Acts 17:13 - ASII LAKDAP Bible (BSI)

¹³ Shatmaq, Thesalonia na siti Jehudinok raq Paul ka Berea niimin Shiikeawe bomtsi ka chongkuq hoto nguta tsütsa ka tai raüta, tsangshiq raq kiijaq hali kinong raüta, mungmaiqse ka shukshaq wan raüta, tiishai baiq nongto. Raüta tatso hali niq nongto.

Hawa Naga Bible 2001

¹³ Yuq muinz Berea ghaq nuex Polu rueq Tishox bomjungc kuex jungphvnx tvluing kuq yaq lvmz kuex Thesaloni ghaq jix Yuda miqsaz rueq tay vtueq, kvruex ghaq kvyuq tsuingshiq kaz vtueq miq htenc kuex puingpenx laz juing tvshonx wvnc tueq.

Muklom

¹³ Etharin Thessalonica wang Jehudi miqtang aa Paul Berea samhaq náng thu eq Shkewa raaq bat aa ta tat atho, ning eshináng thu eq miqtang tin tha takey ta etho ning tha polrik ta.

Acts 17:13 Referencias Cruzadas

1 HOKHVMX 21:25

(Tatiwe makki na Ahab raq arilung kiinongtlii raüta abi pinthum ngarai klo wantaq kiikha klo wanti maiq ahin ka jumin ahü. Arthun klo wantaq arka tsangnyung Jejebel raq thaü tlaq kra phan phan siisaq klo wanto.

TAKSU LAK 15:18

Ralangse niili mokhiqkaiti raq tatso niqtlo; shatmaq phanrap na anin raüta siti riika, tatso chang wa achhii riihotlo.

TAKSU LAK 28:25

Sükhaheati riika, tatso pahea tiidongtlo. Shatmaq Tatiwe ma, kam raüta sitlaqti ka, chiithe ma mitiija.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Luke 12:51

Namshiq raq ngi ka, mangjong hiq na mung tiitsingkai aki ngutiisha tiima tlan? Riimak. Mung tiitsing kai akiha ka riimak. Shatmaq, atriiphea kai kikang.

Acts 14:2

Shatmaq, Jehudinok phong wa maiq wiijamti Jesuq ma kamwan makti raq, Pongnok phan maiqse ma raikao tat raüta, phungmaiqsetiim khuthaq na tiishuk shaqto.

Acts 17:1

Paul nai Silas ka Amphipolis nai Apolonia chela lam maq wawan raüta, Thesalonia chela niishe saü wanto. Kiijaq sinagok ashi asi riito.

Acts 17:10

Kra rajili she, ranyaqto angu niishe, phunainotiim raq Paul nai Silas ka Berea chela niishe sheathü kito. Riita tsangshiq ka Berea na saü wan raüta, sinagok na kito.

Acts 17:5

Shatmaq, Jehudinok raq kra chhi raüta, Paul nai Silas ma ransu ranchang she khiq wanto. Tsangshiq makshu tsi ka nin lot mak she kha maq, tsangshiq raq mangtang maiqse kong pahea pantlat na haiseati kong kra thun ka adam na tiithung raütiishe, tsangshiq min nong shnong miishe, tatso wiinyi makjaq kharong riinam nam she gitrang wanto. Tsangshiq raq chela na siti mungmaiqse thun wiita she tiibrak shaq baiqto. Raüta, Paul nai Silas ka lap raüta, mungmaiqse rung na tiichap wan haijaq nguta, tsangnai rit lam maq, maiq weshi amang min Jason nguta kriiwe jam kriishe long wanto.

Acts 20:4

Apaiq rai kai damti kongtibi thun ka Pairihas se Sopatar riito. Apaiq ka Berea chelati. Kiimaq Thesalonia chela wiika Aristarkas nai Sekundas kidamto. Darbi chela wiika Gaias kidamto. Apaiq rai ka Timothi min kidamto. Kiimaq, Asea wang wiika Tikikas nai Trophimas kidamto.

Acts 21:27

Shatmaq, kra apii ramiishi haitaq kra athum wan nini niishe, Asia wang wa aki, Jehudinok maiq wiijamti raq Paul ka Shomjam mong na chhito. Kra chhi raütiishe tsangshiq raq mungmaiqse wiita ka riisii she tiishai baiqto. Raüta Paul ka rangho tlii maq laphoto.

Acts 6:12

Tsangshiq raq akha lule klo raüta, mungmaiqse, welabi kiimaq Thungtri shrabi thun kra tiishai baiqto. Raüta, tsangshiq raq Stephen ka lap raüta, Rung na hit wanto.

2 Corinthians 11:26

Ngi ümtinkhan wa, Shiikeawe jaqsham nguta khum wan kang na, jang pahea jüchhang lamtang mong maq lea wan kang. Kiimaq thiimeaq daku rai riihum wan kang. Kiimaq maiqmii nok Jehudinok raq, kiimaq Pongnok phan maiqse raq ümtinkhan wa, atsea ataa ma tankhan wanto. Kiimaq ümtinkhan wa, tsaija chhunja tiichamchao wanto. Lea wan kang akhing na, chela rap na, rum-nyangkhi na, kiimaq sammoktra jü thaq maq, kiimaq joksaü liiqse kongtibi jaq na, ngi ümtinkhan wa riitsi tsaitsiiq, chamchao litkot wa mong maq lea wan kang.