2 SAMUEL 18:9 - ASII LAKDAP Bible (BSI)

⁹ Tiihanghiiq miili Absalom ka Dawit sengi maiq wiijamti rai riihum raito. Absalom ka kumshot kaü thaq na chao raü riito. Kiimaq kra kaü ka ajongwiq ok chong takiq maq juto. Shatmaq Absalom khupo ka pekiirong kriijaq tiipaqsaq akan riikito. Kumshot kaü ka leaphok juto. Shatmaq Absalom ka ra wang win na tiikan baiq ratto.

Hawa Naga Bible 2001

⁹ Absalom muinz Dawid miq wvyvmc rulc huingc rvhek laz maq rvhumc tueq. Absalom kuex loze htauk nuex ngaungc vtueq khauk rauk jungx yunghvlc khung maq lvy yuz wvnc yaq nuex, vkhux poz kuex pulx phak nuex kvrx kaz tueq. Loze kuiux kuex yuz wvnc koq tueq Absalom kuex raungwuilx wanc nuex kvpauk kaz tueq.

2 SAMUEL 18:9 Referencias Cruzadas

2 SAMUEL 13:29

Krai mren, jaqshisetiim riimin, Absalom raq chongtaq kra phan phan, Amnon ka tsatbaiqto. Kiimaq Dawit setiim ahinti thun ka maiqmii kumshot kaütiim thaq na chaorang raüta pintrangto.

2 SAMUEL 14:26

Akhudap ka ajongwiq theeapakpak. Akhudap ka luhea she luwan raüla, kiimaq theahea she riiwan raüla, wiishi na jangshi tapbaiqtlo. Kra tapbaiq tlaq kra hokham tok maq shin raüla, kilogram nai thaq na apalin riitlo.

2 SAMUEL 17:23

Kiimaq Ahithophel raq apaiq raq tsü achongkuq kra langmak dea riikiita, apaiq ka akumtoq kaü raikhü na ngasaq raütiishe, apaiq sichang chela kiiniishe wawanto. Raüta ajamkun wa tachong wiira thun kra samheawiq tiihong tha raütiishe, apaiq ka ajaqliilü maq shakraito. Apaiq maa ka tsangta maalap chang chiim ba na lapto.

2 SAMUEL 18:10

Dawit sengi phong wa maiq weshi raq chhito. Raüta Joab ma, “Ngi raq Absalom ka ok chong kü rong na tiipaq raü chhikang!”

2 SAMUEL 18:14

“Ngi raq ümniirai rashe ka atu na tiicha mang she,” nguta Joab raq nguto. Raüta apaiq raq piq kiitsam pihoto. Raüta apaiq raq Absalom ka atra ok chong kü rong mong na akanrai ra na tiipaqshat wanwii raitlaq kriiwa piq kiitsam ri kriimaq akhuk mong na rongshuk baiqto.

2 SAMUEL 18:8

Reriikhat ka rum na ramsea chang binjü niishe riinyin wanto. Kiimaq maiq ka re jaq na ümchuwa tsaitaq kriithaq na apako ka rum na khoti jiimto.

YOBA 31:3

Apaiq raq ashut kloti ningchang ka miqchup chamchao tiisaütlo raüta shiithen baiqtlo?

TAKSU LAK 20:20

Nyung nai we ma mansonti ka, rithiq ngok ngiq miraq.

TAKSU LAK 30:17

Awe tikiija na niqsiq tlaq, anyung wikaüja na saisitlaq, kriiti makpo ka khala ma tiichat baiq chang, angam ka langtang ma tiiphaq chang.

JEREMIA 48:44

Juwa phiiptsi chang rathaiq saü wan tlaq kriiwa jula ngutla manhii raüla, khobok theje thütaq kriijaq midea wan. Kiimahali, juwa khobok mong kriiwa donghola nguta adü wan man tlaq kriiti ka bi tsanje athü kriijaq mimin rai. Jamkhano ngukla Mob mung tiithenbaiq miitu Tatiwe raq apaiq ningthoi ranaiq ka atiihongthü kun she dongdii.

Matthew 27:5

Kra tai raütiishe, Judas raq kampho thop ka kiijaq Shomjam na riiwak baiqthü raütiishe, apaiq ka juhoto. Kiimaq kiho raüta, apaiq ka ajaqlii maq tiihai shakto.

Mark 7:10

Mosheq riika, ‘Namnyung nai namwe ka shreng ronglaq; kiimaq jurwa anyung lo awe lo ma, manson kiqsü, abi bom tlaq, kriiti ka atsea baiq chang,’ nguta aming kuqthüto.

Galatians 3:13

Shatmaq, nashiq ara, Thungtri manson kharü mong wa daa wan miitu, Jesuq Khristo raq Thungtri manson homa kra howanto she. Ara jamkhano ngutiikai ngukla, Asii bomtsi na, “Juwa pechong na tübaiq tlaq, raüta tsai tlaq, kriiti ka Shiikeawe manson homa ho raüta tsaito ngushat,” nguta chong tlo.

TRI CHONGKE 21:23

kra maiq maa ka ra washi kiikhiili tiipaq shat ka thü raa mak. Kra maiq maa ka kra ranaiq li lap thü chang. Jamkhano ngukla maiq maa pekham chong na tiipaq shat la thü raüla kra mung na Shiikeawe manson she misaüki. Maiq maa ka lam lanta alap riithü ronglaq. Tatiwe üm Shiikeawe raq ümniima kuqtlaq mung ka naq tiishekiq.

TRI CHONGKE 27:16

“‘Jurwa awe riimakla anyung shummiitlaq, kriiti ma Shiikeawe manson minilaq.’ “Kiimaq mung maiqse kunli raq mitre, ‘Amen!’

TRI CHONGKE 27:20

“‘Jurwa awe ta-nyungtiim phong wa nyungshi rai hainga raüta, awe shummiitlaq, kriiti ma Shiikeawe manson minilaq.’ “Kiimaq mung maiqse kunli raq mitre, ‘Amen!’