Acts 19:19 - ASII LAKDAP Bible (BSI)

¹⁹ Maiq pahea raq kra akhing na awuq along, mintin loqle klo chang nai tei awiq tlang chang, kiimaq langlii chang lakdap thun kra nokwe makki na, keathung na lam wan raüta, wa na chaq baiqto. Kra chaq baiq wantaq lakdap thun thii kra wea wan raüta liikiita, kampho kamsii hingroq biingi rii saüto.

Hawa Naga Bible 2001

¹⁹ Mantan yauk shuimc jix paunghvlc rueq muinz tsuingshiq luik dvp htenc kuex lvmz wvnc vtueq nuk waz htumc nuex wvr nuex jauk gay tueq. Kvruex luik dvp vhtawz kuex wvl koq tueq kuimphox sawx munc bv-ngac tanc rvtueq.

Muklom

¹⁹ Ahan miqtang bara mantan takhitey, ning aa mantan likdap tha som kat eq miqtang jakho tho takchakta. Eshi likdap thang tha wet ajo hayat rokbanga ching nginsa tan angta.

Acts 19:19 Referencias Cruzadas

RAPHA HIQWA LAK 35:4

Kiimaq tsangshiq raq Jakob ma tsangshiq jaq na pongmungti sumla phra thun ka wiita kuqto. Kiimaq tsangshiq raq titlaq niti thun kriimin kuqto. Apaiq raq kriithun ka Shekhem chela tho na Ok pechong tong na hiq na lapbaiqto.

1 KAÜWA WERAÜ 10:13

Saul ka Tatiwe man na ashut klowan kha na tsaito. Apaiq raq Tatiwe aming thun jin wanto. Kiimaq apaiq raq hon atsii ka maaji ma waiwan lili riito.

2 KAÜWA WERAÜ 33:6

Kiimaq apaiq riika asetiim min Hinnom Jüwii thung na wiipumtam maq wa na chaqtlii honglu na takuqto. Kiimaq apaiq raq along alea kloti mintin loqle kloti jaq tliiti, kiimaq wulum sheakaiti thun rai lang tlii wanto. Apaiq raq Tatiwe makki na ngarai henghea tangto. Raüta apaiq tsankhiq walü shaüto.

DUNGWVNC 32:20

Raüta tsangshiq raq alo saüla pongse sumla kra apaiq raq dopot riito. Raüta wa na tiijo baiqto. Raüta awinsetiim ma tiija baiqto. Raüta kra win ka kham rai shotto. Raüta Israilnok mungmaiqse ma tiinyangto.

DUNGWVNC 7:11

Kiijiishe hokhamwe raq asenginok taksu maiqsetiim nai mintin klotibi thun ka tiihea kito. Kiimaq tsangshiq raq mintin klo raüta kiikhiisii kloto.

DUNGWVNC 7:22

Kiijiishe hokhamwe sengi mintin klotibi raq tsangshiq mintin klo raüta kiikhiisii kham ka tiijai ma tiijato. Kiimaq hokhamwe ka kongkhuji na jamkho kiikha wanshak shak, akhiismin riilap makli riito. Tatiwe raq chongtaq kra phan phan, hokhamwe raq Mosheq nai Aron bom ka taimak ngiimra li riito.

ISAIA 30:22

Namshiq raq namshiq sumla phong, kampho ngam maq alo thun kiimaq chaq ngam maq alo thun sumla phong kra lamho lantea, ashe ashi phan hupsam tiijobaiq tlan ikha, tiihong lantea agi lam maq, “Imakki wa tiibinlaq!” nguta midobaiqhan.

ISAIA 8:19

Shatmaq maiq raq namshiq ka maiqjaq liitibi kiimaq wulum rai riibomti tha shammibi raq thatam raüta riisham bom chongtlaq kriiti phana riisham bom tiiwaikai mitiiki kiiphanjo. Tsangshiq raq, “Maiqse ngutlaq ka tewe shammibi nai peta loqlebi phaniika kaichang dongdii. Raüta maiqse atrati miitu maji bomchong kriika taichang,” nguta mingu.

DANIEL 2:2

Kriikha niishe apaiq raq asengi maiqjaq liitibi, mintin kloti, maiqwuqtibi, kiimaq along liitibi thun ka waraüta apaiq rawa ma liichum ka michongkuq laq nguta tiiheakito. Krai mren tsangshiq ka saüwa raüta hokhamwe man na chapto.

LEWI 13:52

Ramwe raq kra hupsam ka wa na michaqbaiq. Jamkhano ngukla kriika thathaü raq along wan kun she. Kra ningkhan kra hupsam ka wa na chaqbaiq raa dongdii she.

Luke 14:33

Ikiikhiisii hali, namshiq phong wa juli jiimin, maiqmii raq jamlai wa rümtlan, kra thumthum miimthü man wiiwii, i jaqshise ma jawanlot man.”

Luke 15:8

“Riita, kiimahali, bom shiiton ngu i. Jechak nyung ashi jaq niika kampho kamsii roqshi asi miraq. Kriiwa, kamsii ashi ka atiimo miraq. Raüla, apaiq raq jamlai wa miraq? Apaiq raq lem ka mitiinii. Raüta, ajam tapmong thun kra achhü miraq. Raüta kra kamsii kra mihum shaq wiiwii, tiitho tiipha, shokchhum nochhum she mirit.

Acts 13:6

Tsangshiq ka khamjong mung hiq kra konü siim na Paphos chela sitlaq kiina leaphok jojuju wawanto. Kiijaq tsangshiq raq mintin we ashi riihumto. Apaiq ka Jehudinok phan. Apaiq mang ka Bar Jesuq. Apaiq ka arot shammi we.

Acts 13:8

Shatmaq, tsangshiq bomchong ka mintin we Elmas (Bar Jesuq ka Grik mang maq Elmas ngutlo) raq wanghupti we ka Jesuq ma kamwan wa shang baiq hajaq nguta tiibanbito.

Acts 19:18

Kra chhi raütiishe phunainotiim phong wa maiq pahea raq, tsangshiq raq kiikhiinok ngarai tang wantaq thun kra, wiita nokwe man na linham linhok mra tiidii wanto.

Hebrews 10:34

Namshiq ka phaqtek mong na chamchaoti rai adam chamchao wan lan ihata. Kiimaq maiq raq namshiq hup asam thun ka, wiita runho raüta lamhotaq akhing niimin, namshiq raq kra sumrum lan thun ka aninli riiwan lan ihata. Kiimaq tsaiji tran man maq, chochi khiq li silan ihata. Jamkhano chochi lan ngukla, namshiq raq asap han, Shiikeawe raq namshiq ma jamlai wa mikuqha nguta kiqkham kuqtaq kriika, tsiiq nai nyam sum lan kra thaq niimin rahea phan. Kriika, namshiq jaq na asi she. Kriika pattup pat-sa hupsam nguta asap han.