2 SAMUEL 19:8 - ASII LAKDAP Bible (BSI)

⁸ Kiijiishe hokhamwe ka tiidopot she riito. Raüta chela kilamchong tho kiina ngakito. Asengi kong riimin, apaiq ka kiijaq nguta taito. Krai mren tsangshiq tarü kunli apaiq tro niishe riitamto. Kiimaq anü na Israilnok mungmaiqse ka kunkun maiqmiimii hiqshong niishe pintrangto.

Hawa Naga Bible 2001

⁸ Kvkaq hokhvmx waz kuex kvtenc kaz vtueq, ghaqyungx palx kaluix hep nuex ngaungc kaz tueq. Piq kvyuq shex rvtueq kuex miq htenc rueq tay wuez vtueq tsuinghez lotlaz piq tvroz nuex rvtuimx kaz tueq. Kvruex baunglaung Israel miqsaz htenc kuex miqmac yuimx nuex yuz wvnc wuez tueq.

2 SAMUEL 19:8 Referencias Cruzadas

2 SAMUEL 15:2

Raüta apaiq ka ranapchu maq tiidokilili riitlo. Raüta chela kilamchong kriijaq chapki lili raüta khekitlo. Raüta maiq weshi ra phanshi ra mra asi ningkhan hokhamwe phana riihumkai kitlaq kriiti ka, Absalom raq heatlo. Raüta apaiq ka juta weraü wa, ümriibati wa nguta waitlo. Raüta kriiwe raq apaiq ka kaüwa weraü mang kra tiichong raüla,

2 SAMUEL 18:17

Tsangshiq raq Absalom maa ka piwanto. Raüta rum na hiqkhobok atsaüwiq ashi asi kra mong na dobaiqto. Raüta long kaü rong jonghea miishe pangbaiqto. Kiimaq Israilnok ka tlotli pintrangto. Raüta maiqmiimii jam niishe pin wanto.

2 SAMUEL 18:24

Dawit ka chela kinphai kilamchong nai wangmongti kilamchong bala liipan na hiq abin ba kiijaq ngaraü riito. Kintsongtiwe ka ruk khu thaq kiijaq düwa raüta liiwato. Raüta apaiq ka kilamchong wukhu na chap wato. Raüta apaiq raq liikiita, aluwiq na maiq weshi ka apaiq laqlaqse ajurai chhito.

2 SAMUEL 18:4

“Ikhla, namshiq raq jamlai wa ahea nguta tiima tlan, kra miklo kang,” nguta hokhamwe raq treto. Raütiishe apaiq ka chela kilamchong tho kiijaq chap raüta, asengi kong ahinghing maq, ashishi maq, rekhat kai kiho tlaq kriishe liisiqto.

2 SAMUEL 19:3

Tsangshiq ka chela mong na kaiqshakshak, phenlabi rekhat tang mak raüta jam na jang wan tlaq ikha jeasitsi ma jang wan tlaq ikha chela na jang wanto.

1 HOKHVMX 22:36

Rajiko rashe nyap wan nap nap niishe Israilnok phenlabi ma aming ka akhiishe kuqto: “Maiq loweatek maiqmiimii mung na kiimaq maiqmiimii chela niishe jang wan ronglaq!”

2 HOKHVMX 14:12

Raüta Amajia phenlabi raq rekhat ka tangmak dea riito. Krai mren asengi phenlabi thun ka maiqmii jam na pinrang wawanto.

2 HOKHVMX 8:21

Kra ningkhan Jehoram raq akumrang leng thun kra sheaho raüta, Jair chela khatkai kihoto. Kiijaq tsangshiq ka Edom mungti mung phenlabi raq trotam miishe kom baiqto. Shatmaq rawa mong na apaiq ka asengi kumrang leng phentubi rai ahukse ma rebom mong kiiwa latho raüta juhoto. Kiimaq asengi phenlabi thun ka maiqmii hiqshong na pinrang she pin wanto.

1 SAMUEL 4:10

Krai mren, Philistainnok raq mak tiichuk raüta khatto. Raüta Israilnok ka tangto. Kriikha tsangshiq ka maiqmii hiq niishe jutrangto. Kra lak na maiq ka pahea jiimto: Israilnok phenlabi hingroqtsam sumto.