2 SAMUEL 9:7 - ASII LAKDAP Bible (BSI)

⁷ “Ümniika naqhaikiq,” nguta Dawit raq treto. “Ngi raq ümwe Jonathan mang na ümniima mangchan mitiichhikuqha. Ngi raq ümti Saul tachong hupsam wak ajam thun ka ümniima mijangkuq kang. Kiimaq ümniika ngi rai adam na phaqsea wan kilü tiidishat miraq.”

Hawa Naga Bible 2001

⁷ Dawid rueq, “Nauk hiz kaz, m-waz Yonathan ningkhvnc nuex ngaz rueq mnoz muex menjenc kuq phaungx. Mjix Sholu rueq guimz wvnc tueq ghaqphux lotlaz kuex ngaz rueq mnoz muex yez kuq phaungx. Mnoz rueq ngvy humpanx wawc mkaq muinz phauk saq lvp shuiux,” ngoz tueq jungx tueq.

2 SAMUEL 9:7 Referencias Cruzadas

RAPHA HIQWA LAK 43:18

Riita tsangshiq ka kra jam niishe sheawan kiita, tsangshiq ka ahai she riito. Kiimaq akha tiimato, “Nashiq ka arjaq shea wantaq arka kongkhu lak na kampho ka nashiq thoila khiiq na tiithii raq raq jangkuqtaq irkha niishe shea wanto sham. Tsangshiq raq nashiq ka tiihanghiiq miili mitsat. Raüta nashiq kumtoq kong kra milamho. Kiimaq nashiq ka adise kong miishe mitiija baiq.”

RAPHA HIQWA LAK 43:23

Kra ajaqshi se raq nguto, “Naq chapa rongkiq. Naqhai rongkiq. Namshiq Shiikeawe, namwe jong Shiikeawe raq, kampho ka namshiq miitu namshiq thoila khiiq na thiikuqto sham. Ngi raq namshiq tsam ri kampho ka lap kang.” Raütiishe, apaiq raq Simeon ka tsangshiq phaniishe shea wato.

2 SAMUEL 12:8

Ngi raq apaiq mungtan ka ümniima kuqkang kiimaq achaktiim thun min ümniima kuqkang. Ngi raq ümniika Israil mung nai Juda mung na hokhamwe ma shongkang. Kiimaq arthun armin atsapse hongmak dea nguhaü jiika, arthaq niimin mannai achan tliip lata mikuq wan nong hawea.

2 SAMUEL 19:28

Iwe ma akaü arü wiitatam ka, Chaü lei, ümniiraq wiita tseabaiq wan thektlo. Shatmaq ümniiraq ngi ma ümniirai takchung pinchiimshi maq phaqsea wan miitu anato kuq wan laü. Chaü lei, ngi raq ümjaq wa jamlai phan jaü nong chang min ahü she.”

2 SAMUEL 19:29

Kiijiishe hokhamwe raq treto, “Ümniiraq achan bom chong chang ka ahü she. Jiba namnai liipan na Saul tachong hupsam thun ka riiphea riingea chhaq riiphea lantea phaqsiq ronglaq nguta ngi raq tri ka ashatwi she.”

2 SAMUEL 19:33

Hokhamwe raq apaiq ma nguto, “Ngi rai Jerusalem na wa i. Kiimaq ümniika ngi raq tiibomhü midunghiq kang.”

2 SAMUEL 21:7

Shatmaq Dawit raq Jonathan rai tumkhamkok toraüta, Jonathan rai silu riija tongshongtaq kriikha na, Jonathan se kiimaq Saul miika asaü Mephibosheth ka tiitsat baiq mak tiiwong kuqto.

2 SAMUEL 9:1

Ranaiqshi Dawit raq waito, “Saul jamti wa maiq weshi ra atiichong asi shea? Ashi ra asi jiila, ngi raq apaiq ma Jonathan mang na lungwiitsii tiichhike rotiikang.”

2 SAMUEL 9:10

Ümnaq, ümsetiim, kiimaq ümjaqshisetiim thun raq ümtijongwe Saul saü asetiim miitu, tsangshiq wak thun ka misham kuq han. Lanta tü atsam jut lanta tsangshiq raq phaqsea miitu mihokuq han. Shatmaq Mephibosheth apaiq riiwe kla wranaiqshe itashongkhok na ngi rai adam nga raütli miphaqsiq wan.” (Jiba setiim ka weroqshi ri webiingi kiimaq ajaqshisetiim ka roqnai riito.)

2 SAMUEL 9:11

Jiba raq treto, “Ngi ma Chaü raq aming ümchuwa kuq laü kra kunkun mikloha.” Krai mren, Mephibosheth riika hokhamwe setiim phong wa weshi ikha hokhamwe tashongkhok na nga raüta phaqsiqto.

2 SAMUEL 9:13

Krai mren she dea, Mephibosheth, ahok hokko naita aküwe ka, arilung pattup Jerusalem niili she siraüta, hokhamwe tashongkhok na ngashat maq tü adung ka phaqsiqto.

2 SAMUEL 9:3

Kiijiishe hokhamwe raq apaiq ma waito, “Saul tahii jamti wa maiq weshi ra atiichong asi shea? Asi jiika kriiti ma ngi raq lungwiitsii mitiichhi kuqha nguta Shiikeawe ma kiqkham kang kra tsapkapkap maq tiichhike ro tiikang.” Kiijiishe Jiba raq treto, “Jonathan setiim phong wa weshi dea asi. Apaiq ka hokkü.”

1 HOKHVMX 2:7

“Shatmaq Gilead wangti Barjillai setiim miika lungwii tsantsii tiichhi kuqlaq. Laüta tsangshiq ma jamlai phan khrumke chang wa kra khrum kuq laq. Jamkhano ngukla ngi ka ümno Absalom jaq wa ichiimjin tiipaü jukang akhing na, tsangshiq raq ngi ka khrum kuqto.

2 HOKHVMX 25:29

Krai mren Jehoiachin miika phaqtek mong na samchang miirii kra, miirii ahea miishe klaibaiq miitu aming kuqto. Kiimaq hokhamwe dungsea chang chamrii na ngaraüta arilung tiisungli tiiphaq siq damto.

Tvtsvmc 41:9

Itsanwawe shaq, ngi raq pinthum kamtiikangwe raq dongdii min, ngi rai dung pinshi na phaqseatiwe riimin, ngi ka shaphaq baiqto.

JEREMIA 52:33

Krai mren, Jehoiachin miika adü na asam shumwi miirii kra tiichhutbaiq raüta kheahea miishe klaito. Raüta hokhamwe rai adam na chamrii ashi na nga raüta tiichongtlaq arilung ka adam phaqsiq wanto.

JEKERIA 7:9

“Man na rathup rapha niiphü ngi raq isengi ma ara aming kuqkang: ‘Namshiq raq tri ka riikhaqli ating maq sham raa. Kiimaq maiq ashi maq riita ashi ma tsan hea tsiihea mangchan tsii tiichhi raa.

Matthew 6:11

Ümchaü ranaiq miitu naishiq ma, dung kuq laq;

Luke 22:30

Krai mren, namshiq ka ngi rai i Mungtan na hokham ngachang na nga lanta, takshi pinshi maq miphaq siq wan dam han. Lanta namshiq ka Israilnok maiq phan, phan roqshi ri phan nai kra thaq na nga lanta, mungsea wan mungtubi ma mija wan han.

Revelation 3:20

Tai ronglaq! Ngi ka kilam da na chaplata kilü na buk tiikang. Ashi ra raq tai raüta, ngi ma kilü ka dikuq kihaü jiila, ngi ka apaiq jam mong na miwaha, lata apaiq rai adam miphaqsiq ha, kiimaq apaiq riimin ngi rai adam miphaqsiq.

1 SAMUEL 12:24

Tatiwe aming thun ka lang ronglaq. Lanta tsan nai mongjii wiita kiinong lanta tsapkapkap maq apaiq kli shiili ronglaq. Apaiq raq namshiq miitu jaqsham jonghea shamkuqtaq kra tsan na tiitsang lanta sironglaq.

1 SAMUEL 20:15

ümchaü ngi ma jamkho lungwiitsii rüm tlaü kriika, ijamtitiim ma pattup rüm wan ruq thülaq. Kiimaq ümtiikiiwa Tatiwe raq ümjaqti thun ka wiita thumli she mishthen baiq wan,

1 SAMUEL 22:23

Ümchaü min, ümniika ngi raili she silaq. Naqhaikiq. Saul raq nanai wiita, ümniimin kiimaq ngi armin tseabaiq tantlo. Shatmaq ümniika ngi rai sihaüla, ümkhu asang miraq.”