tiidong wanto she. Krai mren, apaiq ma kamwanti maiq ümchuwa atsai riiwan tlaq, kriiti thun tarü ka atra midong wan nong ngushat she. Arka mongngam maq kamwan miitu hakhi raü tu she.

1 Corinthians 15:4

Ara Asii bomtsi na waiq thütaq kra phan phan, apaiq ka amaa lap thüto. Kiimaq apaiq ka amaa wa ranaiqtsam jai maq, atra she tiidong wanto nguta Asii bomtsi na chong tlo.

1 Corinthians 6:14

Shiikeawe raq TATIWE ka amaa wa tiidong wanto she. Krai mren, apaiq raq nashiq armin apaiq ningkun ajong rüm tlaq kriimaq amaa wa mitiidong wan.

2 Corinthians 4:14

Shiikeawe raq Tati Jesuq ka amaa wa tiidong wanto nguta nashiq raq asap i. Kiimaq Shiikeawe raq Jesuq ka jamkho amaa wa tiidong wantaq kiikhiisii hali, nashiq armin amaa wa mitiidong wan nguta asap i. Raütiishe apaiq raq nashiq tarü adam na, Jesuq rai siwan miitu mishea wan.

Galatians 1:1

Ngi, Paul raq, apaiq ka kiimwe ma shongtaq kra maiqse raq ashong riimak riimakla maiqse lümaq ashong riimak. Shatmaq, Jesuq Khristo kiimaq Awe Shiikeawe raq, Jesuq ka ama wa tiidong wanti we raq ashong.

Ephesians 1:20

Shiikeawe apaiq raq, Jesuq Khristo ka amaa wa tiidong wanto. Raütiishe, Jesuq Khristo ka Shiikeawe raq Ramungtan na, apaiq ma jaqtsi nü na ngachang ngacho thüshat, kiijiishe tiinga wanto.

Colossians 2:12

Ara jamkhano chongtiikang ngukla, namshiq raq ümtiikiiwa kham lam wan lan, kra akhing na namshiq ka Khristo rai maakho chiimshi na lap baiqto. Kiimaq kham lam lan na, namshiq ka Khristo ma namshiq kamtsantsii thü wan lan kra lümaq, amaa arki ikhiiwa tiidong wanto. Kriika Shiikeawe atra ningkun raq, Khristo ka amaa wa jamkho tiidong wantaq kiikhiisii hali tiidong wanto.

1 Thessalonians 1:10

Kiimahali, Ase ramungtan maq kitlaq We saükai khe ka, maklii khamthii maq khe lanta sitlan. Ase ka Jesuq Khristo, Shiikeawe Apaiq raq amaa wa atiijang wan we. Kiimaq apaiq ka nashiq ara, Shiikeawe tsankhiq manson walü saüho tlaq mong wa Chhii wanti we.

Hebrews 13:20

Shiikeawe raq nashiq Tati Jesuq ka amaa wa tiidong wanto. Apaiq ka skukong Rümti Ajong Pinthum. Arka apaiq miisaq honglu na kuq raüta tsaito kriikha maq jawanto. Kra tsaitaq kra maq pattup pat-sa tongshong kra atiijai maq nei wanto. Raüta sil maq san wanto. Riita hansang Shiikeawe raq namshiq ma namshiq raq apaiq raq rotlaq kra phan phan athuk atsom jaqsham wan miitu phanrap ahea awa phan rong raa tlaq kra namshiq ma asho awo michom rom kuqlaq. Kiimaq apaiq raq Jesuq Khristo lümaq, nashiq khum na apaiq tiichochi chang jaqsham thun kra mishamlaq. Kiimaq Khristo miituli khushü chhainyii jonglu kra pattup pat-sa misilaq! Amen.

Hebrews 2:14

Riita, Shiikeawe raq tsangshiq ka asetiim she nguta awura maq tiiham wanto. Tsangshiq ka mangjong maiqse tiijai han-ngam khum na siti siisaq. Kra ningkhan, Jesuq apaiq kiimin tsangshiq jamkho tiijai han-ngam khum na sitlaq, kiikhiisii hali maiqse khum na poki raüta, tsangshiq kiikha shamshi ngamshi siwan damto. Apaiq raq ara maiqse han-ngam khum na pokitaq arka, Thawe raq maiqse angu kra, atsai ningkun kharü maq kha raüta rüm tlaq kiiwa, apaiq tsaitaq kra lümaq Thawe ningkun tu kra, tiibun baiq kai miitu pokito.

1 Peter 1:21

Riita, apaiq pum lümiishe namshiq raq Shiikeawe ma kamwan lan. Apaiq ka Shiikeawe raq amaa wa tiidong wanto she. Raüta apaiq ma Shiikeawe raq achhai anyii khushü jonghea kuqto she. Krai mren, namshiq raq kamtsantsii thü tlan kriika, Shiikeawe raq mikuq dongdii. Kriika poiki mak she.

Revelation 1:18

Ngi ka atra sitiwe! Ngi ka amaa wa shatmaq, ümchaü ka pattup pat-sa miitu atrali she misiha. Amaati nai wulum mung na siti ka, i jaqkhon mong niishe.