2 SAMUEL 8:14 - ASII LAKDAP Bible (BSI)

¹⁴ Apaiq raq Edom mung tlotli na phentiip pahea phoqto. Krai mren, kra mungti ka awansenok miishe jawanto. Tatiwe raq Dawit ka barapse na rekhat kitlaq ka tiitang wanruq riito.

Hawa Naga Bible 2001

¹⁴ Piq rueq nolaungx ghaqshungc htenc kuex Edom mungx baung ruip saz nuex taq tueq, tsuingshiq muinz piq rueq guimz yaq khung nuex httax tueq. Yehowa rueq muinz Dawid muex baung ruip saz tvtaungx gay tueq.

2 SAMUEL 8:14 Referencias Cruzadas

RAPHA HIQWA LAK 25:23

Tatiwe raq apaiq ma chongto, “Ümwok na maiq mung anai sitlo; Ümniiraq ümse nai anai mihum haü, tsangnai ka riilong riiliiq mung anai miraq. Mungshiti ka mungshiti thaq na ningkun aheng lin miraq; Aphuwe raq anowe ka mishiili.”

RAPHA HIQWA LAK 27:29

Raüta maiq mung thun ka ümsengi ma mijalaq. Kiimaq maiq phan thun ka ümwokhong na minyap laq. Ümphu ümnotiim thaq na tuwejong jalaq, Kiimaq ümnyung ma asetiim lai ala phan ka ümwokhong na misilaq. Ümnaq sontamti ka manson raq mitsai laq. Kiimaq ümnaq shiimanti ka shiiman milap laq!”

2 SAMUEL 5:10

Apaiq ningkun ka wranaiq she henghea riiwan wan li riito. Jamkhano ngukla Tati Shiikeawe ka apaiq rai asi riito.

2 SAMUEL 7:9

Ngi ka ümnaq ümbano kitlaü kiijaq nongshnong kidamkang. Lata ngi raq ümniiraq ümtinkhan wa ümjaqtinok ka khat wan wan sinkhu na wawan laü, kra phan phan ngi raq wiita kunkun khatkuq wan kang. Lata tang wan kang. Ngi raq ümniika mangjong hiq na ümmang ka ra tsa ikha ajong pinthum miishe mitiija wanha.

2 SAMUEL 8:15

Dawit raq Israil mung tlotli ka pengto. Kiimaq apaiq raq asengi mungmaiqse wiitarü ka mren mra chhaq kiimaq tingting tri raüshi maq shin raüta peng wan miitu shiithuk wanto.

2 SAMUEL 8:6

Raütiishe apaiq raq tsangmung na phentiip thun tei wanto. Krai mren, tsangshiq ka apaiq senginok miishe jawanto. Raüta apaiq ma tijong phunta she kuqto. Tatiwe raq Dawit ma barapse wa rekhat ka wiita tiitangkuqto.

1 HOKHVMX 11:15

Man na richüpat na, Dawit raq Edom mung khat raüta tangto, raüta jiiwanto. Kra akhing na, Dawit phentu ajongwe Joab ka kiijaq maiq maa thun kra lapkai kito. Apaiq nai asenginok ka Edom mung na jipi lütrok sito. Kiimaq kra akhing na tsangshiq raq Edom mungti maiqwere angu thun ka kunli tiithumpak jiip baiqto.

1 HOKHVMX 22:47

Edom mung pengti hokham ka ahü riito. Edom mung ka Juda mung hokhamwe raq ashong wan tuwejong ashi raq pengto.

1 HOKHVMX 22:48

Hokhamwe Jehoshaphat raq kham jahat thun hai raüta sammoktra jüjong re na Ophir mung na chaq piikii kai miitu haito. Shatmaq kra khamjahat thun ka Ejiongebar chela laitoq chang na thento. Kriikha na khamjong re niika kilot mak she riito.

2 HOKHVMX 14:7

Amajia raq Edom mungti phenlabi Shum Tan Thung maq hingroqshi tsatbaiqto. Apaiq raq khat raüta Sela chela ka jiito. Raüta kra chela ka Joktheel ngutiishe mangto. Krai mren ümchaü min kriili ngutlo.

2 HOKHVMX 18:7

Kra ningkhan na Tatiwe ka apaiq rai nongnong riito. Krai mren apaiq raq jamlai jaq wa sham wantaq kriithun ka kunkun ong wanto. Apaiq ka Asiria mung pengti ajong hokhamwe tijong puk wa adong riikito. Raüta tijong kha ka akhü riibaiqto.

1 KAÜWA WERAÜ 18:13

Raüta apaiq raq Edom mung wiita hamli na phen tiip thun phoqto. Kiimaq kra mungti ka Dawit wansenok miishe jawanto. Tatiwe raq Dawit ka mungrap na kitlaq kiijaq rekhat ka apaiq ma tiitang kuq wan ruq riito.

Tvtsvmc 60:1

Ümniiraq naishiq tiishaübaiqlaü, Shiikeawe lei, laüta naishiq ka re ma tiitanglaü; ümniika naishiq ma tsankhiq riilaü— shatmaq ümchaü sanha naishiq phana jangwakiq.