Acts 16:19 - ASII LAKDAP Bible (BSI)

¹⁹ Kra tha jobaiq tho kra heraütiishe, atijong wetiim raq tsangshiq ma piikii lam ka sukbaiqto she nguta tak raütiishe, tsangshiq raq Paul nai Silas ka khaho tlii, nokwe raq rangho raüta, mungmaiqse khapho chang phowebi rung kiiniishe hit wanto.

Hawa Naga Bible 2001

¹⁹ Yalxjuik nyuiuz kvruex mac jiyungx yaungc jix hez rueq miqmac muex kuimphox lvp juing lvmx tuing kuq yaq kuex tuiuz vtueq, Polu nuiyc Sila kuex lvp ruiux vrangx vpangx vhttax jix kox nuex shvlx wvnc tueq.

Muklom

¹⁹ Iri miqnu tangtey tang they ning aa ngin kapching ahung sey ta bat eq, ning aa Paul nia Silas tha lo eq tangwang shangching na authority miqtang relnáng hum katta.

Acts 16:19 Referencias Cruzadas

DANIEL 6:12

Krai mren tsangshiq tarü ka kongshi maq hokhamwe phana Daniel shokwa wawanto. Raüta tsangshiq raq nguto, “Chaü lei, ümniiraq raroqtsam liipan na ümnaq tlea raüta, jurwa laihin phra tiikea jaq wa achu jaü jiiq, lo riimak la, maiq jaq wa achu jaü jiiq, kriiti ka hangsi kong sichang khobok mong kiijaq tiidea baiq raa,” nguta aming suhi laü ihata. Kiijiishe, “Tengto. Tri atsin maq aming akuq wan asi. Kriika Medi mung na nai Parsia mung na akhek tri raütu ashi she. Kriika jurmin klailot mak,” nguta Hokhamwe raq treto.

Matthew 24:9

“Kra akhing she saü wan raüla, maiqse raq namshiq ka alap mirwan. Raüta namshiq ka mitiichamchao kiimaq atsea mirbaiq. Namshiq ka i sengi ma jawan tlan kriikha maq maiqphan angu wiita raq namshiq ka ashu ashe mirwan.

Mark 13:9

“Arkha maq, namshiq ka honkamshat maq shongnga rong laq. Namshiq ka maiq raq alap miwan kiiphan. Raüta, rung na mihit wan. Namshiq ka sinagok maq atea miraq. Namshiq ka mung welabi nai hokhambi man na, i mang miitu rung na mitiichap. Tsangshiq rung phong na, namshiq raq Tsütsa Ahea kra michong kuq han.

Acts 14:19

Kra akhing na, Pisidia wang wa Antiok chela na siti nai Ikoniam chela na siti Jehudinok maiq wiijamti raq, Paul nai Barnabas ka kiijaq hali johoto nongto. Raüta, tsangshiq raq mungmaiqse ka tsangshiq bom niishe hali shiijon nongto. Raütiishe, tsangshiq raq Paul ka long maq tiitiiq baiqto. Raüta apaiq ka tsaikito she sham nguta tiima raüta, chela phai niishe hitthü baiq kito.

Acts 14:5

Kiijiishe sanha, Pongnok phan maiqse wiijamti nai Jehudinok ka adam na kiqshi miishe ri wan raüta, tsangshiq nok welabi rai she riichongto. Raüta, kiimwe nai kriika atsea baiq chang, kiimaq long maq tiiqbaiq chang ngutiishe bom ka riiphoto.

Acts 15:22

Kra riichongtaq krai mren she, kiimwebi nai maiqlare ka phungtuti tlotli rai adam maq kiqri raütiishe, tsangshiq phong wa maiq wiijamti kra tsea raüta, Paul nai Barnabas rai Antiok phungtuti rai riihum wa chang miraq ngutiishe, bom ka shatto. Krai mren she, tsangshiq kamasham maiqse wiitarü raq shreng tlaq maiqla wenai kriishe tseato. Tsangnai wenai wa weshi mang ka Barsabas. Apaiq ka Judas ngutiimin ngutlo. Kiimaq weshi mang ka Silas. Apaiq kriiri tseato.

Acts 15:26

Tsangnai ka atsai ma kham raüta Tati Jesuq Khristo jaqshamti jaqshi senai.

Acts 15:40

Kiimaq Paul riika, Silas kra shea wan raütiishe, traho wa wanhiq na wawanto. Phunainotiim raq tsangshiq kongnai wiita ka Tati kaphap wokhong na kiinong kuq raüta, Shiikeawe jaqsham wa miitu tiiwa nongto.

Acts 16:16

Ranaiq shi naishiq ka kra achu jaü chang ba kiina akai rai riikai. Kra akhing bala abi winji raq arom wan dise jechakse ashi ka, naishiq rai lam maq riihumto. Apaiq ka thawe shammi langliiti. Langlii raüta rawii shiqwii ji na jamlai phan mrong mra pin wan chang wa sitlaq, kra tiithaimai chongphan kewanti nyung riito. Apaiq raq kiikha lang liikuq raüta, atijong wetiim ma shammi jaq maq kampho pahea lapkuq wanto.

Acts 16:20

Raüta, tsangshiq raq tsangnai ka Roman siihiipbi khaki na sheaho raüta, tsangnai ka, “Arwetiim arka Jehudinok phan. Tsangshiq raq nashiq chela na mungmaiqse ka wiita she tiimrurang hoto.

Acts 16:25

Shatmaq, rawa, wathung wakham na, Paul nai Silas ka achu jaü, kiimaq ashi ange Shiikeawe tiitsam kam sea she riito. Kiimaq kiijaq phaqtek mong na sitibi shumwi ahinti thun kra riika, tsangnai raq achu jaü nai ashi ange shinge tlaq kra taisea riito.

Acts 16:29

Kiijiishe phaqtek kheti we raq wa tiinü kuq rong laq nguta chongto. Raüta, Paul nai Silas phana atam alam miishe ju raüta, tsangnai khaki na bumtlii maq, ahok ajaq tiikhai rokrok she, ahaisi phiip raq atsai bumkito.

Acts 17:6

Shatmaq, tsangshiq raq tsangnai ka hum mak dea riito. Kriikha miishe, jamchongti we Jason nai phunainotiim wiijamti ka krun krun she hit-ho raüta, kra chela hupkhang wanti welabi man na hithoto. Raüta, “Arwetiim raq barap binrii na mung wiita brak shaq baiq wanto! Raüta ümchaü ka nashiq chela niishe saü wato.

Acts 21:30

Kra tatso mrurang brak wan bom ka chela mong na wiita nyam wanto. Kiimaq mungmaiqse ka khutaü maitaü ikhiishe, adam na jutrang wanto. Raüta, Paul ka ranghoto. Raüta apaiq ka Shomjam mong wa kinphai na krun krun she hithoto. Kiimaq thakthit laqthit she Shomjam kilü thun ka shaq baiqto.

Acts 8:3

Shatmaq Saul riika Phungtu kra shiithen baiqla nguta pinthum srurii heng wanto. Krai mren, apaiq raq Phungmaiqsetiim ka jamshi wa rithoho raüta, jechak maiqwe alap ho nguli raüta, tsangshiq ka phaqtek mong na shaqto.

Acts 9:16

Kiimaq, apaiq ka ngi miitu, ümtinkhan chamchao chang wa, kra ngi raq apaiq ma mitiichhi kuqha.”

2 Corinthians 6:5

Naishiq raq maiqmo pahea howan kai; phaqtek mong na shaq wanto; kiimaq nokwe raq longliiq wanto; naishiq achan ana jaqsham nü wan kai; rawa konhü maq, amang ale maq pahea lea wankai.

Philippians 1:30

Riita ümchaü namshiq ka ngi rai adam chamchao dam tlan krai mren, ümchaü ka namshiq raq ngi rai reraü shi miishe rekhat wan dam tlan. Arka man na namshiq raq, ngi ka rekhat chhi lan irli. Riita, ümchaü namshiq raq tsütsa ka taitlan, ngi raq kra rekhat ka ümchaü min khat wan ruq li khat tiikang nguta. Kra taitlan rekhat ka, ümchaü min khat wan ruq khat tiikang.

1 Thessalonians 2:2

Naishiq ka namshiq phana, Thesalonia chela na misaü wan hai shaq niiphü, Philipia chela maq, Tsütsa Ahea chongke wan kha na, maiqse raq pinthum ngeng raüta, tiitsü ngii wanto, kiimaq shummiito, kra tsütsa ka namshiq raq atai wishe dongdii riilan. Kiimaq naishiq ka namshiq phana saü wan kai akhing niimin, Tsütsa Ahea chongke lam kra tangtati, maiq ka pahea asi riito. Li jiimin, Shiikeawe raq naishiq ma ningkun kewan kha maq, Tsütsa Ahea Shiikeawe apaiq nübok wa adong bomtsi kra, namshiq ma chongkuqkai.

1 Timothy 6:10

Ara jamkhano chongtiikang ngukla, tsiiq nai nyam ma sükha tsii raq, maiqse ka phanrap abi lam phan nü na shea ho tlo. Phungmaiqse wa maiq wiijamti ka, tsiiq anyam ma sühea kha maq, kampho apapa lap hai jaq nguta, tsiiq anyam ritlai anguli she, Shiikeawe lamphan wa, lamjiq nü niishe kiho wito. Raüta, rokngoq riingoq chamchao chapa riihum raüta, tiishudaq tlo.

James 2:6

Namshiq riitiq nya, miitsan maiqse angu ka, ashummii riiho! Rung awang na namshiq hit-rottibi thun ka juwiita? Chiithe maiqse raq riimak sha!