Acts 11:26 - ASII LAKDAP Bible (BSI)

²⁶ Apaiq ka Saul rai riihum raüta sanha, apaiq raq Saul ka Antiok chela niishe sheahoto. Raüta, tsangnai wiita adam miishe, phungtuti rai wiitang wiishi sidam raüta, maiq pahea ma Shiikeawe bomtsi shrinkuqto. Antiok chela maq, kamasham maiqsetiim ka Khristan nguta mang phahoto.

Hawa Naga Bible 2001

²⁶ Piq rulc rvhumc vtueq Antiok ghaq nuex shvlx wvnc tueq, tsuingnueyc kuex wawc shiz tup phungc miqsaz rulc vdvmz nuex rvtuimx vtueq, miq paunghvlc muex tvluing kuq tueq. Kvmaq kvmluimx miqsaz htenc kuex Christan miqsaz ngoz tueq muingc kuex Antiok ghaq maq phaungc tueq.

Muklom

²⁶ Piq Saul jamoq tachong eq piq tha Antioch náng solkat ta. Etho pang shey náng thula ning ni mondoli tang jamoq tachong ta etho daqhan miqtang ma tatal chey ta. Antioch na uhantey tang ma thaji pheynáng eq jakho o “Phong miq” ta thamiing ta.

Acts 11:26 Referencias Cruzadas

ISAIA 65:15

Ngi raq atsea arwanha isenginok raq namshiq mang ka chong raüta maiq ma manson miitu mishton wan. Ngi Ajong Thaq Na Ajong Pinthum Tatiwe raq, namshiq ka mitsatbaiqha. Shatmaq jurwa ibom tai tlaq raüta iwokhong na sitlaq kriiti miika mang anye she mikuq wanha.

Matthew 28:19

Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq.

John 2:2

Kiimaq Jesuq nai ajaqshisetiim kiimin maiqlam poi na atiihea araq, kiijaq poi lomdam asi riito.

Acts 1:15

Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

Acts 11:20

Shatmaq, Saipras mung nai Sairini mung wa kamasham maiqsetiim wiijamti riika, Antiok chela na wawan raüta, Tati Jesuq manphan Tsütsa Ahea kra Pongnok phan maiqsetiim miimin chongkuqto.

Acts 11:22

Kiimaq ara tsangshiq tsütsa arka Jerusalem na siti phungtuti ni niishe saüto. Kra tai raütiishe, tsangshiq raq Barnabas ka Antiok chela na tiiwato.

Acts 11:27

Kra akhing bala niisii hali, Jerusalem wa shammibi wiijamti ka Antiok chela na wato.

Acts 11:29

Kra tai raütiishe, Jesuq jaiphanti setiim raq, Judia wang na siti kamasham maiqse phunainotiim ma khrumke miitu, tsangshiq loweatek raq maiqmii rii tiithithi maq pheke jaqmiiq mihi rong i nguta bom ka riichongto.

Acts 14:20

Shatmaq, apaiq tro na phungmaiqsetiim ka adam na riitam raüta kheto. Kiijiishe, Paul ka sam wan raüta, tiidopot chap hiiq she chap wato. Raüta, kra chela na hali wawan nongto. Kiimaq anap ranaiq miishe Paul nai Barnabas ka Darbi chela niishe kihoto.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Acts 14:23

Tsangshiq raq phungtutek na, ashun asheati maiqlare thun kra shong thüto. Kiimaq amang maq achu jaü raüta, tsangshiq ka tsangshiq raq kamwantlaq Tatiwe jaq khong na kiinong kuqto.

Acts 14:27

Tsangshiq ka Antiok na saü raütiishe, tsangshiq raq phungtuti wiitarü ka adam na triitam raüta, Shiikeawe raq tsangshiq lümaq, apaiq jaqsham ka ümtinkhan jonglu wa shamtaq, kiimaq Pongnok phan maiqse miimin, Shiikeawe raq apaiq ma kam wan miitu, lamlu ka jamkho dikuqtaq, kra thun tsütsa ka wiita phanchan chongkuqto.

Acts 14:28

Kiimaq tsangshiq ka kra hiq na phunainotiim rai rahiq luhea sithü damto.

Acts 18:27

Ephisia na trahokuqlot raütiishe, Apolo raq apaiq ka Akaia wang na wachang nguta thapthito. Krai mren she, Ephisia na siti phunainotiim raq Akaia wangti phunainotiim ma, apaiq ka samheawiq maq tao wan raü jaq ahea miraq nguta, lak ashi waiq raüta tiiho wanto. Apaiq ka Akaia wang na saü wan raütiishe, kiijaq siti Shiikeawe lungwiitsii wokhong maq Jesuq ma kamwantiiti ma jaqsham jonghea khrum kuq wanto.

Acts 19:9

Shatmaq, kiiwa nokwe phong wa maiq wiijamti tsantsii ka wanshakshak, tsinhea riito. Kiimaq Paul raq tsütsa chongkuqtlaq kiima kam mak riito. Kiimaq kriiti raq nokwe tarü man na, Tatiwe Lamphan khuthaq na bom ka abi-ati she bomhoto. Kriikha miishe, Paul raq tsangshiq ka miimthüto. Raütiishe, apaiq rai phunainotiim kra sheahoto. Kiimaq ranaiqtek apaiq raq Tiranas raq mungmaiqse pahea tiithung raü raüta trahoke wan chang jamkaü jonghea ashi asi, kra jam maq Shiikeawe lamphan manphan kra phanchan kuq lili riito.

Acts 20:1

Kra tatso rüriiq trang raitaq kra sang wan jai she, Paul raq phunainotiim thun ka adam na triitam heato. Raüta tsangshiq ma tsaido jido bomtsi chongkuqto. Raüta wapha she jo nguta apaiq ka Mesidonia wang niishe tiido wanto.

Acts 20:30

Namshiq phong wiili, maiq wiijamti ka dongho raüta, tsangshiq raq arot akiq bomtsi kra michong kuq. Raüta, phunainotiim liipan wa maiq wiijamti ka tsangshiq jai phan niishe misheaho.

Acts 21:4

Kiijaq Tajar chela na naishiq raq phunainotiim wiijamti asi, kra rit laita hum kai. Laita tsangshiq rai chepat shi sithü damkai. Tsangshiq raq Asii Wenyi ningkun maq Paul nangnga Jerusalem na saüli ka naq kikiq li nguta atiiwin riito.

Acts 26:28

Kra tairaütiishe, Agripa raq, “Riita ara jaqlose liipan niili, ümniiraq ngi ka Khristan maiqse ma mitiija wan lot ha ngutiisha tiima tlaü?” nguta Paul bom ka treto.

Acts 6:1

Kra jai maq heashi sijai na, Jesuq ma kamwantibi maiq anye ka pahea pawan ruq li riito. Kriikha maq, Grik bom maq bomti Jehudinok nai nokti Jehudinok liipan na, maiq wiijamti ka abot tsaü riito. Grik bom maq bomti Jehudinok raq ranaiqtek khoraki kampho pheake na, tsangshiq phong wa manti-nyungre ma samhea tiikham nyin kuq mak laqthaqtlo nguta tiibot nyanto.

Acts 6:5

Krai mren, tsangshiq kamasham maiqsetiim wiitutam raq, kriidea thukto nguta, kiimwebi bom na, kiqshi maq romdamsaq riito. Raütiishe, tsangshiq raq arwetiim arshe tsea raüta shiikapto: Tsangshiq mang thun ka ara. Stephen, apaiq ka kamtsantsii ajong rümtiwe, kiimaq Asii Wenyi na ama maq siti we. Kiimaq Philip, Prokhoras, Nikanor, Timon, Parmenas, kiimaq Nikolaüs riito. Apaiq ka Pongmung maiqse phan wa. Antiok chela na siti we. Apaiq ka kongkhuji na, Jehudinok kamasham lamphanti wa, Phung niishe ashang wan.

Acts 9:19

Kiimaq apaiq raq tü adung ka phaqsiqto. Krai mren, ahan kiimin phin wan saqli, phinto. Kiimaq, Saul ka Damaskas chela na Jesuq jaqshisetiim rai heashi sithü damto.

Acts 9:38

Jopa ka Lidda maq ajeli. Kriikha maq, Jopa na siti Jesuq jaqshisetiim raq Petar ka Lidda na nguta tsütsa tai raüta, tsangshiq raq maiq wenai Petar tiihea kai tiikito. Tsangnai ma, “Ümniika naishiq phana jaqlo wara ngu wa,” nguta tiichong kito.

1 Corinthians 11:18

Riita namshiq ka Shiikeawe shomnoq adam riitam nga tlan akhing na, pongkong riikong ikha nga tlan ngu wa, nguta ngi raq tsütsa ka tai kang. Ngi riimin, ara chongtlaq arka arot kla riimak sham, akho athiq kla tengto dea sham, nguta tiima tiikang.

1 Corinthians 12:12

Khristo pum ka ashi li. Shatmaq apum ashi na akhum ka pong panpan sitlo. Apum ka ashi li. Shatmaq akhum pan ka apawiq sitlo. Li jiimin, apum ka ashi li.

1 Corinthians 14:23

Riita phungtuti thun ka noqku lomrea miraq ngu i na. Kiijaq wiitarü raq, maiq raq taimak phan bom maq mibom trang ho ngu i na. Riita kra liipan bala, nyungwe nose ikhiiti Phungmaiqse lo, thatsang maiqsetiim lo, ka noqku jam mong na minnyap wa ngu i na. Kriiti raq namshiq ka chhiwa raü jiika, tsangshiq raq namshiq ka barop kong kha na nguta mitiima wan riimak sha?

1 Corinthians 4:17

Riita ara chong tiikang ara ningkhan she, ngi ma wenyi rilung na i se shaq, kiimaq i bom chong phaqchii nichii maq taiketi, Timothi ka namshiq phana tiiwa tiikang. Ngi raq Jesuq Khristo rai pumshi maq anye asii rilung na jamkho sitiikang kra bomtsi ka barap na sitlaq phungtu thun na phanchan kuq tiikang. Kra bomtsi thun ka apaiq raq namshiq ma tiitsang dada maq michong kuq nong.

Ephesians 3:15

Ramungtan na maiq ata ata maq awe raü sitlaq, kiimaq mangjong hiq na maiq ata ata maq aweraü sitlaq thun kra dong chang chong ka, Shiikeawe apaiq sitlaq kli.

James 2:7

Namshiq raq shreng tlan, Jesuq Khristo mang chong kra tiibi wanti ka tsangshiq kata.

1 Peter 4:14

Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.

1 Peter 4:16

Shatmaq tiina, namshiq ka Phungmaiqse ningkhan chamchao tlan jiika, kra miitu akhiismin naq tiijeasi rongkiq. Atiijeasi wan rii na, namshiq ka Jesuq khü maq tiihong laita dea sitiikai nguta Shiikeawe ka kai shomra lan tli sironglaq.

1 John 2:27

Riita ümchaü kla, namshiq raq jamlai chapa chang min ahü she. Khristo raq apaiq Wenyi ka namshiq khum na araüke wishe. Asii Wenyi ka namshiq khum na sishat sitlaq wiiwii, maiqse raq namshiq ma shrinke rea ngo min rarai mak she. Apaiq Wenyi raq namshiq ma phanrap hon atsii ka kunkun she chongkuq tlo. Kiimaq apaiq raq namshiq ma jamlai wa shrinkuq tlaq kriika tengteng. Ajiq ka tlang kuq mak phan. Krai mren, Asii Wenyi raq namshiq ma jamlai wa chongkuq tlaq, kra lang lanta sirong laq. Lanta Khristo rai pumshi hanshi maq tiipum lanta sironglaq.

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.