2 SAMUEL 18:20 - ASII LAKDAP Bible (BSI)

²⁰ “Naqwakiq,” nguta Joab raq nguto. “Ümchaü ranaiq ümniiraq tsütsa ahea chongwa ka naq wakiq. Rahinjaq akhing niitiq ümnii raq tsasoq bom chongwa mimai. Shatmaq ümchaü ranaiq ka maimak. Jamkhano ngukla, hokhamwe se ka tsaikito she.”

Hawa Naga Bible 2001

²⁰ Joab rueq, “Mnoz rueq majuiuc raungnuiyq thuix thaungx vhvlx kuex lvmz wvnc vtueq waungc mvy muq. Vganc raungnuiyq nuex jix mnoz rueq jungx mvy yaq, hokhvmx waz saz thueyc kaz tueq lvmz kuex majuiuc raungnuiyq dvyx kuex nauk jungx kaz,” ngoz tueq jungx tueq.

2 SAMUEL 18:20 Referencias Cruzadas

2 SAMUEL 18:19

Kiijiishe Jadok se Ahimaaj raq Joab ma nguto, “Ngi ka julata hokhamwe ma Tatiwe raq apaiq chiqse rewe maklii wa tiichhii kuqto she nguta tsütsa ahea ara tiitai chong wapha.”

2 SAMUEL 18:21

Kiijiishe apaiq raq adise Sudan mungti kiima thaüto, “Ümniika walaq. Laüta hokhamwe ma ümmak maq jamlai wa chhilaü kra chongwakiq.” Krai mren, adise ka atijongwe khaki na hiq na bumsaq noqthü raüta tlatchhat juto.

2 SAMUEL 18:27

Kintsongtiwe raq nguto, “Ngi raq liikangta, kongkhu na watiwe ka Ahimaaj ikha juraitlo.” “Apaiq ka maiqshaq,” nguta hokhamwe raq nguto. “Krai mren apaiq riika tsütsa ahea lam wan raüta watlo.”

2 SAMUEL 18:29

“Riita jerowe Absalom ka ahea hansang khata?” nguta hokhamwe raq waito. Ahimaaj raq treto, “Chaü lei, üm siihiipwe Joab raq ngi tiiwa tlaq bala na, ngi raq maiqphong ka brak biishaq murai tlo chhithükang. Shatmaq kriika jamlai wa riikhaqli sapthü mang.”

2 SAMUEL 18:33

Hokhamwe ka atsanbi ahositsi raq atsai she riito. Apaiq ka kilamchong wukhu thaq na ra na khok ashi asi. Kiijaq wawanto. Raüta hoqsiq wanto. Apaiq ka ra khok kiina wawan lam miili, “O ise lei! Ise Absalom lei! Absalom, ise lei! Ümnaq tsai rii na, ngi tsaiha jaq khoti ahea riichang wa, ise lei! Ise Absalom lei!”

2 SAMUEL 18:5

Apaiq raq Joab, Abishai kiimaq Itai ma akha aming kuqto: “Ngi miitu tiima lanta, jerowe Absalom dü na jaq ka naqmiiq rongkiqjo.” Kiimaq Dawit raq apaiq phentuwetiim ma ara aming kuqtaq kra phenlabi wiita raq taito.

2 SAMUEL 19:1

Kiijiishe Hokhamwe Dawit ka ase Absalom tsaitaq kra miitu maaho manyi shiri raitlo nguta Joab ma bom ka chongto.