2 SAMUEL 19:5 - ASII LAKDAP Bible (BSI)

⁵ Kriikha niishe Joab ka hokhamwe jam kiina wato. Raüta apaiq ma nguto, “Ümchaü ranaiq ümniiraq ümsenginok, ümmiisaq tiiwongketi, ümsetiim maiqwesere nai jechaksere kong, kiimaq ümchaktiim nai ümchak chakliip nyungtiim thun rilung tiichhiiketibi srea nolabi thun ka ümniiraq shummii laü.

Hawa Naga Bible 2001

⁵ Joab kuex hokhvmx waz yuimx nuex kaz vtueq piq muex ngoc, “Mthuiuzthuic muinz, msaz hez yalxjuik miqwaz sahez thuiuzthuic muinz, mtaungx nyuiuz hez nuiyc mtaungx nyuiuz ruinx htenc thuiuzthuic muinz palc kuy jix hez ngoz tueq mmiq hez muex majuiuc raungnuiyq mnoz rueq tvyomz gay ruiux yvlc svy tvrvhumc toq.

2 SAMUEL 19:5 Referencias Cruzadas

2 SAMUEL 15:30

Dawit ka Olip Pero Hiqlam lamha kra düwan lam maq apaiq ka aho anyi wawanto. Ahok na hokpa min ahü maq wawanto. Kiimaq tsanbi tiichhi akhu ka khea maq pang raüta wato. Kiimaq apaiq jai phanti tarü raq tsangshiq ka khu ka khea maq pang raüta siisaq aho anyi lam maq siisaq wawanto.

2 SAMUEL 18:17

Tsangshiq raq Absalom maa ka piwanto. Raüta rum na hiqkhobok atsaüwiq ashi asi kra mong na dobaiqto. Raüta long kaü rong jonghea miishe pangbaiqto. Kiimaq Israilnok ka tlotli pintrangto. Raüta maiqmiimii jam niishe pin wanto.

2 SAMUEL 19:13

Kiimaq Dawit raq tsangshiq ma Amasa miiri akha chonglaq nguta tiichong wanto, “Ümniika ijamti. Ümchaü ranaiq miishe ngi raq ümniika Joab la na, i phenlabi pengti phentu ajong pinthumwe miishe shong tiikang. Ngi raq ara klo mang la riihala, Shiikeawe raq ngi ka tiikhiq laq mibuk baiq laq!”

2 SAMUEL 19:4

Hokhamwe raq atheaphi ka khea maq pang raüta, agi asii lam maq, “O, ise lei! Ise Absalom lei! Absalom ise lei!” nguta tiihong raüta hoqsiqto.

2 SAMUEL 19:6

Ümniiraq ümnaq lungwiitibi ka angeng riitlaü! Kiimaq ümnaq ngengsengtibi ka ümniiraq asloq riitlaü! Ümniiraq ümsengi ajong alabi nai mungmaiqse ümsengi thun ka hüti hiqli kong ikhli liitlaü. Ngi raq chhitiikang, ümchaü ranaiq naishiq abiti thun arka wiita re na jiimrai raümin, Absalom ka atra nguraü jiika, ümniika pinthum chochikhiq li mirhaü sham

2 SAMUEL 3:39

Ngi ka Israil mung na Shiikeawe raq tsea raüta hokhamwe ma shongto. Li jiimin, ümchaü ranaiq ngi ma athü adake wanti khamlawe ashi ariwan ikha tiima tiikang. Ara Jeruiawe setiim arka ngi ma mat atsa niqke wantibi kong. Tati riitiq ara mat-saü tsase kong arma mo miitho kuq laq!”

NEHEMIA 9:27

Kriikha niishe tsangshiq ka, tsang jaqtibi ma, kiinong kuq baiq laü. Raüta tsang jaqtinok riishe tsangshiq ka, khat raüta jamsha wanto. Tsang lit tsi miishe tiq, tsangshiq raq ümman na hoqsii wanto. Krai mren ümniiraq tsangshiq achu jaü ka, ramungtan maq tre kuq laü. Ümmangchan jong mong miishetiq, tsangshiq khuthaq na, ashun ashea wanti welabi tiiki laü. Tsangshiq riishetiq, tsang jaqtinok jaqkhon mong wa, dokda kuqto.

Tvtsvmc 3:8

Rekhat ka Tatiwe raq tiitang kuqtlo, apaiq riitiq asenginok ka mishman kuqlaq.