2 SAMUEL 18:14 - ASII LAKDAP Bible (BSI)

¹⁴ “Ngi raq ümniirai rashe ka atu na tiicha mang she,” nguta Joab raq nguto. Raüta apaiq raq piq kiitsam pihoto. Raüta apaiq raq Absalom ka atra ok chong kü rong mong na akanrai ra na tiipaqshat wanwii raitlaq kriiwa piq kiitsam ri kriimaq akhuk mong na rongshuk baiqto.

Hawa Naga Bible 2001

¹⁴ Joab rueq, “Ngaz kuex mnoz rulc rvbomc tvkoc vkhing vguez,” ngoz tueq jungx tueq. Piq rueq paq vthuimx kuex lvmz vtueq khauk rauk jungx noz nuex kvwuirx wawz thuiyc yaq vtvraungx shauk dvyx Absalom khuiuq nuex tvlvt phot shuiuq gay tueq.

2 SAMUEL 18:14 Referencias Cruzadas

2 SAMUEL 12:10

Riita ümchaü sanha, maiqpat aweatek na, ümsaü ümsetiim phong wa, sho na kaihoti ka siruq miraq. Jamkhano ngukla, ümniiraq ngi bom taimaü riilaü, kiimaq Uria tanyung ka romphaq wan laü.

2 SAMUEL 14:30

Kiijiishe Absalom raq ajaqshisetiim ma nguto, “Liimanta, Joab wakram ka iwakram tiinap niili. Kiimaq wakram na jaili ka jong wanto she. Kiijaq kilanta jaili rü ka wa maq chaqbaiq ki rongkiq.” Krai mren, tsangshiq kiho raüta wakram ka wa maq chaqbaiqto.

2 SAMUEL 18:15

Kiijiishe hali, Joab sengi phenlabi weroqshi kriiraq, apaiq ka trotam maq komhosaq raüta, tiitsailaq she tsatbaiqto.

2 SAMUEL 18:5

Apaiq raq Joab, Abishai kiimaq Itai ma akha aming kuqto: “Ngi miitu tiima lanta, jerowe Absalom dü na jaq ka naqmiiq rongkiqjo.” Kiimaq Dawit raq apaiq phentuwetiim ma ara aming kuqtaq kra phenlabi wiita raq taito.

2 SAMUEL 19:1

Kiijiishe Hokhamwe Dawit ka ase Absalom tsaitaq kra miitu maaho manyi shiri raitlo nguta Joab ma bom ka chongto.

2 SAMUEL 19:11

Israilnok mungti raq jamlai wa riichong tlaq kra tsütsa ka Hokhamwe Dawit ni niishe saüto. Kra ningkhan apaiq raq ramwenai Jadok nai Abiathar ka Juda mungti welabi phana tiiwato. “Namshiq ka hokhamwe ka apaiq hokhamwe jam na tiijang sheakai khrumke ka maiqjai niitiq ka jamlai nguta tiihit wa?

YOBA 20:5

abi ati maiqse ka chojong chise maq rilung alu simak.

Tvtsvmc 37:35

Ngi raq akhing ashi na maiq tiiphiipti abiwe ka asapha; apaiq ka maiq wiita thaq na ajong ala pinthum Lebanon wa maisak chong ikha riito;

Tvtsvmc 45:5

Ümliqsin thun ka sihea, ümjaqtinok tsan mong na kholam kholiiq nyapwatlo; maiq mung thun ka ümjichong na bum wantlo.

Matthew 12:40

Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.

PHOWEBI 4:21

Sisera ka aniitsi makaiq kha maq, kaiqshak akon she riilaq kito. Kra chhi raüta. Jael raq ajaq na sintu ashi kiimaq tombutiip tiikha chan chang tson ashi ajaq na sham raüta, apaiq phana atsise maq wato, Raüta tsonkii kriimaq Sisera khupo nisiinü ba kiijaq sintu maq hiq na tlatchhat tiikhiqlaq tiipha tiibaiqto.

PHOWEBI 5:26

Apaiq raq jaqko na tombutiip tiikha chang chang, tsonkii shamto; jaqko nü na sintupo shamshat riito. Apaiq raq Sisera akhupo tiibunlak shukto, apaiq akhupo na tlatchhat tübaiqto.

PHOWEBI 5:31

Riita ümjaqtinok thun ka, kiikha siisaq mitsai laq, O Tatiwe lei, shatmaq ümkhi ümlubi thun ka, rashekaü dong wan tlaq ikha, ali aliim michhai wan laq! Kiimaq mung na wiiroqblai mung atsing maq sito.