2 SAMUEL 15:10 - ASII LAKDAP Bible (BSI)

¹⁰ Shatmaq apaiq raq Israilnok maiq phan tlotli ma tsütsa ka akha tiichong wanto, “Ümtiikiiwa namshiq raq lerong tsütrang mitai han, raüla, ‘Absalom ka Hebron chela na hokham ma shongto,’ nguta rütrang rong laq.”

Hawa Naga Bible 2001

¹⁰ Yuq muinz piq rueq Israel phvnx lotlaz kox nuex kamx waz bix tvkaz vtueq, “Nuimshiq rueq bolic thuic lez tay ruiux lex, ‘Absalom kuex Hebron nuex hokhvmx shex yaungx tueq!’ ngoz tueq ramc wuez shuinz,” ngoz tueq tvjungc kaz tueq.

2 SAMUEL 15:10 Referencias Cruzadas

2 SAMUEL 13:28

Raüta apaiq raq ajaqshisetiim ma bom ka akha chongkuqto, “Liirong laq, athi ümtiikiiwa Amnon ka chephe makaiq she riijiiq, kra akhing na ngi raq namshiq ma, aming kuq phala, apaiq ka tiitsailaq tsatbaiq rongliijo. Naqhai rongkiq liijo. Ara mra ka ikhu thaq na. Srea nolabi ma jarong liijo. Naqhai rongkiq lii!”

2 SAMUEL 14:30

Kiijiishe Absalom raq ajaqshisetiim ma nguto, “Liimanta, Joab wakram ka iwakram tiinap niili. Kiimaq wakram na jaili ka jong wanto she. Kiijaq kilanta jaili rü ka wa maq chaqbaiq ki rongkiq.” Krai mren, tsangshiq kiho raüta wakram ka wa maq chaqbaiqto.

2 SAMUEL 15:9

“Ahea, khu asang maq kilaq,” nguta hokhamwe raq nguto. Krai mren, Absalom ka Hebron chela na kihoto.

2 SAMUEL 19:10

Nashiq raq Absalom ka na hokhamwe ma shongkai. Shatmaq apaiq ka re na tsaito. Riita, ümchaü min maiq weshi ra raq Hokhamwe Dawit ka jamto tiijang sheaki mak?”

2 SAMUEL 2:1

Arjai miishe Dawit raq Tatiwe ma akha waito, “Ngi raq Juda mung na chela thun sitlaq kriiwa, chela ashi kra mipeng wan ha shea?” “Ahea kilaq,” nguta Tatiwe raq treto. “Riita ümra chelati wa?” nguta Dawit raq wai nongto. “Hebron chela kra,” nguta Tatiwe raq treto.

2 SAMUEL 2:11

Krai mren, apaiq raq Hebron chela maq siraüta Juda mung ka wiimiishi ri wiithiq na saüli pengto.

2 SAMUEL 5:5

Apaiq raq Hebron chela maq ngaraüta Juda mung rüm wantaq kriika wiimiishi ri wiithiq riito. Kiimaq Jerusalem maq nga raüta Israil mung tlotli nai Juda mung tlotli rümwantaq kriika wiiroqtsam ri wiitsam riito.

1 HOKHVMX 1:11

Kiijiishe Nathan ka Solomon nyung Bathsheba phana wato. Raüta apaiq ma waito, “Haggith se Adonija ka hokhamwe miishe jawanto nguta tsütsa ka tailaü shea taimaü dea wa? Kiimaq Hokhamwe Dawit raq arthun arka jammin sapmak shaqli!

1 HOKHVMX 1:34

Lantea kriijaq Jadok nai Nathan raq apaiq ka Israil mung thaq na hokham ma tel maq minyuk laq. Kra lantiishe lerong ka tsü rong laq. Lantea, ‘Hokhamwe Solomon ka rilung alu misilaq!’ nguta rütrang ronglaq.

2 HOKHVMX 9:13

Krai mren, tlothit li she, apaiq kongtibi siihiipbi raq tsangshiq samtongjong kaü thun kra hiqkhuphi thun thaq kiijaq phiikuqto. Raüta Jehu ka kiijaq chapto. Raüta, “Jehu ka hokhamwe!” nguta lerong tsüto.

1 KAÜWA WERAÜ 11:3

Krai mren, Israil mungti welabi thun kunli ka Dawit phana Hebron chela na kito. Kiimaq apaiq raq tsangshiq ka apaiq rai pong wan dam asii ramkham kra tiibokto. Kiimaq tsangshiq raq apaiq ka ramkham maq nyukto, krai mren she apaiq ka Israil mung na hokham shongto. Arka Tatiwe raq Shamuel lümaq kiqkham kuqtaq kra phanphan she kupi wanto.

1 KAÜWA WERAÜ 12:23

Dawit ka Hebron chela na siji na sreabi rekhat asap atsinti thun pahea raq apaiq phen phung rai she pong wanto. Raüta apaiq ka Saul klai hokham ma shong wan na khrum kuqto. Arka Tatiwe raq apaiq ma kiqkham kuqtaq kra phan phan tiikupi wanto. Kra phenlabi phung ka achu riito: Juda phan wa phenlabi maiqwere rekhat atsin, liiq nai piq shamti ka 6,800 riito. Simeon phan wa phenlabi maiqwere rekhat atsinti ka 7,100 riito. Lewi phan wiika maiqwere 4,600 riito. Aron saüse phan Jehoiada sengi ka maiqwere 3,700 riito. Jadok ma tanyang senobi, jero jongbi nolabi ka 22 riito. Benjamin phan (Saul apaiq phan) wiika maiqwere 3,000 riito. (Benjamin phan wa mungmaiqse apako ka Saul rai li pongdam shat sito). Ephraim phan wa, tsangshiq phan welajongbi amang ra tsa ikha sitibi ka 20,800 riito. Shedong nü Wang na siti Manase phan wiika maiqwere 18,000 tsea raüta Dawit ka hokham ma shongkai tiikito. Isakar phan wa welabi ka 200, tsangshiq aming wokhong na maiq thun kriiri nongnong maq tiikito. (Ara welabi thun raq Israil mungti raq jamlai klo chang wa, kiimaq ümra akhing na klo chang wa kra asap). Jebulun phan wiika 50,000 riito. Tsangshiq ka maiqbomtaiti kiimaq rekhat kai miitu khekham maq siti, kiimaq phan phan rekhat chang hupsam kra sham smabi siisaq riito. Naphtali phan wiika welabi 1000. Tsangshiq rai phenlabi maiqwere ka 37,000 riito. Tsangshiq ka liiq nai piq doraq chhaq riito. Dan phan wiika phanrap rekhat atsin tlangje siisaq maiqwere 28,600 riito. Ashar phan wiika rekhat kai ma khekham siti maiqwere 40,000 riito. Kiimaq maiq phan Jordan rai maq shedong nü na siti phan wa, Reuben phan, Gad phan, kiimaq Shedong nü na siti Manase phan wiika maiqwere phanrap rekhat chang hupsam sham atsin sreabi ka 120,000 riito.

1 KAÜWA WERAÜ 12:38

Arthun phenlabi ka rekhatkai khekham maq, Hebron chela na Dawit ka Israil mung na hokhamwe ma shongkai kito. Kiimaq Israil mungti mungmaiqse kunli ka kiq ashi maq tiima ka ashi li thüto.