Acts 15:22 - ASII LAKDAP Bible (BSI)

²² Kra riichongtaq krai mren she, kiimwebi nai maiqlare ka phungtuti tlotli rai adam maq kiqri raütiishe, tsangshiq phong wa maiq wiijamti kra tsea raüta, Paul nai Barnabas rai Antiok phungtuti rai riihum wa chang miraq ngutiishe, bom ka shatto. Krai mren she, tsangshiq kamasham maiqse wiitarü raq shreng tlaq maiqla wenai kriishe tseato. Tsangnai wenai wa weshi mang ka Barsabas. Apaiq ka Judas ngutiimin ngutlo. Kiimaq weshi mang ka Silas. Apaiq kriiri tseato.

Hawa Naga Bible 2001

²² Kvkaq kamx waz hez, phungc walaungx bix nuiyc phungc miqsaz htenc rueq miq thvl vtueq Polu nuiyc Barnaba rulc vroc Antiok ghaq nuex tvwaungc naungc tvkoc bomc tvsuip wuez tueq, tsuingshiq kvmluimx jix miqsaz rueq pinhtumc tvtsanc nganc yaq Barsaba ngoz yaq Yuda nuiyc Sila kuex thvl tueq.

Muklom

²² Req Apostle tang nia miqlang tang aa mondoli miqtang jamoq, kara eq ning wang chamtey miq tal eq Barnabas nia Paul jamoq Antioch náng takat ma tathin ta. Ning aa ning wang solwa ani tha talta; ningni Judas bara Barsabbas ta hal aa etho Silas tha angta.

Acts 15:22 Referencias Cruzadas

2 SAMUEL 3:36

Tsangshiq raq arka tsan na atsidada maq tiitsang thüto. Kiimaq tsangshiq ka mit-sitoli chhaq riito. Hokhamwe raq kra ranaiq phanrap klo wantaq kriika mungmaiqse riimin thukto dea nguta mit-si mit-saq siisaq riito.

2 KAÜWA WERAÜ 30:12

Kiimaq Shiikeawe ka Juda mung na jaqsham shat riito. Raüta mungmaiqse tsan tsü ka kiqshi tsiimshi ma tiija kuqto. Raüta hokhamwe nai asengi ajong alabi aming ka langwan miitu tsangshiq tsantsii ka tiichhii kuqto.

2 KAÜWA WERAÜ 30:4

Hokhamwe nai mungmaiqse ka tsangshiq raq sürii wantaq kra miitu khoqriiq shishiiq riito.

Acts 1:23

Kra riichongtaq krai mren, tsangshiq raq maiq wenai mang shiikapto. Tsangnai wenai mang ka ara: Weshi mang ka Joseph. Apaiq ka Barsabas ngutiimin ngutlo. (Apaiq mang ka Jastas ngutiimin ngutlo). Kiimaq weshi mang ka Matthias.

Acts 11:19

Stephen tsat baiqtaq akhing chamchao lak na kamasham maiqsetiim tiipin jintaq lak wa, maiq wiijamti ka Phonesia wang na, Saipras mung na, kiimaq Antiok chela thun na, Tati Jesuq tsütsa ka Jehudinok phan miili chongkuq wan wan wawanto.

Acts 11:20

Shatmaq, Saipras mung nai Sairini mung wa kamasham maiqsetiim wiijamti riika, Antiok chela na wawan raüta, Tati Jesuq manphan Tsütsa Ahea kra Pongnok phan maiqsetiim miimin chongkuqto.

Acts 11:22

Kiimaq ara tsangshiq tsütsa arka Jerusalem na siti phungtuti ni niishe saüto. Kra tai raütiishe, tsangshiq raq Barnabas ka Antiok chela na tiiwato.

Acts 11:27

Kra akhing bala niisii hali, Jerusalem wa shammibi wiijamti ka Antiok chela na wato.

Acts 15:23

Raüta tsangshiq raq ara lak ara Antiok na siti phungmaiqsetiim ma waiqto. Raüta Judas nai Silas ma tiiho wanto. Lak ka akha waiqto: “Naishiq kiimwebi nai maiqlare, namshiq ma phunainotiim raq, namshiq Pongnok phan maiqse lungwii phunainotiim, Antiok chela na kiimaq Siria nai Silisia wang na siti tlotli ma salam bomtsi tiitai wan tiikai.

Acts 15:25

Kriikha miishe, naishiq tarü ka adam maq kiqri laitiishe, namshiq ma tsütsa kra chongke wa miitu maiq she tsea kai. Laita tsangshiq ka ara lungwii phuno wenai Barnabas nai Paul rai kongshi miishe tiiwa dam tiikai.

Acts 15:27

Riita, ija ümchaü min, ara chong tiikai arai mren, naishiq raq namshiq phana Judas nai Silas ka tiiwa tiikai. Tsangnai raq namshiq ma mantut na nga raüta, ara lak na waiq wan kai bom raü thun kra michong kuq.

Acts 15:3

Tsangshiq ka phungtuti raq tiikito. Tsangshiq ka akai lam maq, Phonesia nai Samaria wang lam maq kihoto. Kiimaq tsangshiq ma Pongnok phan raq Shiikeawe ma kamwantaq tsütsa kra tiitai chongkuq hoto. Kra tsütsa ka tairaüta, phunainotiim kunli ka kai khoqriiqto.

Acts 15:30

Krai mren she, kra lak kewatibi ka Antiok na wawanto. Raüta Antiok chela na saüto. Raütiishe, kiijaq siti phungtuti ka tarü, adam na triitam heato. Raüta kra lak ka tsangshiq jaq na kuqto.

Acts 15:32

Kiimaq Judas nai Silas tsangnai wenai kiimin shammi sii riito. Krai mren, tsangnai ka tsangshiq rai rahiq ashaqpuq sithü damto. Raüta, tsangshiq ma kamasham na tsaido jido ningkun shoqke wan bomtsi pahea chongphan kuqto.

Acts 15:40

Kiimaq Paul riika, Silas kra shea wan raütiishe, traho wa wanhiq na wawanto. Phunainotiim raq tsangshiq kongnai wiita ka Tati kaphap wokhong na kiinong kuq raüta, Shiikeawe jaqsham wa miitu tiiwa nongto.

Acts 16:19

Kra tha jobaiq tho kra heraütiishe, atijong wetiim raq tsangshiq ma piikii lam ka sukbaiqto she nguta tak raütiishe, tsangshiq raq Paul nai Silas ka khaho tlii, nokwe raq rangho raüta, mungmaiqse khapho chang phowebi rung kiiniishe hit wanto.

Acts 16:25

Shatmaq, rawa, wathung wakham na, Paul nai Silas ka achu jaü, kiimaq ashi ange Shiikeawe tiitsam kam sea she riito. Kiimaq kiijaq phaqtek mong na sitibi shumwi ahinti thun kra riika, tsangnai raq achu jaü nai ashi ange shinge tlaq kra taisea riito.

Acts 16:29

Kiijiishe phaqtek kheti we raq wa tiinü kuq rong laq nguta chongto. Raüta, Paul nai Silas phana atam alam miishe ju raüta, tsangnai khaki na bumtlii maq, ahok ajaq tiikhai rokrok she, ahaisi phiip raq atsai bumkito.

Acts 17:10

Kra rajili she, ranyaqto angu niishe, phunainotiim raq Paul nai Silas ka Berea chela niishe sheathü kito. Riita tsangshiq ka Berea na saü wan raüta, sinagok na kito.

Acts 17:14

Kra thohe raütiishe, phunainotiim raq Paul ka khamjong raikii na tiishea thükito. Shatmaq, Silas nai Timothi ka Berea niili khingkito.

Acts 17:4

Krai mren, mungmaiqse phong wa maiq wiijamti ka Paul raq traho bom chongke kra tai raüta, tengto dea nguta kamwanto. Raüta, tsangshiq ka Paul nai Silas rai kongshi she pong wan damto. Krai mren, jechakre phong wa maiqla nyungre pahea riimin, kiimaq Griknok wa pahea Shiikeawe shomnoq wantibi riimin Paul nai Silas rai kongshi she pong wan damto.

Acts 18:5

Kiimaq Silas nai Timothi ka Mesidonia wang miishe kiijaq saü wan kiita sanha, Paul raq apaiq akhing ka wiita Jehudinok ma Jesuq kiidea Khristo nguta tiitho tiipha traho bom chongke niili she moto.

Acts 8:14

Kiimaq, Jerusalem na siti kiimwebi riimin, Samaria na siti mungmaiqsetiim raq Shiikeawe bomtsi ma kamwanto nguta tsütsa ka taito. Krai mren, tsangshiq raq Petar nai Johan ka tsangshiq phana tiiwato.

2 Corinthians 1:19

Silas, Timothi kiimaq ngi raq namshiq ma Shiikeawe Se, Jesuq Khristo tsütsa ka chongkuq wan kai ihata. Kra tsütsa ka Tengteng bomtsi wa, Tengmak bomtsi miika klaiki mak phan. Jesuq Khristo ka pattup miitu Shiikeawe raq atiiki “Tengteng Bomtsi.”

1 Thessalonians 1:1

Ngi, Paul raq, Silas nai Timothi rai-- Thesalonia na phungtuti, Shiikeawe, Awe Shiikeawe kiimaq Tati Jesuq Khristo riisheti ma: Kaphap kiimaq hansang ka namshiq ma misilaq.

2 Thessalonians 1:1

Ngi, Paul nai Silas kiimaq Timothi raq-- Thesalonia phungtuti maiqsetiim, Shiikeawe, Nawe Shiikeawe nai Tati Jesuq Khristo rii sitlanti ma:

1 Peter 5:12

Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.